Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 22 Декабр 2016 Кӯришлар: 604
Печат

 

m mahmadaliyeva-Ҳар бир инсонга табиат ёшлигидан истеъдод ва қобилият инъом этади. Инсон қайси касб эгаси бўлишидан қатъий назар, унга меҳр қўйиб ардоқласа, ўша касб туфайли эл меҳрига сазовор бўлади, - деди биз билан суҳбатда Маҳбуба Маҳмадалиева.

Ҳа, Маҳбуба болалик чоғларидан игна билан қайчига ўч бўлиб, онаси буюрган ишлардан бўшади, дегунча қўл машинада қийқимлардан чойнакка ёпқич,

елпиғич, қозон ушлагич ва қуроқли дастурхонлар тикиш билан машғул бўлар, ҳатто, мактабга борган  чоғларида меҳнат дарсида сумкасидан қийқимларни олиб, турли нарсалар тикиб, дугоналарига кўрсатарди.

Маҳбуба қишлоқда яшаса ҳам, чок тикишга қўли анча-мунча келишиб, қўни-қўшни қизларнинг бўй-бастига қараб, ўзларига хос рангда, хушбичим, янги усулда тикилган кўйлаклари уларга қуйиб қўйгандек ярашарди.

Ёш бўлишига қарамай, Маҳбуба тиккан кўйлаклар, биргина қишлоқда эмас, балки атрофдагиларга ҳам манзур бўла бошлади.

«Ҳунар бўлса қўлингда, нон топилар йўлингда» деганларидек, 49-ўрта умумтаълим мактабини битирган Маҳбуба Маҳмадалиева, илк устози Мадина  Каримовадан дуо олгач, «Маҳбуба» ателесида мустақил фаолият юрита бошлади.

Шу ўринда бир нарсани эслатиб ўтиш жоизки, дунёда ҳар бир миллат урфу одати ва ўзига хос миллий кийиниш жиҳатлари билан тан олинади. Айниқса, бизнинг шарқона кийиниш маданиятини аждодлардан-авлодларга ошириб, замона андозасига кўра янада сайқал берган ҳолда ёшларимиз қалбига сингдириб келаётган чеварлар кўпчиликни ташкил қилади.

Серқуёш мустақил диёримизда аждодлар анъаналари тикланиб бораётган бир пайтда, миллий маданий меросимизнинг янада юксалишига ўзининг беқиёс ва беандоза аёллик салтанати, қўли гул, чоки тоза чеварларимизнинг муносиб ҳисса қўшаётганликлари дилни қувонтиради. Бу миллий либосларда товусдек товланиб, кўча-кўй, ўқув юртлари ҳамда тўю-ҳашамларда юрган опа-сингилларимиз ғуруримиз боисидир.

Хатлон вилояти маркази бўлмиш Қўрғонтепа шаҳри мустақиллик туфайли сўнгги йилларда таниб бўлмас даражада ўзгариб бормоқда. Шаҳар марказидаги «Фаровон» бозорининг иккинчи қаватида жойлашган «Маҳбуба» ателесида доимо мижозлар гавжум. Шуниси эътиборлики, бозорнинг иккинчи қавати нуқул газламалар растаси бўлиб, мижозлар буюртма орқали ўзларига ярашадиган кийим-кечаклар тиктиришлари мумкин.

«Маҳбуба» ателесида жаҳон андозасига жавоб берадиган тикув машиналар бўлиб, уларда турли хил усулларда чок тикиш ва зар уриш дастурлари мавжуд. Атлас ва адрас либосларига  «Зебосанам», «Шашбарг», «Гулчамбар» ва «Самарқанд» нусха усуллари билан мижозлар дидига мос тарзда гул урилади.

-Қизлар қанчалик ҳунарли бўлса, турмушлари шунча фаровон бўлади,- дейди суҳбатимиз давомида Маҳбуба Маҳмадалиева.

А.Деҳлавий бобомиз айтганларидек:

Оқила, тадбиркор бўлса гар аёл,

Қўлидаги найзаси игна-ю ўқ мисол.

Ота-она бағрида ўрганган ҳунари  ўзиники, гарчандки, ўрганиш машаққатли бўлса ҳам. Ҳатто, қизлар оилавий ҳаётга тайёрлана бориб меҳмон кутиш, дастурхон безаш, уй жиҳозларини тартибга солиш ва тахта уқлов маданиятини ўрганиб борса, фойдадан холи эмас.

Аллақачон мижозлар олқишига сазовор бўлган, юксак истеъдод соҳибаси, буюртма либосларда ўзгача дид, ҳавас ва маҳорат билан мўъжиза яратаётган Маҳбуба Маҳмадалиеванинг  келгусидаги фаолиятига муваффақиятлар тилаб қоламиз.

 

Давронбек Каримов, Қўрғонтепа шаҳри.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Шерали Жўраев: -Тожикистонликлардай меҳмондўст халқ дунёда топилмайди!..

 

Санъатга ҳеч қандай чегара ва тўсиқларни назар-писанд қилмайдиган қудратли куч, диллару элларни бир-бирига боғловчи сеҳрли ришта, дея баҳо беришади. Чиндан ҳам, санъат ва маданият халқлар ўртасидаги дўстлик, биродарликни мустаҳкамлашда салмоқли ўрин тутади. Жорий йилнинг 9 март куни муҳташам “Борбад” қасрида тожик ва ўзбек санъаткорлари иштирокида бўлиб ўтган “Дўстлик оқшоми”да бу қадим ҳақиқатга яна бир карра имон

Муфассал...

Наво савтин тараннум қилмадинг ҳеч…

Эй муғанний, чун ниҳон розим билурсан - соз туз,

Тортибон мунглуғ наво, созинг била овоз туз.

Жаҳон халқлари адабиётига муносиб ҳисса қўшган мутафаккир шоир Алишер Навоийнинг сеҳрли қаламига мансуб ушбу ғазали муғаннийга, ўзининг жозибали куйлари билан қалб торларини чертувчи, оддий,

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
510636

ӮҚУВЧИЛАР СОНИ

2351113
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1447
2162
16463
2320138
44950
62133
2351113

Сизнинг IPнгиз: 34.236.216.93
Бугун: 20-10-2019 03:38:56

ҲАМКОРЛАР

 

 

   

2015