Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 23 Феврал 2017 Кӯришлар: 585
Печат

 

qishloq xujaligi 2017Ховалинг ноҳиясида қишлоқ хўжалиги соҳасини ривожлантириш, деҳқонларнинг соҳавий билимларини такомиллаштириш ва боғу токзор, мева-ю сабзавот, полиз маҳсулотлари, йирик ва кичик шохли чорваларни парвариш қилишнинг янги усуллари ҳамда агротехник қоидаларини ўргатишга бағишланган семинар ўтказилди. Унда таъкидланишича, кейинги йилларда иқлим ўзгариши туфайли пайдо бўлган турли касалликлар қишлоқ хўжалиги маҳсулотлари ҳосилдорлигининг пасайишига олиб келмоқда.

Боғ майдонларининг кенгайиши, хориждан келтирилаётган турли-туман дарахтлар парвариши деҳқонлар ишида муаммоларни юзага келтирмоқда. Ўтказилган тадбир мақсади айнан шундай мушкулликларнинг олдини олиш учун амалий тажрибада агротехник ишларни деҳқонларга ўргатишдан иборат эди.

Кейинги йилларда Ховалинг ноҳияси меҳнаткашлари сабзавот етиштиришда ҳам катта ютуқларни қўлга киритишмоқда. Улар картошка, пиёз, помидор, қалампир, полиз маҳсулотлари майдонларини кенгайтириш ҳисобидан ноҳия аҳолиси талаботини қондириб, маҳсулотларнинг бир қисмини ноҳиядан ташқарида сотувга чиқаришмоқда.

 

Оилавий зўравонлик ва ёш оилалар бузилишига қарши

Темурмалик ноҳияси Ёшлар, спорт ва сайёҳлик бўлими маҳаллий ҳокимият ҳамда Дин ишлари, миллий анъана, тантана ва урф-одатларни тартибга солиш бўлими билан ҳамкорликда "Оилада зўравонлик ва ёш оилаларнинг бузилиши" мавзусида йиғилиш ташкил қилди. Бу ҳақда давлат ҳокимияти Темурмалик ноҳияси ижроия органидан хабар берилди. 

Йиғилишда корхона ва ташкилотлар раҳбарлари ҳамда фаоллар иштирок этишди. Тадбир давомида оилавий зўравонлик ва ёш оилаларнинг бузилиши бугунги куннинг долзарб масаласи эканлиги таъкидлаб ўтилди.

- Афсуски, кўпинча ота-оналар ва фуқаролар жамият доғига айланган бу масала ечимидан ўзларини олиб қочишади ва унинг масъулиятини маҳаллий ҳокимият, суд ҳамда прокуратура органлари зиммасига юклашади, - деди ноҳия Ёшлар, спорт ва сайёҳлик бўлими мудири Аслиддин Айниддин. - Менимча, ёш оилалар бузилиб кетишининг асосий сабабларидан бири - ёшларнинг тарбияси тўғри йўлга қўйилмагани, яқин қариндошларнинг никоҳдан ўтишлари, қизларнинг эрта турмушга узатилишидадир.

Йиғилишда жамиятимиздаги бу иллатларга қарши ҳамжиҳатликда курашиш лозимлиги таъкидланди. 

 

Ёшлар - Миллат пешвоси издошлари

Шамсиддин Шоҳин ноҳиясида "Биз - ёшлар Миллат пешвоси издошларимиз" ҳамда "Ёшлар - Миллат пешвоси сиёсатининг давомчилари" мавзусида йиғилиш бўлиб ўтди. Тадбирда 2 минг 500 нафардан ортиқ турли касбу ҳунар эгалари бўлган ёшлар, ҳарбий қисмлар аскарлари, студентлар, ноҳия умумтаълим муассасалари ўқувчилари қатнашдилар. Йиғилиш иштирокчилари қўлларида Ёшлар йили, ватандўстлик ва миллий ифтихор мазмуни битилган шиор ва плакатлар билан ноҳия марказий кўчасидан ўтишди. Бу ҳақда вилоят раиси аппарати ахборот-таҳлил бўлимидан хабар берилди.

- 2017 йил - Ёшлар йили, деб эълон қилиниши ўлкамиз ёшларини Ватан чегарасини мустаҳкамлаш, тинчлик, истиқлолият, миллий бирлик қадриятларини эъзозлашга чорлайди, - деди Шамсиддин Шоҳин ноҳияси Ёшлар, спорт ва сайёҳлик бўлими бошлиғи Ҳусайн Ражабов. - Шунингдек, Миллат пешвосининг эътибори бунёдкорлик ишларида ёшларнинг масъулияти янада ошганини билдиради.

