Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 02 Март 2017 Кӯришлар: 655
Печат

 

firuza kamolzoda 2017Тинчлик ва миллий бирлик асосчиси - Миллат пешвоси, Тожикистон Президенти муҳтарам Эмомали Раҳмон Жаноби олийлари мустақилликнинг дастлабки йиллариданоқ мамлакатда аёллар мавқеини кўтариш, уларни раҳбар лавозимларга тайинлаш борасида дастуру ҳидоятлар берган эди. Бугунги кунда Давлат бошлиғининг бу оқилона сиёсати натижаси ўлароқ, латиф жинс аталмиш қизу жувонларимиз барча соҳаларда фаолият кўрсатишиб

, мамлакатимиз ободончилиги борасида ўзларининг улкан ҳиссаларини қўшиб келмоқдалар. Шундай аёллардан бири - Рўдакий ноҳияси раисининг ўринбосари Фирўза Камолзода. Баҳор ҳамда Оналар байрами арафасида у киши билан суҳбатлашдик. Эътиборингизга ана шу суҳбат мазмунини ҳавола этишга азм қилдик.

- Муҳтарама Фирўза Камолзода, Сиз ноҳия раисининг маориф, соғлиқни сақлаш, маданият, спорт ва дин ишлари бўйича муовинисиз. Елкангизга улкан масъулият юкланган. Айтинг-чи, ноҳияда бегона урф-одатларга тақлид қилиш жараёнига қарши қандай чора тадбирлар ўтказилмоқда? Умуман, миллий либос тушунчасини изоҳласангиз.

- Бегона урф-одатларга қарши ҳамма вақт чора-тадбирлар кўриб келинган. Айниқса, Тинчлик ва миллий бирлик асосчиси - Миллат пешвоси, муҳтарам Президентимизнинг 2015 йилги Оналар байрами арафасида республика  фаол хотин-қизлари билан бўлиб ўтган учрашувида берган дастуру ҳидоятларидан сўнг, бу борадаги ишлар кўлами кенгайтирилиб, аҳоли орасида тушунтириш ишлари олиб борилмоқда. Бегона маданият дейилганда, кейинги йилларда хотин-қизларимизнинг баъзи бир хориж давлатлари маданиятига кўр-кўрона тақлид қилиши назарда тутилади. Қора рангдаги ниқоб кийиб олишган баъзи юртдошларимиз буни ўзларича сатр ёки ҳижоб дейишмоқда. Аслида шундайми? Менимча, ундай эмас. Тор қилиб тикилган кийимдан аёл вужуди аъзоларининг бўртиб кўриниб туриши сатр бўлармиди? Йўқ, бу кўр-кўрона ўзгалар маданиятига тақлид! Ёки оналаримизу эналаримиз кийиниш услуби Исломга зидмиди? Йўқ, улар миллий либосларда ўз ҳаёларини сақлаб қолишган.

Бегона маданият дейилганда, фақат қора ҳижобу ва шунга ўхшашлар тушунилмайди, албатта. Европа маданиятига тақлид қиламан, деб ярим яланғоч кийиниш ҳам бизнинг миллий менталитетимизга асло тўғри келмайди. Модомики шундай экан, Ҳар бир ишда ўрта бўлмоқ афзал. Зеро, буюкларимиз: - Ҳар ишда ўртача бўлинг, динда ҳам ортиқ сўпилик қилсангиз (яъни ҳаддан ошсангиз), синасиз, - дея бежиз айтмаганлар.

- Ҳар йили баҳор арафасида республика бўйлаб  энг яхши бека танлови ўтказиш одатга айланмоқда…

- Ноҳиямиз миқёсида бундай танловлар ўтказилиб, бекажонларимизнинг энг яхшилари муносиб тақдирланишмоқда.

Бундан ташқари, аҳолини иш билан таъминлаш дастури асосида жойларда янги иш жойлари ташкил этиш, айниқса, хотин-қизларимизга мос корхоналар очиш, уларга миллий анъаналаримизни давом эттиришлари учун имконият яратилиб берилмоқда. Масалан, яқиндагина Республика Ҳукуматининг "Тожикистон Республикасида қўлда гилам тўқиш ва бошқа халқ ҳунармандчилигини ривожлантириш ҳақида"ги қарорига биноан, ноҳиянинг Чоргултеппа ва "Россия" қишлоқ жамоатлари ҳудудида гилам тўқиш корхонаси ҳамда ишлаб чиқариш таълим маркази ташкил этилди. Унда 25 нафардан зиёд маҳаллий хотин-қизларимиз касб ўрганишмоқда.

Шунингдек, давлат ҳокимияти Рўдакий ноҳияси ижроия органи томонидан қўлда гилам тўқиш ва бошқа касб-ҳунарларни қайта тиклаш ҳамда ривожлантириш ниятида касбу ҳунар нозикликларини чуқур ўрганиб келишлари учун икки нафар лаёқатли аёл Суғд вилоятига юборилди.

- Оналар саломатлиги ҳақида нима дейсиз?

- Оналар саломатлиги, бу, ёш авлод саломатлиги саналиб, обод ва солим келажак кафолати ҳамдир. Муҳтарам Президентимиз ноҳиямизга навбатдаги ташриф жараёнида қатор ижтимоий бинолару корхоналар очилиб, жумладан, ноҳия саломатлик маркази ҳам янги замонавий биносида ўз фаолиятини бошлаганди. Янги саломатлик марказида бир вақтнинг ўзида 310 нафар беморни қабул қилиш имкони бор ва бу ерда 300 нафардан ортиқ мутахассис кадрлар фаолият юритишмоқдаки, уларнинг аксари аёллардир.

