Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 18 Август 2016 Кӯришлар: 1979
Печат

 

nazm va navoЖаббор Расулов ноҳияси марказидаги «Гулистон» маданият уйида Тожикистон мустақиллигининг 25 йиллигига бағишланган «Назм ва наво» кечаси бўлиб ўтди. Ноҳия раиси ўринбосари Зилола Эгамбердиева «Назм ва наво» кечасининг ўтказилиши ноҳия маданий-маънавий ҳаётида муҳим ўрин тутишини алоҳида таъкидлади. Ноҳияда туғилиб-ўсган Тожикистон халқ артистлари Карим Қосимов, Жўрабек Набиев, Тожикистон халқ ҳофизи Дадажон Қутбиддинов,

Тожикистонда хизмат кўрсатган артист Ўринбек Ҳамдамов каби санъаткорлар тожик санъати ривожига улкан ҳисса қўшишган, ҳозирда ёш ва истеъдодли санъаткорлар бу машҳур ҳофизлар изидан боришмоқда.

Тожикистон Ёзувчилар иттифоқи Суғд вилояти бўлими раиси ўринбосари, таниқли адиб Маъруф Бобожон адабиётнинг халқлар дўстлигини мустаҳкамлашдаги ўрни, вилоятда тожик адиблари билан бир қаторда ўзбек адибларининг ҳам китоблари нашр этилаётгани ҳақида тўхталиб ўтди. У адабиётлар орасида кўприк вазифасини бажараётган таржимонлар меҳнатига алоҳида урғу берди.

Ўтган йили фойдаланишга топширилган муҳташам «Гулистон» маданият уйини тўлдириб ўтирган мухлислар Тожикистон халқ шоираси, Абуабдулло Рўдакий номли мукофот лауреати Фарзона ва Камол Хўжандий номли мукофот лауреати Озарахшни давомли қарсаклар билан кутиб олишди.

«Назм ва наво» кечасида шоирлар Охун Аминзода, Мунаввара Ойматова, Шариф Нуриддин, Султонмурод Ҳожибоев, Муҳаммад Расул ва бошқа ижодкорлар ўқиган шеърлар мухлислар томонидан муносиб олқишланди.

Кечада Мунира Камол, Азимжон Эрматов каби ёш шоирларнинг чиқиши Жаббор Расулов ноҳиясининг истеъдодларга бой эканлигини кўрсатди.

Тожикистон Халқ артисти  Карим Қосимов, таниқли ҳофизлар Фатҳиддин Юсуфий, Шуҳрат Набиев, Ғуломжон Мирдадаев каби санъаткорларнинг қўшиқлари кечага янада файз киритди.

 

Фарзандлар истиқболи учун

Исфара шаҳридаги барча умумтаълим муассасалари янги ўқув йилига тайёрлаб қўйилди. Жумладан, 82та умумтаълим мактабида, махсус мактаб-интернатда таъмир ишлари сифатли ўтказилди. Суғд вилояти раиси матбуот хизматидан хабар қилишларича, жорий таъмирлаш ишлари учун 535 минг сомонийдан кўпроқ маблағ сарфланган.

Айни бир пайтда қиш мавсумида синфхоналарнинг иссиқ бўлиши, ўқувчиларнинг дарсларда бемалол иштирок этишлари учун чоралар кўрилаётир. Бу мақсадда 1 ярим минг  тоннага яқин кўмир ва 200 куб метрдан ортиқроқ ўтин тайёрлаб қўйилди.

Вилоят шаҳарлари ва ноҳияларида мактаб биноларини янги ўқув йилига тайёрлашнинг сўнгги ишларини амалга ошириш билан бирга, ўқувчиларга мактаб жиҳозлари, китоб-дафтарлар, кийим-кечаклар сотиб олиш имкониятлари яратилмоқда. Жойларда мактаб ярмаркалари очилмоқда.

Ана шундай мактаб ярмаркаси Хўжанддаги Тошхўжа Асирий вилоят кутубхонаси ёнида жойлашган савдо марказида очилди.

