Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 02 Март 2017 Кӯришлар: 1668
Печат

 

nihol 2017"Юрагим завққа тўлиб, кўзларим  яшнаб кетди!" Хўжанд шаҳрида бўлиб ўтган кўчатлар, гуллар ярмаркасида бу каби сўзлар тез-тез эшитилди. Мазкур ярмаркага вилоятнинг турли ерларидан келтирилган гуллар, манзарали дарахтлар чинакамига кўрган кўзни яшнатарди. Тувакда ўстириладиган ва очиқ майдонда парвариш этиладиган гуллар орасида серқуёш Тожикистоннинг ўзида етиштириладиган анъанавий гуллар билан бирга,

дунёнинг турли минтақаларидан келтирилиб, мамлакатимиз иқлимига мослаштирилган гул ва гулбуталар бор эди.

Вилоятнинг турли ноҳияларидан келган боғбонлар учун қурилган алоҳида дўконларда сифатли ва арзон кўчатлар намойиш этилди ва сотилди. Минглаб одамлар бодом, ёнғоқ, олма, нок, олхўри, гилос, ўрик, олча каби мева ниҳолларидан ташқари лимон, палма, банан кўчатларини сотиб олишди.

Ярмаркага келган боғбонлар, турли идора ва муассасалар вакилларининг сўзларидан бу мақсадга тўла эришилганини пайқаш мумкин эди. Айниқса, томорқа ва боғларида мевали ва манзарали дарахтлар, гуллар ўстириш ниятида бўлган кишилар мамнун эдилар.

                         

Янги боғлар

Спитамен ноҳиясидаги "Боғи олу" деҳқончилик хўжалиги боғбонлари жорий йилда 5 гектар ерда янги боғлар яратишга азм айлашган. Бу ерларнинг ҳаммаси лалми майдонлар бўлиб, унинг 4 гектарига олхўри кўчатлари ўтқазилади. Яна бир гектарда олмазор боғ бунёд этиш режалаштирилган.

Лангар қишлоғида жойлашган мазкур деҳқончилик хўжалигида олхўризор боғлар яратишга бултур киришилганди. 6 гектар ерда бунёд этилган янги кўчатларнинг ўсишидан боғбонларнинг кўнгли тўқ.

 Ўтган йили ноҳиянинг Куруш қишлоқ жамоатида ҳам кенг майдонларда олхўризор боғлар яратилганди. Мутахассисларнинг айтишларича, бу мева серҳосил бўлиб, уни сақлаш ва сотиш учун олис ерларга етказиб бориш ҳам қулайдир.

 

Манфаатли шартномалар

Гулистон шаҳрида бўлиб ўтган "Шартнома тузиш-2017" иккинчи минтақавий анжуманида 20га яқин шартнома имзоланди. Анжуман қатнашчиларининг  изҳор этишларича, бу шартномалар ҳар икки томон учун ҳам манфаатлидир.

Вилоят раиси матбуот марказидан хабар беришларича, мазкур анжуман иккинчи марта ўтказилмоқда. У вилоят давлат ҳокимияти ижроия мақомоти ташаббуси билан  ўтказилаётир.  Бу анжуманда Тожикистоннинг турли томонларидан келган иқтисод соҳаси масъуллари билан бирга Россия, Белорус, Қирғизистондан келган соҳа вакиллари  қатнашишди. 

Анжуманда россиялик Дмитрий Прохоренко, белоруслик Юрий Шевсов, Суғд вилояти қишлоқ хўжалик бошқармаси бошлиғи Хайрулло Бобозода, "Нексигол-навъовар" ширкатидан Азимхон Тўраевларнинг чиқишлари катта қизиқиш билан кутиб олинди. Жумладан, Хайрулло Бобозоданинг  Суғд вилоятининг мева ва сабзавотни четга чиқариш иқтидори борасидаги чиқиши эътибор билан тингланди.

Қатнашчиларнинг фикрича, Гулистон шаҳрида ўтказилган анжуман қишлоқ хўжалик маҳсулотлари етиштириш ва сифатини яхшилашга, уларни чет элларга чиқаришни кўпайтиришга ёрдам беради.

 

Тожик санъатига олқишлар

Туҳфа Фозилова номли Конибодом шаҳар театри хориж сафаридан муваффақият билан қайтди. Бу гал  конибодомлик санъаткорлар Ҳиндистонда бўлиб ўтган театр фестивалида қатнашишди. Фестивалда Буюк Британия, Россия, Шри Ланка, Исроил каби дунёнинг 20дан ортиқ мамлакатидан келган театрлар бор эди.  

