Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 03 Ноябр 2016 Кӯришлар: 793
Печат

      kanall 1200 метр сув иншооти таъмирланган ва тикланган, Кўлкентда 15 километр, Чилгазида 22 километрлик канал тозаланган, ер ҳолатини яхшилаш ва суғориш бошқармасига битта экскаватор олиб берилган. Бу ишлар бир йил давомида Исфарада ўтказилаётган "Қирғизистон ва Тожикистондаги сув захиралари ва яйловларга оид низоларни камайтириш лойиҳаси" доирасида амалга оширилган.

Мазкур лойиҳа учун Буюк Британия Ҳукумати маблағ бермоқда. Лойиҳа амалга оширила бошлангач, Исфаранинг Лаккон, Чилгази, Кўлкент қишлоқларида экинзорларни сув билан таъминлаш яхшиланган. Айни бир пайтда лойиҳа бўйича амалга оширилаётган ишлар чегара олди манзилларида яшаётган тожикистонлик ва қирғизистонликларнинг дўстлигини мустаҳкамлашга ёрдам берган.

Яқинда Исфарада бўлган Буюк Британиянинг Тожикистондаги элчиси ҳамда ушбу давлат парламенти вакиллари лойиҳанинг бориши билан танишдилар. Меҳмонлар ўртадаги низоларни бартараф этишга ёрдам берувчи мазкур лойиҳанинг муваффақиятли бораётганлигидан мамнун эканликларини изҳор этишди.

Буюк Британиядан ташриф буюрган меҳмонларни Исфара шаҳар раиси Расулзода Дилшод Жабборий қабул қилди ва шаҳарда юз бераётган иқтисодий ва ижтимоий ўзгаришлар ҳақида сўзлаб берди. Меҳмонлар бу ўзгаришларнинг аҳоли ҳаётини яхшилаш мақсадида қилинаётганини ўз кўзлари билан кўришди. Шунингдек, уларга халқ ҳунармандчилигини қайта тиклаш, аёлларни иш билан таъминлаш мақсадида қилинаётган ишлар ҳам маъқул бўлди.

 Исфара шаҳар ҳукуматидан хабар беришларича, хорижлик меҳмонлар Хонобод қишлоғидаги "Субҳи Ватан" консерва тайёрлаш ишхонасини бориб кўришган.

 

Мақсад: миллийликни тарғиб этиш

Хўжандда бўлиб ўтган "Суғд атлас ва адраси-2016" фестивали ўз якунига етди. Анъанага айланиб қолган мазкур фестивални ўтказишдан мақсад ҳам атлас ва адрасдан тикиладиган миллий кийимларни тарғиб этиш, бу матоларни тўқиётган усталарга, кийим тикаётган чеварларга ғамхўрликдир.

Фестивалда хўжандлик Каромат Ашурматова бош мукофот соҳибаси бўлди. Вилоят раиси Абдураҳмон Қодирий ғолибга махсус диплом ва 5 минг сомоний пул мукофоти топширди.

Шунингдек, "Энг яхши болалар кийими", "Энг яхши кундалик либос", "Энг яхши расмий кийим", "Энг яхши қадимий миллий либос" ва "Энг яхши байрам кийими" йўналишлари бўйича ғолиблар ҳам аниқланди. Бу йўналишларда биринчи ўринни эгаллаган Орзугул Бердиева, Зайнура Қодирова, Ойша Сатторова, Мубина Содиқова, Барно Шехсаидоваларнинг ҳар бири 3 минг сомонийлик мукофот олишди. Иккинчи ва учинчи ўринларни эгаллаган чеварлар ҳам мукофотдан бенасиб қолишмади. Уларга мутаносиб равишда 2 ярим минг ва 2 минг сомонийдан мукофот берилди.

 

Хожа Камол  ғазаллари жаҳон тилларида

Хўжандда Камол Хўжандий ғазаллари жамланган "Армуғони аҳли дил" китоби нашр этилди. Китобдан шоирнинг тожик тилидан ташқари, немис, рус, инглиз, урду, ўзбек тилларига ўгирилган ғазаллари жой олган. Шунингдек, ғазаллар форс имлосида ҳам берилган.

 "Камол Хўжандий илмий маркази" давлат муассасаси раҳбари профессор Фахриддин Насриддиновнинг айтишича, янги китоб Хўжандда бўлиб ўтадиган  "Камол Хўжандий: адабиётшунослик ривожи ва адабий алоқалар" халқаро конференцияси арафасида нашр этилган.

 

Адабий учрашув

Ўтган ҳафта охирида Ашт ноҳиясининг Марҳамат шаҳарчасида жойлашган 49-ўрта умумтаълим муассасаси мажлислар залида адабий учрашув бўлиб ўтди. Йиғилганлар орасида мазкур мактаб муаллимлари ва ўқувчиларидан ташқари Ошоба жамоатининг бошқа таълим даргоҳлари директорлари, ўқитувчилари ҳам бор эди. Мактабга фақат Тожикистонда эмас, балки ундан ташқарида ҳам ўз ижоди билан танилган шоирлар Султонмурод Ҳожибоев, Шариф Нуриддин ташриф буюришди.

Учрашувда сўзга чиққан мактаб директори Янишой Пардаева адабиёт, ижод ва ижодкорлар ҳақида гапириб, таниқли шоирларнинг ўқув даргоҳига ташриф буюришлари муҳим воқеа эканлигини таъкидлади.

Учрашув қатнашчилари Султонмурод Ҳожибоев, Шариф Нуриддин ўқиган шеърларни мароқ билан тинглашди. Шунингдек, ижодкорларга ўзларини қизиқтирган саволларни беришди.

Учрашувда аштлик шоирлар Абдумутал Топилов, Каримжон Султонназаров, Тошхон Азимовалар ҳам ўз шеърларидан ўқиб беришди. Мактаб ўқувчилари ижод қилган шеърлар ҳам қизиқиш билан тингланди. Ўқувчилар ижросидаги куй-қўшиқлар, рақслар учрашувга янада файз киритди.

 

Ўз мухбир.

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Миллат пешвоси Антониу Гутерриш билан учрашди

 

21 март куни Ню-Йорк шаҳрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон 2018-2028 йиллар - «Сув устувор тараққиёт учун» халқаро амалиёт ўн йиллиги бошланишига бағишланган тадбир очилиши доирасида Бирлашган Миллатлар Ташкилоти Бош котиби Антониу Гутерриш билан учрашди.

Мамлакат Президенти муҳтарам Эмомали Раҳмон Антониу Гутерришга

Муфассал...

ИККИ МИЛЛАТ АРДОҒИДА…

 

Самарқанд шаҳрининг Алишер Навоий номидаги марказий истироҳат боғида ўзбек ва тожик адабиётининг икки буюк мутафаккири – Алишер Навоий ва Абдураҳмон Жомий ҳайкали ўрнатилиши муносабати билан ёзилган шеър

Пайкари ду шоиру олим қад афрохт,

Сўлим эрди-ку, сўлимроқ бўлди бу боғ.

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
553516

ӮҚУВЧИЛАР СОНИ

2482746
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2221
2131
15616
2448083
37524
71175
2482746

Сизнинг IPнгиз: 3.81.29.254
Бугун: 15-12-2019 18:45:44

ҲАМКОРЛАР

 

 

   

2015