Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 25 Август 2016 Кӯришлар: 681
Печат

 

m.xidirzodaХатлон вилояти Жамият кенгашининг навбатдаги мажлиси вилоят раиси ўринбосари Махфират Хидирзода раислигида Қўрғонтепа шаҳрида бўлиб ўтди. Мажлисда Тожикистон Республикаси Жамият кенгаши котиб-координатори Нурали Саидов иштирок этиб, чиқиш қилди. Шунингдек, йиғилишда вилоят Жамият кенгаши аъзолари, вилоят ташкилотлари, сиёсий партиялар, вилоятда фаолият юритаётган жамият ташкилотлари раҳбарлари, оммавий ахборот воситалари вакиллари иштирок этишди. 

Мажлисда Хатлон вилоятида аҳолини иш билан таъминлаш масаласи кўриб чиқилди.

- Жорий йил вилоят аҳолини иш билан таъминлаш органларига 21 минг 912 нафар фуқаро иш сўраб мурожаат қилган. Аҳолини иш билан таъминлаш дастури доирасида 10 минг 142 киши иш билан таъминланди, - деб қайд қилинди йиғилиш жараёнида.

Мажлисда жорий йил бошидан буён дастур доирасида ажратилган маблағ ҳисобидан 4 минг 837 киши касб ўрганиш курсларига жалб қилинганлиги таъкидлаб ўтилди. Бу йўналишда, айниқса, тадбиркорлик йўналишини танлаганларга жиддий эътибор қаратилди. Етти ой бадалида 368 киши хорижий тилларни ўрганиш курсларида таълим олган.

Мажлис кун тартибига қўйилган масала юзасидан Хатлон вилояти раиси ўринбосари Махфират Хидирзода, Тожикистон Республикаси Меҳнат, муҳожирлик ва аҳолини иш билан таъминлаш вазири ҳамда Хатлон вилояти Жамият кенгаши аъзолари чиқиш қилдилар.

 

Юбилей иншоотлари

Хуросон ноҳиясида Тожикистон Республикаси давлат истиқлолияти 25 йиллиги байрамига бағишлаб 10та турли иншоот фойдаланишга топширилади. Бундан ташқари, ноҳия раҳбарияти автомобил йўлларини яхши ҳолатда сақлашга ҳам алоҳида эътибор қаратишган.

Хуросон ноҳияси маъмуриятидан маълум қилишларича, йил бошидан буён 73 километр автомобил йўллари таъмирдан чиқарилган.

 

Боғдорчилик истиқболлари

Мамлакатимиз учун бугунги кунда ердан самарали фойдаланиш, шунингдек, қишлоқ хўжалиги соҳасини тараққий эттириш катта аҳамиятга эга. Шунинг учун ҳам, Абдураҳмон Жомий ноҳиясида давлат дастури доирасида боғдорчилик ва токпарварликка катта эътибор берилмоқда.

Ноҳия ҳукуматидан маълум қилишларича, кейинги вақтларда 38,6 гектар майдонда боғ ва токзорлар бунёд этилган бўлиб, бу яхши кўрсаткич ҳисобланади.

Умуман, дастур доирасида 1052 гектар майдонда боғ ва токзорлар бунёд этилгандир.

Ноҳия раҳбариятининг сўзларига кўра, боғ ва токзорларни кенгайтириш қишлоқ хўжалиги маҳсулотларини хорижга экспорт қилишга имконият яратади. Йил бошидан буён ноҳиядан 2 минг 306 тонна қишлоқ хўжалик маҳсулотлари хорижга экспорт қилинган.

 

Замонавий театр биноси

Айни пайтда вилоятда бюджет маблағи ҳисобидан қуриладиган барча объектларда қурилиш ишлари қизғин олиб борилмоқда. Вилоят капитал қурилиш бошқармасидан хабар берилишича, барча қурилиш лойиҳалари ўз вақтида таҳлилдан ўтказилган.

Манбанинг маълумотига кўра, Тожикистон Республикаси давлат истиқлолияти 25 йиллиги байрами арафасида Қўрғонтепа шаҳрида замонавий театр биноси фойдаланишга топширилиши мўлжалланган. 

 

Спортга эътибор ошади

- Айни пайтда вилоятда 3та спорт мажмуаси, 8та спорт зали, 5та стадион ва 73та спорт майдончаси қурилиши давом этмоқда, - деди вилоят раиси ўринбосари Махфират Хидирзода Жисмоний тарбия кунига бағишлаб ўтказилган тантанали маросимда.

Спорт ишқибозларини Жисмоний тарбия куни муносабати билан табриклаган Махфират Хидирзода мамлакат ва вилоят раҳбарияти жисмоний тарбия ҳамда спорт равнақига жиддий эътибор бериб келаётганлиги, спортчиларнинг жисмоний тарбия равнақи ва ёш спортчиларни тарбиялашга қўшаётган ҳиссаларини алоҳида таъкидлаб ўтди.

Тадбир сўнгида Махфират Хидирзода вилоят раҳбарияти номидан спортчиларга ифтихорномалар ҳамда қимматбаҳо совғалар топширди. Шунингдек, спортчилар вилоят ёшлар, спорт ва сайёҳлик бошқармаси масъуллари томонидан ҳам совғалар билан тақдирланишди.

 

Божхона қоидалари бузилиши

Жорий йил бошидан буён Хатлон вилояти Божхона хизмати ходимлари томонидан божхона қоидалари бузилишининг 207 ҳолати ошкор этилди. Вилоят божхона бошқармасидан маълум қилишларича, ошкор этилган бир ҳолат юзасидан жиноий иш қўзғатилган бўлиб, 154 ҳолатда жисмоний ва 52 ҳолатда ҳуқуқий шахсларга нисбатан маъмурий ҳуқуқбузарлик протоколлари тартиб берилган.

Божхона муассасасида таъкидлашларича, божхона хизмати ходимлари божхона қонунчилиги талаблари бузилиши олдини олиш учун барча имкониятларни ишга солишмоқда, жумладан, аҳоли ўртасида тушунтириш ишлари олиб бориш йўлга қўйилган.

 

Ўз мухбир.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Мени ошиқ айлагин, Роббим...

 

МЕНИ ОШИҚ АЙЛАГИН, РОББИМ

Бегонаман гўё даҳрингга,

Ғариблардек маҳзундир қалбим.

Яратганинг ҳар не борингга

Мени ошиқ айлагин, Роббим.

Муфассал...

БИР-БИРИМИЗГА МЕҲРИБОН БЎЛАЙЛИК!

 

Мана, ҳаммамиз учун муборак ва азиз бўлган Рамазон ойи ҳам бошланяпти. Барчамиз орзуқиб кутган муборак ойга етказгани учун Яратганга шукр айлаймиз. Ва аввало, ҳар бир хонадон, маҳалла, шаҳар ва қишлоқ, севимли Ватанимиз - Тожикистонда тинчлик-омонлик, дастурхонларимиз тўкин, кўнгилларимиз хотиржам бўлишини Аллоҳдан сўраб қоламиз.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
508071

ӮҚУВЧИЛАР СОНИ

2343735
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1686
2252
9085
2320138
37572
62133
2343735

Сизнинг IPнгиз: 3.85.214.0
Бугун: 17-10-2019 20:08:27

ҲАМКОРЛАР

 

 

   

2015