Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 27 Июл 2017 Кӯришлар: 472
Печат

 

suv 26 07 17Вилоятда "2017 йил - аҳолини тоза ичимлик суви билан таъминлаш йили" дастури давом этар экан, Спитамен ноҳиясида бу борада кўзга кўринарли ишлар амалга оширилмоқда. Жумладан, йилнинг ўтган ойлари  давомида деярли 6 километрлик ичимлик сув қувури таъмирдан чиқарилди. Агар йил давомида 43 километрдан кўпроқ узунликда янги сув қувурлари тортиш режалаштирилган бўлса, аллақачон 35 километрдан зиёд қувур ётқизилди.

Меҳнатобод қишлоғи ва янги қурилаётган Навбунёд шаҳарчасида иккита ичимлик суви қудуғи қазиш учун вилоят раиси томонидан деярли 600 минг сомоний маблағ ажратилган эди. Ҳозирда қудуқлардан бирини ишга тушириш ишлари бошланиб кетган.

Вилоятнинг бошқа шаҳар ва ноҳияларида ҳам аҳолини тоза ичимлик суви билан таъминлаш ишлари жадал олиб борилмоқда. Жумладан, Ашт ноҳиясида 2та сув чиқариш қудуғи қазилди, 4 километр узунликда янги сув қувурлари тортилди, 9 километрлик қувур таъмирдан чиқарилди.

Ноҳия раиси ўринбосари Жамшид Маҳмудзоданинг билдиришича, аҳолини тоза ичимлик суви билан таъминлашни яхшилаш мақсадида 605 минг сомонийга яқин маблағ сарфланган. У бу муҳим ишда маҳаллий тадбиркорлар ва бевосита аҳолининг ўзи ҳам иштирок этаётганини таъкидлади.

 

Танлов ғолибларига - давлат грантлари

Хўжанд шаҳрида энг яхши тадбиркор ва ҳунармандлар танлови ғолибларига давлат ҳокимияти Суғд вилояти ижроия органи грантлари топширилди. Вилоят раиси Абдураҳмон Қодирий 45 нафар аёлга маблағ топширар экан, уларнинг танлаган ишларини янада кўпроқ куч-ғайрат билан давом эттиришларига, мамлакат халқ хўжалигини юксалтиришга ҳисса қўшишларига ишонч билдирди. Тадбиркор ва ҳунарманд хотин-қизларга 305 минг сомоний миқдорида вилоят раиси грантлари берилди.

Вилоят раиси ўринбосари  Назира Ғаффорий эса, халқ ҳунармандчилигини ривожлантириш натижасида иш билан таъминланган аёллар сони 1000 нафарга яқинлашганига урғу берди. Давлат грантларини олган аёллар орасида вилоятнинг турли шаҳар ва ноҳияларида яшаётган қўли гул инсонларни кўриш мумкин. Масалан, Тоғли Мастчоҳ ноҳиясидан асалчи Бибифотима Оқилова,  гилам тўқувчилар - Панжакент шаҳридан Анварой Раҳимова,  Деваштич ноҳиясидан  Ҳабиба Ғозиева,  конибодомлик адрас тўқувчи Марҳабо Раҳимова ўн минг сомонийдан маблағ олишди.  Бўстон шаҳридан Муқаддам Насриддиновага рассомчилик тўгараги, Зафаробод ноҳиясидан Муҳайё Солиҳовага тикувчилик ва гулдўзлик цехи, мастчоҳлик Шаҳноза Ниёзовага тикувчилик цехи ташкил этишлари учун 8 минг сомонийдан грант берилди.

 

Оила хотиржам - юрт тинч

Конибодом шаҳрида жамиятнинг кичик, лекин муҳим бўғини бўлган - оилани мустаҳкамлаш йўлида тушунтириш семинарлари ўтказиш анъанага айланган.

Бу борадаги навбатдаги - олтинчи семинарда шаҳар раиси Ғайбулло Боҳирий иштирок этди. У янги оила қуриш арафасида турган йигит-қизларга - келин-куёвларга оила қуриш масъулияти, оила тинчлиги маҳалла, шаҳар, юрт тинчлиги эканлиги ҳақида қизиқарли мисоллар билан сўзлаб берди.

Ёшлар семинарда қатнашган ҳуқуқ, тиббиёт, дин вакиллари, психологлар, энг яхши оилалар бошлиқлари бўлган кишиларнинг сўзларини мароқ билан тинглашди. Янги оилани мустаҳкам асраш учун ёш эр-хотиннинг бир-бирини тушуниб, аҳил-иноқ яшашлари, катталарга иззат-ҳурматда бўлишлари билан бир қаторда, худди ота-оналари каби фарзандлари тарбиясида масъулиятли бўлишлари зарурлиги уқтирилди. Семинарда қатнашган отахонлардан бири фарзанд олдидаги масъулият жамият олдидаги масъулият эканлигини, халқда "бола бошидан" деган нақл бежиз авлоддан авлодга ўтиб келмаётганини айтди.

Эркин тарзда ўтган учрашувда ёшлар ўзларини қизиқтирган саволлар билан мурожаат этишди. Айрим оилаларнинг бузилиб кетишига катталар ҳам сабаб бўлишаётгани, айниқса, кўрпасига қараб оёқ узатмаётган кишиларнинг дабдабали тўй қилиб, қарздор бўлиб қолишаётгани ва айни шу ўйламасдан қилинган ортиқча харажатлар келишмовчиликларга сабаб бўлаётгани айтилди.

 Ўз мухбир. 


КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

"ОСИЁ ЎЙИНЛАРИ-2018" СОВРИНДОРЛАРИ

 

Индонезиянинг Жакарта ва Палембанг шаҳарларида қитъанинг энг нуфузли спорт мусобақаси «Осиё ўйинлари-2018» турнири ниҳоясига етди.

Мусобақаларда Ватанимиз шарафини ҳимоя қилган вакилларимиз ўз жамғармаларига 7та- 4 кумуш ва 3та бронза медалларини тўплаб, умумжамоа ҳисобида 30-ўринни эгалладилар.

Муфассал...

ҚЎШТЕГИРМОНЛИК САДОҚАТ РАМЗИ

 

Қўштегирмон Спитамен ноҳиясининг таниқли саркарда, шоҳ ва шоир Бобур Самарқанд азмини қилган ва ундан қайтган чоғларида бир неча бор қўниб ўтган қадимий қишлоғи. Уни маълум ва машҳур қилган нарса фақат Бобурнинг пойқадамигина эмас. Марказда, қишлоқ ўртасидан кесиб ўтувчи йўл ёқасида жойлашган зилол ва чучук сувли булоғи. Кейин одамлари… Деярли бутун воҳадаги  барча устозларнинг устози, республикада хизмат кўрсатган ўқитувчи,

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
509300

ӮҚУВЧИЛАР СОНИ

2347938
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
434
3401
13288
2320138
41775
62133
2347938

Сизнинг IPнгиз: 3.209.80.87
Бугун: 19-10-2019 04:37:09

ҲАМКОРЛАР

 

 

   

2015