 

Фуқаролар хавфсизлигини таъминлаш - муҳим вазифа

Жамият тартибини сақлаш ҳамда фуқаролар хавфсизлигини таъминлаш мақсадида Тожикистон Республикаси Ички ишлар вазирлигининг Хатлон вилояти бошқармаси ташаббуси билан Қўрғонтепа шаҳрида милиция ходимлари ва бошқа соҳалар мутахассисларининг муштарак тадбири ўтказилмоқда. Тожикистон Республикаси Ички ишлар вазирлигининг Хатлон вилояти бошқармасидан хабар беришларича, мазкур тадбирда Тожикистон Республикаси Ички ишлар вазирлигининг Хатлон вилояти бошқармаси, Қўрғонтепа шаҳар бўлими қисмлари, Ер, меъморчилик ва шаҳарсозлик комитетлари ҳамда электр энергияси тармоқлари ва бошқа тузилмалар ходимлари иштирок этишмоқда.

Мазкур тадбирни ўтказишдан асосий мақсад - электр энергиясидан ноқонуний фойдаланиш, ер участкаларини зўравонлик билан эгаллаш, тозаликка риоя этиш, ёнғин хавфсизлиги қоидаларига риоя этиш, йўл ҳаракати ва бошқа қонунбузарликлар олдини олишдан иборат.

 

Ҳамкорликлар истиқболи

Хатлон вилояти раиси Давлатшоҳ Гулмаҳмадзода АҚШнинг Тожикистон Республикасидаги элчиси Элизабет Миллард билан учрашув жараёнида қишлоқ хўжалиги соҳасида ҳамкорликларни муҳокама қилди.

- Хатлон вилояти агросаноат комплексини ривожлантиришга жиддий эътибор қаратади, - деди Д. Гулмаҳмадзода. - Бизда етиштирилаётган маҳсулотлар вилоятимиз аҳолисини таъминлабгина қолмасдан, балки хорижга экспорт қилишга ҳам етади.

Учрашув жараёнида вилоят раиси тайёр маҳсулотларни сақлаш учун ҳам бу ерда қулай имкониятлар яратилганлигини таъкидлаб ўтди.

Ўз навбатида АҚШ элчиси вилоятда қишлоқ хўжалиги соҳаси ривожига йўналтирилган бир нечта лойиҳалар амалга татбиқ этилаётганлигини қайд қилди. Мазкур лойиҳаларни амалга татбиқ этиш жараёнида маҳаллий мутахассисларга иссиқхоналар яратиш ва улардан фойдаланиш ўргатилмоқда.

 

Қобилиятли ўқувчининг ютуқлари

Қўрғонтепа шаҳрида ўтказилган "2016 йил - Хатлон вилоятида тафаккур тараққиёти йили" мавзусида конференция бўлиб ўтди.

Конференцияда шаҳарнинг 14-ўрта умумтаълим муассасаси 3-синф ўқувчиси Мирмуҳсин Мирдодоевнинг ноёб қобилиятига катта баҳо берилди. Ёш вундеркинд йиғилиш қатнашчилари олдида дунёнинг барча давлатлари пойтахтлари, бу давлатлар Президентларининг номлари, мазкур давлатлар қаерда жойлашганлиги ҳамда уларнинг майдонини билишини намойиш этди.

Ўқитувчиларнинг айтишича, Мирмуҳсин эндигина 3-синфда ўқиши, бу синфда дастур бўйича география фани ўқитилмаслигига қарамай, жуда кўп маълумотларни билади. У кучли хотира соҳиби эканлигини конференция қатнашчиларининг саволларига чалкашмай жавоб берганлигидан ҳам билса бўларди.

 

Ўз мухбир.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Саодатли келажакни кўзлаб…

 

- Соҳибистиқлол серқуёш юртимизда ободончилик ва бунёдкорлик ишларининг тобора ривожлантириб борилиши ёш авлод келажаги учун шароит яратиб бериш демакдир. Зеро, бу йўлда уларга мустаҳкам асослар яратиб берган ҳолдагина, қилинган меҳнатлар ўз самарасини кўрсатади. Биз фаолиятимизда Тинчлик ва миллий бирлик асосчиси - Миллат пешвоси, Тожикистон Республикаси Президентининг Олий Мажлисга йўллаган Паёми,

Муфассал...

Ислом шариати кимларга рўза тутмасликка ижозат беради?

 

Тожикистон Уламолар кенгаши  раиси Саидмукаррам Абдулқодирзоданинг  жавоблари

 Июн йилнинг энг иссиқ ойларидан бири ҳисобланади. Мамлакат обу ҳавони ўрганиш Агентлиги мутахассислари бу ойда ҳароратнинг меъёрдагидан баланд бўлишини айтишмоқда. Бунга қўшимча тарзда жорий йилда Рамазони шариф ойи йилнинг энг иссиқ ойларидан бирига тўғри келди. Рамазони шариф ойи тақвимига кўра, ҳар бир мусулмон киши 3.15 дан 19.55 гача ейиш ва ичишдан тийилиши, яъни рўза тутишга вазифадор.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
508926

ӮҚУВЧИЛАР СОНИ

2346488
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2385
2054
11838
2320138
40325
62133
2346488

Сизнинг IPнгиз: 35.175.191.168
Бугун: 18-10-2019 18:26:54

ҲАМКОРЛАР

 

 

   

2015