Умуман, ўзингиз гувоҳи бўлиб турибсиз, ноҳия раиси ҳурматли Юсуфий Муҳаммадраҳим бошчилигида ноҳия инфратузилмаси тамоман янгиланиб, ўзгача тус олаётир. Турли баланд қаватли турар жой ҳамда корхоналар бинолари қад ростламоқда. Бир сўз билан айтганда, ноҳиямизда  маданий-маиший, спорт-соғломлаштириш мажмуаси иншоотлари қурилиш ишларига тайёргарлик ҳолати ҳамиша юксак баҳоланиб келинган.

- Спорт - саломатлик гарови, дейишади…

- Тушундим. "2016-2018  йилларда Тожикистон Республикасида ёшлар ижтимоий тараққиёти миллий дастури" асосида соҳага бағишланган 125 чора-тадбирлар ўтказилди. Ёшларни ватанпарварлик руҳида тарбиялаш мақсадида ҳарбий даъватгача бўлганлар орасида "Сипар" ҳарбий-спорт мусобақаларини ўтказишни ҳам йўлга қўйганмиз.

Дарвоқе, ноҳияда ёшлар спорт мактабидан ташқари, 16 жамоатда ҳам спорт тўгараклари амал қилади. "Кўктош"  футбол командамиз эса, ҳамиша маҳорат билан ўйин кўрсатиб, яхши натижаларга эришиб келмоқда ва бу йил Тожикистон Футбол федерацияси кубоги мусобақаларида фахрли учинчи ўринни эгаллаб, бронза медали соҳибига айланди.

- Марҳамат қилиб, айтинг-чи, Фирўза Камолзода, энг аввало, раҳбарми ёки она?

- У иш жойида раҳбар, давлат хизматчиси, аммо уйда барча оналар каби она. Ўз оналик бурчи ва масъулиятини бекаму кўст бажарувчи шахс.

- Сизнинг назарингизда Она  ким?

- Она сиймоси ҳамиша ва ҳамма вақт барчамизнинг кўз олдимизда намоён. У ким ва қайси вазифада фаолият юритишидан қатъий назар, у - Она бўлиб қолаверади. Она маъвоси ҳамиша баланд. Зеро, беҳудага жаннат оналар оёғи остидадир, дейилмаган. Зотан, барча улуғ зотлар ҳам, президентлару машҳур жаҳонгир саркардаларни ҳам она дунёга келтирган. Шу боис ҳам Она мақому манзалати ҳамиша баланд.

- Байрам арафасидаги тилакларингиз?

- Бизнинг азиз Тожикистонимизда миллионлаб Гурдофаридлару Тўмарислар бор эканлигига ишончим комил. Истардимки, ана шуларни дунёга келтириб тарбиялаб, вояга етказувчи оналаримиз, хотин-қизларимиз ҳамиша соғ-саломат бўлсинлар. Зотан, улар миллатимиз генофондини яратиб берувчи куч бўлиб, ҳали келажакда миллионлаб Рустамларни дунёга келтиришларига аминман. Барчаларига оилавий тотувлик, бахту саодат ёр бўлсин!

- Самимий суҳбат учун ташаккур.

 

Танишув

Фирўза Камолзода 1976 йили Рўдакий ноҳиясининг Лоҳур қишлоқ жамоатида зиёли оилада таваллуд топган. Маълумоти олий. Рўдакий ноҳияси ижроия органи тузилмаларида қуйи ҳамда юқори раҳбарлик лавозимларида ишлаб келган. 2015 йилдан буён Рўдакий ноҳияси раиси ўринбосари. Қатор Ифтихорномалару мукофотлар билан тақдирланган. Оилали, 4 нафар фарзанднинг онаси.

 

Абдулло Саидов суҳбатлашди.

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Ёмғир қизи

 

Ярим тундан ёмғир ёға бошлади. Худди олис-олислардаги ёрини эслаган қизалоқ мисол кўз ёш тўкди ё дарду аламини тозалагандек, ёмғир суви-ла юзларини ювади.

Чак-чак-чак… ва мен ташқарига чиқдим. Ёмғир остида ҳайрону лол қолдим. Фақат ёмғир қизининг чиройли, дилкаш кулгуси мени ўзимга келтирди. Узун кокилли қиз куларди, ёноқларидаги ёмғир томчилари гўё оппоқ бўйнини

Муфассал...

Гул ўстириш завқи

 

Ҳар бир соҳанинг ўз фидойилари бўлганидек, гулчиликнинг ҳам ўз фидокорлари бор. Бобожон Ғафуров ноҳиясининг Исфисор қишлоқ жамоатида гулчиликни равнақ топтирган тажрибали гулчи Рустам Тўйчиевни ўз касбининг чинакам устаси дейиш мумкин.

Қаҳрамонимиз бир неча йил олдин ташландиқ ер ўрнида иссиқхона бунёд этиб, бу ерда манзарали ўсимликлар, турли гул ва буталар кўчатларини

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
555303

ӮҚУВЧИЛАР СОНИ

2485456
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2011
2920
2011
2467130
40234
71175
2485456

Сизнинг IPнгиз: 18.207.255.49
Бугун: 16-12-2019 02:58:08

ҲАМКОРЛАР

 

 

   

2015