Ярмаркаларда сотилаётган ўқув қуроллари ва мактаб формалари нархи бошқа савдо нуқталарига қараганда 20 фоиз арзон ва айни бир пайтда сифати ҳам яхшилиги билан ажралиб туради. 

 

Янги спорт майдончалари

Хўжанд шаҳрида яна иккита янги спорт майдончаси фойдаланишга топширилди. «Суғдиён» деб номланган бу спорт майдончаларида кичик футбол ўйнаш учун барча шарт-шароитлар муҳайё этилган. Хўжанд шаҳри раиси Шарифзода Шариф Файз янги спорт майдончаларини топшириш маросимида сўзлар экан, спорт билан шуғулланишда ёшларнинг жисмоний чиниқиши билан бирга, уларнинг бўш вақтини мазмунли ўтказишда, ҳар хил номатлуб йўлларга кириб кетишлари олдини олишга ёрдам беришини таъкидлаб ўтди. 

Хўжанд шаҳар матбуот хизматидан хабар беришларича, янги спорт майдончалари маҳаллий тадбиркор Мўминжон Азизовнинг ҳиммати билан бунёд этилди. Бунинг учун 200 минг сомоний маблағ сарфланди.  «Замон» қурилиш ширкати қурувчилари иншоотларни икки ой давомида бунёд этишди.

Спорт майдончаларидан бири 14-умумтаълим мактаби ёнида жойлашган. Бу эса, мактаб ўқувчиларининг жисмоний тарбия дарслари ва спорт мусобақаларини мазкур замонавий иншоотда ўтказишлари учун имкон беради. Айни бир пайтда бу майдончада «Суғдиён» мини-футбол командаси футболчилари ҳам машқ ўтказишаётир. Янги майдончада Тожикистон мустақиллигининг 25 йиллигига бағишланган ёш футболчилар мусобақаси бошланди.

 

Ўз мухбир.

КАЛЕНДАР

« Сентябр 2025 »
Дш Сш Чш Пш Жм Шб Яб
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

МАҚОЛАЛАР

Картошка куяси муаммоси

 

МУТАСАДДИЛАР: - ЙЎҚ, ОДАМЛАР: - БОР, - ДЕЙИШАДИ… АСЛИДА-ЧИ?

Тожикистон аграр мамлакат бўлганлиги сабаб, қишлоқ хўжалиги соҳасига катта эътибор қаратиб келинади. Ҳукумат томонидан қабул қилинган ва қилинаётган қонун, қарор ва дастурлар бу соҳани ислоҳ қилиш ҳамда даромадлилигини оширишга йўналтирилганлиги, шубҳасиз.

Картошкапарварлик Тожикистон Республикаси қишлоқ хўжалигининг асосий соҳаларидан бири ҳисобланиб, озиқ-овқат хавфсизлигини таъминлаш,

Муфассал...

ҒАФУР ҒУЛОМ: - «Ассалому алайкум, муҳтарам биродарим ва муаззам шоир Лоҳутий!»

 

Ўзбекистон Халқ шоири Ғафур Ғулом тожик шоир ва адибларини ўзига жуда яқин тутарди. У, айниқса, Мирзо Турсунзода, Сотим Улуғзода, Муҳаммаджон Раҳимий, Боқий Раҳимзода, Жалол Икромий, Раҳим Жалил ва бошқалар билан жуда қалин дўст эди. Айний ва Лоҳутийни ўзига устоз, деб биларди. Тожик-форс тилини яхши билганлигидан  Рўдакий, Саъдий, Ҳофиз Шерозий, Жомий, Бедил асарларини ўзбек тилига ўгириб, нуктадон форсшунос, деган ном олган эди. 

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2203134

ӮҚУВЧИЛАР СОНИ

8625992
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1006
4008
12843
8588587
62096
117875
8625992

Сизнинг IPнгиз: 216.73.216.160
Бугун: 18-09-2025 04:27:51

ҲАМКОРЛАР

 

 

   

2015