Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 11 Ноябр 2016 Кӯришлар: 1784
Печат

 

sayhunБобожон Ғафуров ноҳиясига қарашли Сомғор даштидаги яна 100 гектарлик ерда янги боғлар яратилади. Янги бунёд этилаётган «Сайҳун» шаҳрида 200 нафардан ортиқ боғбонга ер тақсимлаб берилди. Ер тақсимлаш маросимида Суғд вилояти раиси Абдураҳмон Қодирий қатнашди.

Боғбонлар янги ўзлаштирилган ерларга тез ҳосилга кирувчи ниҳоллар экиш мақсадидалар.

Бундай  замонавий интенсив боғларнинг нечоғли самарали бўлишини маҳаллий боғбонлар ўз кўзлари билан кўриб, маъқуллашган. Айни бир пайтда боғбонларга иш бошлашдан олдин дашт ерларини суғоришда сув тежаладиган томчилаб суғориш усули кўрсатилди.  

Қақроқ Сомғор даштини ўзлаштириш Тожикистон Президенти,  Миллат пешвоси муҳтарам Эмомали Раҳмон кўрсатмалари ва йўлланмалари асосида бошланди. Бу ерда янги- Сайҳун шаҳрини бунёд этишга киришилди.

Яқинда «Сайҳун»да яна 7 минг нафар кишига уй-жой қуриш учун ер тақсимлаб берилди. Улар Хўжанд, Гулистон, Бўстон шаҳарлари, Бобожон Ғафуров ноҳияси ва вилоятнинг бошқа шаҳар-қишлоқларида яшаётган кишилардир. «Сайҳун» шаҳрини бунёд этишга киришиш минглаб одамларга уй-жой қуриш учун, ер майдонига бўлган эҳтиёжларини қондириш учун имконият яратди.

Шу билан бирга янги шаҳар атрофида интенсив боғлар яратиш мақсадидаги ишлар ҳам жадал олиб борилмоқда. Вилоят раиси матбуот хизматининг билдиришича, Сомғор даштида 6 минг гектарлик интенсив боғ яратиш режалаштирилган.

 

Даҳкатсойдан Даҳанасойга сув келтирилади

Даҳкатсойдан Даҳанасойга сув келтирилгач, Деваштич ноҳиясидаги 12 минг гектар қақроқ ерни ўзлаштириш имконияти туғилади. Тоғли шароитларда амалга оширилаётган лойиҳа икки босқичдан иборат. Биринчи босқичда Даҳкатсойдан бошлаб Даҳанасой томон 10 километрлик йирик сув қувурлари ётқизилади. Лойиҳа тўлиқ амалга оширилгач, Деваштич ноҳияси ва Баҳористон шаҳридаги юзлаб оилалар Даштикон ва Сексари мавзеларини ўзлаштириш имконига эга бўладилар. Сув чиқарилган ерларда боғ-роғлар, токзорлар барпо этилади, деҳқончилик қилинади. Умуман, 12 минг гектар қуриқ ерни суғориш мўлжалланган.

Деваштич ноҳиясида мавжуд бўлган 36 минг гектар экин майдонининг фақат учдан бири суғориладиган ерлардир. Янги ерларга сув келтириб, ўзлаштириш, мева, сабзавотни кўпайтирибгина қолмасдан, ичимлик сув таъминотини  ҳам яхшилайди. Ҳозирда ноҳиянинг қуйи ерларига сув етказиб берадиган Даҳанасой сув омборининг лойиҳавий сиғими 42 миллион  куб метрдан иборат.  Амалда эса, ҳозир мавсумий ёмғир, сел сувларидан йиғиладиган сув ўртача ҳисобда 8 миллион куб метрга етиб-етмайди. Даҳкатсойдан сув келтирилгач эса, Даҳанасойдаги сув кескин кўпаяди. Биргина қиш ва кўклам мавсумларида Даҳкатсойдан Даҳанасойга 30 миллион куб метргача сув келиши мумкин.

Лойиҳа буюртмачиси Суғд вилояти қурилиш идорасидир. Вилоят Раиси матбуот хизматига кўра, лойиҳа «Нурафзо» ва «Архистрой-2» масъулияти чекланган жамиятлар томонидан амалга оширилмоқда.

