Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 25 Май 2017 Кӯришлар: 441
Печат

 

oila 2017 1Исфара шаҳрида энг яхши ёш оилалар  вилоят танлови бўлиб ўтди. Халқаро оила куни муносабати билан ўтказилган мазкур танловда вилоятнинг 18та шаҳар ва ноҳиясидан келган ёш оилалар қатнашишди.

Суғд вилояти раиси ўринбосари Назира Ғаффорий танлов иштирокчиларини Халқаро оила куни билан табриклаб, уларга муваффақият тилади. Ғолибларга вилоят раиси совғалари топширилди.

Совғаларни Тожикистон Республикаси Ҳукумати қошидаги Хотин-қизлар ва оила комитети раиси Идигул Қосимзода топширди. У танлов қатнашчиларининг оила ва оиладорлик ҳақидаги билимларини юқори баҳолар экан, бу каби тадбирларни ўтказиш ёш оилаларни мустаҳкамлашга ёрдам беришини таъкидлади.

Спитамен ноҳиясида эса, Халқаро оила кунига бағишланган тадбир қатнашчиларини ноҳия раиси Акрам Сулаймонзода табриклади. У байрам тадбирини ўтказишдан асосий мақсад соғлом оила, оиладорлик  маърифати ва одобини тарғиб этиш, ёш оилаларни мустаҳкамлашга қаратилганини таъкидлади.

Турсун Ўлжабоев қишлоқ жамоатидан Олимовлар, Истиқлол қишлоқ жамоатидан Расуловлар, Хуррамзамин қишлоқ жамоатидан Мухторовлар оиласи турмуш тарзи билан танишган ёш эр-хотинлар Ватанни оиладан бошланишини ҳис этиб, улар каби аҳил, бир-бирини тушуниб, ҳурмат-эъзозда яшашга аҳд қилишди.

 

ХАЙРЛИ ИШЛАР

Конибодом шаҳрида «Ер экологиясини бошқариш ва қишлоқда тирикчилик воситаларини яхшилаш» лойиҳаси доирасида аҳоли экинзорларини суғориш учун сув билан таъминлашни яхшилаш мақсадида чора-тадбирлар ўтказилмоқда. Лоҳутий, Р. Ҳамробоев ва Ғ. Ортиқов номли қишлоқ жамоатларида зовур ва ариқлар тозаланди. Бунинг учун экскаваторлар ажратилди. Қисқа вақт ичида тўрт километрдан ортиқ сув иншооти тозаланди.

Айни бир пайтда Конибодомда машина ҳайдовчилари ва йўловчилар учун қулайлик яратиш мақсадида кўчаларни асфалтлаш давом этмоқда. Жумладан, Ашурмат Қодиров номли кўчага 500 метр масофага мум ётқизилди.

Бу хайрли иш маҳаллий тадбиркор Тоҳиржон Маҳкамов томонидан амалга оширилди.

 

АЖДОДЛАР МЕРОСИ ДАВОМЧИЛАРИ

Бобожон Ғафуров ноҳияси марказидаги маданият уйида Шашмақом кунига бағишланган концерт бўлиб ўтди. Тожикистон Халқ артисти Тўлқин Тожибоев раҳбарлигидаги ноҳия «Шашмақомхонлар» ансамбли ижросидаги концертдан юзлаб томошабинлар баҳра олишди.

Унда Жомий, Ҳофиз Шерозий, Камол Хўжандий, Ҳилолий, Сайидо, Туғрал каби мумтоз шоирлар шеърларига басталанган ашулалар ижро этилди. Шашмақом мухлислари ансамбл ва унинг яккахон ижрочилари – Тўлқин Тожибоев, Сирожиддин Худоймерганов, Носиржон Раҳимов, Азимбой Холов, Сурайё Бадалова, Барно Шарипова ва бошқа санъаткорлар маҳорат билан ижро этган мумтоз қўшиқларни жон қулоқлари билан тинглашди.

Ҳали мактабда ўқишларига қарамасдан, мамлакат миқёсидаги танловларда ғолиб чиқишган Гулноза Ғаффорова «Уфори савти калом»ни, Абдуқаҳҳор Ғаффоров «Уфори савти сабо»ни куйлашганда, Шашмақом мухлислари  ёш санъаткорларнинг ширали, жозибали овозига, мумтоз ашулаларни усталик билан ижро этишганига қойил қолиб, уларни узоқ қарсаклар билан олқишлашди.

Ноҳия маданият бўлими бошлиғи Бимоҳрў Қосимийнинг айтишича, Шашмақомнинг янги-янги моҳир ижрочилари етишиб чиқаётгани ёшларнинг анъанавий қўшиқчиликка меҳр-муҳаббатини кўрсатади. Бу ёшлар ноҳияда туғилиб ўсган машҳур санъаткорлар - Шашмақом усталари сифатида эътироф этилган Боймуҳаммад Ниёзов ва Маъруфхўжа Баҳодировлар анъанасини давом эттиришмоқда.

Ноҳияда «Шашмақомхонлар» ансамбли аъзолари меҳнати қадрланиб келинмоқда. Концерт бошланишидан олдин ансамбл ҳофизлари ва созандаларининг катта гуруҳига Тожикистон Маданият вазирлиги, давлат ҳокимияти ноҳия ижроия органининг мукофотлари топширилди. Шашмақом куни арафасида ноҳия раиси Зариф Нозирий ансамбл аъзоларини янги мусиқавий асбоблар, кийим-кечаклар ва бошқа зарур жиҳозлар билан таъминлаш мақсадида каттагина маблағ ажратди.