Конибодом театри ҳинд томошабинларига буюк Шекспир асарлари асосида саҳналаштирилган "Жиннилар суди" асарини тақдим этди. Мазкур асар Деҳли ва ҳайдаробод шаҳарларида кўрсатилганда, томошабинларнинг узоқ давом этган олқишларига сазовор бўлди. Фақат томошабинлар эмас, балки фестивалда  қатнашган Ҳиндистонлик ва чет эллик театршунослар, мутахассислар ҳам тожик спектаклига юқори  баҳо беришди.

   "Булар бриллиант актёрлардир!" Кекса ҳинд адиби Кармакар Сонтаке томонидан конибодомлик ёш актёрларга берилган бу баҳо, аслида спектаклни ҳаяжон билан томоша қилган барча ҳиндистонликлар кўнглидаги гап эди.

Тожикистоннинг Ҳиндистондаги элчиси Мирзошариф Жалолов спектакл томошасидан кейин, баҳо берар экан, конибодомлик санъаткорлар руҳига руҳ қўшилди.  "Жиннилар суди" машҳур туркман режиссёри Авлиёқули Хўжақули томонидан саҳналаштирилган.

 

Элчининг юқори баҳоси

Академик Бобожон Ғафуров номли Хўжанд Давлат дорилфунунида талабалар ўрганаётган чет тиллари яна биттага кўпайиши мумкин. Франциянинг Тожикистондаги Фавқулодда ва мухтор элчиси Ясмин Гуедар мазкур олийгоҳда бўлар экан, француз тили ўрганилиши учун ҳамкорлик қилиш имкониятлари борлигини айтди. Элчи хоним дорилфунунда тожик тилидан ташқари, инглиз, немис, араб, форс, хитой, рус, ўзбек тиллари муваффақиятли ўрганилаётганини кўргандан сўнг, бу қарорга келди. У дорилфунундаги илмий изланишлар, таълим олиш учун яратилган замонавий шарт-шароитларга юқори баҳо берди.

Ҳозирда дорилфунунда 19 минг нафардан ортиқ талаба ўқимоқда. Улар 60дан ортиқ  ихтисос бўйича таълим олишмоқда. Узоқ йиллар фақат педагог кадрлар тайёрлаган мазкур олий ўқув юрти Тожикистон мустақилликка эришгач, тез кенгайди, янги-янги факултетлар очилди. Жумладан, бу факултетларда замонавий ахборот технологияси, иқтисод, журналистика каби соҳаларда малакали кадрлар тайёрланмоқда.

Дорилфунун ректори Анвар Мақсудий элчи хонимга машҳур олим Бобожон Ғафуровнинг инглиз тилида нашр этилган "Тожиклар" китобини ва олий ўқув юртида таълим олаётган талабалар ижодидан намуналар тақдим этди.

 

Ўз мухбир.

КАЛЕНДАР

« Август 2025 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

МАҚОЛАЛАР

«Ғурбатда ғариб шодмон бўлмиш эмиш…»

 

2002 йилнинг ёзи эди. Мен ўшанда ўн еттига қадам қўйгандим. Ҳамсоямиз Тоғай малим Россиядан пул ишлаб келди. Қамиш билан ёпилган томини бузиб, баланд кўтарди-да, шийпир қоқди. Буни кўрган ҳамқишлоқлар пайтавасига қурт, кўнгилларига васваса тушди, ҳисоб. Отам ҳам бир куни масжиддан ҳовлиқиб келди-да: ”Тоғай малим яқинда Москвага қайтаркан. Илтимос қилгандим. Сени обкетишга кўнди. Тўрт кундан кейин жўнайсанлар”,- деди, очиқ осмонда чақмоқ чаққандек қилиб. Ўша кеча ухлай олмадим. Эрталаб жойимдан турарканман, танам жуда ланж эди

Муфассал...

Қора либос бизга бегона

 

Санъатшунослик фанлари доктори, профессор, илму техниканинг атоқли арбоби, Тожикистоннинг етакчи санъатшуносларидан бири Муқаддима Ашрафий тожиклар миллий либосига бир қатор илмий ишларини бағишлаган. Унинг "XII-XVII аср тожикларининг  ўрта асрдаги либослари" суратли китобларидан бири тожиклар санъати тарихининг энг кам ўрганилган соҳаси - ўрта аср либосларини акс эттиради. Либослар ҳақида тўлиқ, аниқ, яққол тасаввур берувчи  қадимий

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2178575

ӮҚУВЧИЛАР СОНИ

8551090
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
5571
3144
19178
8510082
105069
94590
8551090

Сизнинг IPнгиз: 216.73.216.118
Бугун: 29-08-2025 19:17:42

ҲАМКОРЛАР

 

 

   

2015