 

Муносиб ўринбосарлар

Яна 22 нафар йигит-қиз раҳбарлик вазифаларида ишлай олишлари мумкин. Буни уларга берилган ҳужжат тасдиқлайди. Бу ёшлар давлат ҳокимияти Бобожон Ғафуров ноҳияси ижроия органи қошида очилган раҳбар кадрлар захираси мактабида таълим олишди.

Ноҳия Раиси Зариф Нозирий мактаб битирувчиларини табриклар экан, Тожикистон Республикаси Ҳукуматининг кадрлар сиёсати ҳақида сўз юритди. Бу сиёсатни амалга оширишда ноҳиядаги раҳбар кадрлар захираси мактабининг хизматлари муҳим бўлаётганлигини таъкидлади.

Мазкур мактаб 14 йилдан буён фаолият юритмоқда. Бу йиллар давомида мактабни битирган 280 нафар қобилиятли йигит-қиз ҳозирда ноҳиядаги турли ташкилот ва муассасаларда раҳбарлик вазифаларида муваффақиятли ишлашмоқда.

 

Чемпионга эргашган издошлар

Спитамен ноҳиясининг Куруш қишлоқ жамоатида спорт зали сифатли таъмир ва қайта қуришдан кейин ишга туширилди. Мазкур иншоот спорт устаси Валижон Тўхтаев томонидан бунёд этилган бўлиб, кейинги пайтларда таъмирга муҳтож бўлиб қолганди. Стол тенниси бўйича тўрт марта мамлакат чемпиони Наргиза Тўхтаева ушбу бинони ишга тушириш борасида раҳбар ташкилотларга мурожаат қилганди. Бунга мувофиқ маҳаллий тадбиркорлар ишга киришишди. Асосан стол тенниси ўйналадиган спорт иншоотини қайта қуриш ва таъмирлашга 18 минг сомоний маблағ сарфланди.

Тожикистон Конституцияси қабул қилинганлигининг 22 йиллиги арафасида бўлиб ўтган спорт иншоотининг қайта очилиши маросимида Спитамен ноҳияси раиси Акрам  Сулаймонзода қатнашди. У ёшларнинг жисмоний чиниқишлари, соғлом бўлишларида, бўш вақтларини мазмунли ўтказишлари, мамлакат номини жаҳонга танитишда спортнинг ўрни ҳақида гапирди.

Спитаменлик спортчилар кейинги йилларда вилоят ва мамлакат бўйича ўтказилаётган беллашувларда қатнашиб, фахрли ўринларни эгаллашмоқда. Масалан, яқинда ўтказилган  стол тенниси бўйича вилоят биринчилигида спитаменлик қизлар ғолиб чиқишди. Улар орасида спорт учун жонкуяр қиз Наргиза Тўхтаева ҳам бор эди.

 

Ўз мухбир.

КАЛЕНДАР

« Август 2025 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

МАҚОЛАЛАР

«Шашмақом» сеҳри

 

Бобожон Ғафуров ноҳияси марказидаги Маданият уйига йиғилган «Шашмақом» мухлислари бу ерда ўтказилган концертдан хурсанд бўлиб қайтишди. Тожик халқининг қадимий санъати мухлислари Тожикистон Халқ артисти Тўлқин Тожибоев бошчилигидаги ноҳия «Шашмақом» ансамбли санъаткорларининг ҳар бир чиқишини гулдурос қарсаклар билан олқишлаб туришди.

Муфассал...

Сифатли уруғ – мўл ҳосил гарови

 

Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон таъкидлаганидек, суғориладиган ерларда илм-фан ютуқлари асосида пахта ҳосилдорлигини ошириш, енгил саноат ривожининг асоси ва кўплаб иш жойлари манбаидир.

Эътибор берайлик, Вахш водийсида пахтачилик соҳасидаги вазият яхши томонга юз тутмаяпти. Чунки репродукцияси стандартга мувофиқ

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2177696

ӮҚУВЧИЛАР СОНИ

8549042
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
3523
3144
17130
8510082
103021
94590
8549042

Сизнинг IPнгиз: 216.73.216.118
Бугун: 29-08-2025 13:30:03

ҲАМКОРЛАР

 

 

   

2015