 

ЭНГ ЯХШИ МАҲАЛЛАГА  –  50 МИНГ СОМОНИЙ

Вилоятдаги энг яхши, деб топилган маҳалла 50 минг сомоний билан мукофотланади. Бу вилоятда Тожикистон Республикаси Олий Кенгаши тарихий  XVI сессиясининг 25 йиллиги муносабати билан ўтказиладиган танлов низомида белгиланди.

Мазкур танловни ташкил этишдан мақсад - маҳалланинг жамиятдаги ўрнини оширишга эришиш, ижтимоий-иқтисодий ривожланишга, ободончилик ишларига имконият яратиш, халқ миллий анъаналарини сақлаш, маданияти ва тарихини эъзозлашдан иборат.

 «Энг яхши маҳалла» ғолибини аниқлаш учун вилоят комиссияси ҳайъати тасдиқланди. Вилоят раиси матбуот хизматидан билдиришларича, мусобақа вилоят шаҳар ва ноҳияларида жорий йилнинг 1 ноябригача давом этади.

Биринчи ўринни эгаллаган маҳалладан ташқари иккинчи ва учинчи ўринлар соҳибларини ҳам пул мукофотлари кутмоқда. Иккинчи ўринни эгаллаган маҳалла 30 минг сомоний ва учинчи ўрин соҳиби 10 минг сомоний билан мукофотланади. Шунингдек, танлов ғолиблари «Тожикистон Республикаси Олий Кенгаши XVI сессиясининг 25 йиллиги муносабати билан ўтказилган энг яхши маҳалла вилоят мусобақаси ғолиби» нишони билан ҳам тақдирланадилар.

 

«КЕЛИНГ, КИТОБ ЎҚИЙМИЗ»

Хўжанд шаҳридаги Тошхожа Асирий номли вилоят кутубхонасида Ёшлар йили муносабати билан «Келинг, китоб ўқиймиз!» шиори  остидаги тадбир бўлиб ўтди. Мазкур кутубхона директори Баҳром Мирсаидовнинг айтишича, ушбу тадбирдан кўзланган асосий мақсад – ёшлар қалбида китобга бўлган меҳр-муҳаббатни уйғотиш ва кучайтириш бўлиб, бу мақсадга эришилган.

Кун бўйи давом этган тадбирда Хўжанддаги олий ўқув юртлари, махсус таълим масканлари ва умумтаълим мактабларида ўқиётган 2 минг нафардан ортиқ йигит-қиз қатнашди. Улар кутубхонада ташкил этилган китоб ва журналлар кўргазмаси билан танишишди. Кўргазмага тожик, рус, инглиз ва бошқа тиллардаги 2000тага яқин китоб ва журнал қўйилганди.

Худди шу куни «Энг яхши китобхон» танлови ўтказилди. Икки босқичда ўтказилган бу танловда Хўжанддаги қирққа яқин таълим муассасаси ўқувчилари қатнашишди. Танлов ҳакамлари тўққиз нафар ўқувчини «Энг яхши китобхон», деб топишди. Улар орасида 1-лицейдан Меҳринисо Ҳошимова, 24-гимназиядан Мадина Зарипова, «Файз» хусусий мактабидан Манижа Зарипова, 1-гимназиядан Некрўз Шоражабов, 27- ўрта умумтаълим муассасасидан Муталлиб Маҳмудов каби китобсевар ўқувчилар бор эди.

Ўз мухбир.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Сада байрами арафасидаги кўнгил олишлар

 

Суғд вилояти раиси вазифасини ижро этувчи Ражаббой Аҳмадзода Сада байрами арафасида Хўжанд шаҳрида яшаётган бир қатор меҳнат фахрийлари хонадонларига ташриф буюриб, уларнинг ҳолидан хабар олди.

Ражаббой Аҳмадзода Социалистик Меҳнат Қаҳрамони Ҳамроҳ Тоҳирова, Тожикистон Халқ артисти Сайрам Исоевалар билан учрашиб суҳбатлашди. 

Муфассал...

ХАЙРУ ХУДОЙИЛАР ТАОМСИЗ ЎТКАЗИЛАДИМИ?

 

Республика Дин ишлари, анъаналар, тантаналар ва миллий маросимларни тартибга солиш комитети раиси Сулаймон Давлатзода жорий йилнинг олти ойлик ҳисоботини Тинчлик ва миллий бирлик асосчиси - Миллат пешвоси муҳтарам    Эмомали Раҳмоннинг "Тожикистон Республикасида анъаналар, тантаналар ва урф-одатларни тартибга солиш тўғрисида"ги қонун қабул қилинганининг 10 йиллиги муносабати ила мамлакат фаоллари билан ўтказилган мулоқоти ва муҳтарам Президентимизнинг у ердаги сўзларидан иқтибос келтиришдан бошлади.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
465292

ӮҚУВЧИЛАР СОНИ

2217747
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1215
1373
9733
2199519
24739
46701
2217747

Сизнинг IPнгиз: 18.232.53.231
Бугун: 17-08-2019 20:05:14

ҲАМКОРЛАР

 

 

   

2015