Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 17 Август 2017 Кӯришлар: 665
Печат

 

nishastТожикистон Республикаси Ҳукумати қошидаги Хотин-қизлар ва оила комитетининг жорий йил биринчи ярми якуни натижаларига бағишланган матбуот анжумани комитет раисининг биринчи ўринбосари Марҳабо Олимий иштирокида бўлиб ўтди. Миллийлик тарғиботида асосий идора бўлган комитет ходимлари бир хил ранг ва бичимдаги атлас камзулларда келишди.

Марҳабо Олимий дастлаб журналистларни комитет томонидан ярим йил мобайнида бажарилган ишлар кўлами билан батафсил таништириб ўтди. Унинг қайд қилишича, жамиятда аёллар ролини фаоллаштириш, сарвар қизлар сонини ошириш, лаёқатли кадрларни тайёрлаш, ёш истеъдодларни топиш мақсадида комитет қошида студент қизлар кенгаши ташкил этилган бўлиб, унинг базасида «Сарвар қизлар мактаби» амал қилаяпти. Жорий йилнинг биринчи ярмида мамлакат олий таълим муассасаларининг 50 нафар студент қизлари мазкур мактабни муваффақиятли тугатиб, гувоҳнома соҳибига айланишган.

Шунингдек, хотин-қизлар ҳисобидан раҳбар кадрларни тайёрлаш ва касбий малакасини ошириш йўлида жорий йилнинг май ойида «Амонатбонк» Давлат жамғарма банки ходимлари билан «Раҳбар аёл» дастури доирасида таълим курси ўтказилди. Бундай таълим курси Алоқа хизмати ходимлари учун ҳам ташкил қилинди.

Шуни алоҳида таъкидлаш жоизки, жамият иқтисодий-ижтимоий ва сиёсий ҳаётида хотин-қизлар ролини юксалтириш, уй бекаларини жамиятнинг фойдали ишларига жалб этиш, улар томонидан ҳуқуқбузарлик ва жиноий амалларга қўл урилишининг олдини олиш мақсадида 2017 йилнинг биринчи ярмида 9 минг 207 нафар уй бекалари гилам тўқиш, қуроқ тикиш, тўқувчилик, гулдўзлик, тикувчилик, кулолчилик, заргарлик, зардўзлик,  намат , адрас  ва  сават  тўқиш,  дўппи, чакан тикиш каби халқ ҳунарларини ўрганишга жалб қилиндилар.

Миллий стратегиянинг VI-фасли ижроси йўлида жорий йилнинг 7-10 феврал кунлари комитет мамлакат олий таълим муассасалари студентлари билан аёллару эркаклар, ёшлар, балоғатга етмаганлар ўртасида номаъқул амаллар, жумладан, жиноятчилик, гиёҳвандлик, суиқасд каби  иллатлар ҳамда  хотин-қизлар ва ёшларнинг турли хил экстремистик ташкилоту оқимлар  сафига кириб кетишлари олдини олиш мақсадида учрашувлар ўтказилди.

Комитет Тожикистон Республикасининг «Оилада зўравонликнинг олдини олиш тўғрисида»ги қонуни, «2014-2023 йиллар Тожикистон Республикасида оилада зўравонликнинг олдини олишга доир давлат дастури»ни амалга татбиқ этиш доирасида «Оилавий зўравонликнинг олдини олиш» лойиҳаси билан ҳамкорликда оилада зўравонлик кўрсаткичларини аниқлаш йўлида 2017 йилнинг январ-феврал ойларида Душанбе шаҳрининг Шоҳмансур ноҳияси «Бадахшон», Чехов номли, «Халқлар дўстлиги» маҳаллаларида ижтимоий тадқиқот ўтказди.

Комитет Тожикистон Республикасида оила тараққиёти концепцияси татбиқи йўлида Телевидение ва радио комитети билан ҳамкорликда республиканинг амалдаги қонунлари, жумладан, Тожикистон Республикасининг «Фарзандлар таълим ва тарбиясида ота-оналар масъулияти тўғрисида», «Тожикистон Республикасида анъаналар, тантаналар ва урф-одатларни тартибга солиш тўғрисида»ги қонунлари доирасида мунтазам равишда илғор хотин-қизлар фаолияти, соғлом оила бунёди, ёш оилалар бузилишининг олдини олиш ҳақида кўрсатувлар ташкил қилиб келади.

Жорий йил олти ойи мобайнида комитет раиси томонидан 549 нафар фуқаро қабул қилинган бўлиб, шундан 94 нафарини эркаклар ташкил этади. Шунингдек, ҳисобот даврида 117та ёзма ариза келиб тушган.

Фуқароларнинг ариза ва мурожаатлари кўпроқ руҳий, ҳуқуқий маслаҳатлар олиш, оилавий зўравонлик, талоқнинг олдини олиш, мол-мулкни тақсимлаш, иш жойларига эга бўлиш, турар жой билан таъминлаш, алимент тўловлари, моддий ёрдам етказиш масалаларида бўлган.

Ота-оналар ва таълим муассасалари масъулларининг фарзандлар таълим-тарбиясидаги мажбуриятларининг ижро этилмаганига доир 10 минг 378та ҳуқуқбузарлик протоколи тузилиб, қонуний чоралар кўриш учун республика шаҳру ноҳиялари судларига жўнатилди. Шундан 6 минг 776 нафари 896 минг 625 сомоний ҳажмида жаримага тортилди ва 1441 нафари огоҳлантириш олди.

1997 йилдан 2016-2017 ўқув йилигача 17 минг 597 нафар студент Президент квотаси орқали мамлакат олий таълим муассасаларида таҳсил олган бўлса, шундан 11 минг 194 нафарини қизлар ташкил қилади. 2017-2018 ўқув йилида узоқ тоғли ноҳиялардан 1227 нафар ўғил-қизлар квота орқали олий таълим муассасаларига қабул қилинган бўлиб, шундан 629 нафардан ортиғи қиз болалардир.

Г.Аюпова,

«Халқ овози».

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Дарахт остидаги тилло

 

Болаларнинг севимли адиби, «Устоз бўлган шогирд», «Жоним фидо музқаймоқ», «Кўча муаллими», «Театр кўз ёш тўккан пайтда», «Муаттар» ва шу каби ўнлаб ўқимишли қиссалар муаллифи Насим Ражаб шу кунларда ўзларининг қутлуғ саксон ёшларини нишонламоқдалар.

Биз тожикистонлик барча ўзбек китобхонлари номидан устоз-адибимизни бу муборак сана билан чин дилдан табриклаб, қуйида у кишининг қаламига мансуб бир ҳикояни газетхонлар диққатига ҳавола этмоқдамиз.

Муфассал...

Эътибордан четдаги соҳа

 

Жаҳоннинг кўплаб мамлакатларида, айниқса, Шарқ дунёсида зиёрат туризми ривожланган. Саёҳатнинг бу тури у мамлакатлар хазинасига катта даромад келтиради. Лекин Тожикистонда зиёрат туризмига деярли эътибор берилмаяпти. Тожикистонда эса, муқаддас ҳисобланадиган мозорлар кўп. Туризм соҳасида меҳнат қилаётган мутахассислар, тарихчи ва шарқшунос олимлар, таҳлилчилар ана шундай хулосага келишган.

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
547498

ӮҚУВЧИЛАР СОНИ

2467501
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
371
2730
371
2448083
22279
71175
2467501

Сизнинг IPнгиз: 3.215.182.36
Бугун: 09-12-2019 02:55:46

ҲАМКОРЛАР

 

 

   

2015