Биз билан боғланинг:

   

Бизга қӯшилинглар

ХАБАРЛАР

МАДАНИЯТ

Муаллиф: Super user Категория: МАДАНИЯТ
Чоп этилган 10 Январ 2019 Кӯришлар: 234
Печат

 

yaxshibekov 2019Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Жаноби олийларининг мамлакат Олий Мажлисига йўллаган навбатдаги Паёмини Рўдакий ноҳияси Почта алоқаси муассасаси коллективи ҳам тинглаб, ундаги муҳим ўринларни ён дафтарларига ёзиб ҳам олишди.

Зеро, муҳтарам Президентимизнинг йиллик Паёми ўтган йил таҳлили ва жорий йил режаси учун муҳим ҳужжат саналиб, ҳар қандай ташкилоту муассаса ходимлари ушбу ҳужжатни чуқур ўрганиб, ўз иш режасини ҳам шунга мувофиқ тузиб олсалар, нур устига аъло нур бўлади.

Рўдакий ноҳияси Почта алоқаси муассасаси жамоаси буни тажрибадан ўтказган ва ўтган йиллар давомида аҳолига маърифат тарқатиш масаласида анчайин илгарилаб кетган.

Ўзининг кунлик вазифаси - хат-мактуб, бандерол, посилка, пул маблағларини қабул қилиш ва кўрсатилган манзилга етказиб бериш, нафақалар, шунингдек, газета-журналларга обуна масаласини бажариб келаётган почта алоқа хизмати бугунги ахборот-коммуникацион ресурсларнинг ўта тезкор ва шиддатли равишда ўсиб, ривожланиб бораётганига қарамай, ҳали-ҳануз сусайгани йўқ. Ҳалиям ўз вазифасини бекаму кўст бажариб келмоқда.

Шундай хизматлардан бири - республика ҳамда маҳаллий газета-ю журналларга обуна қилиш. Рўдакий ноҳияси Почта алоқаси муассасаси коллективи эса, 2019 йил учун халқ маънавиятини бойитувчи газета-журналларга обуна режасини тўлиқ бажара олдилар.

Почта алоқаси муассасасининг ноҳиядаги 16 қишлоқ жамоатлари ҳудудида 21 бўлинмаси мавжуд бўлиб, улар ҳам шу кеча-кундузда давлат сиёсатига айланган муҳтарам Президентимизнинг Паёмида қайд қилинган барча масалалар, жумладан, қишлоқ аҳлига газета-журналлар ва нафақахўрлар нафақаларини ўз вақтида етказиб бериш, улар оғирини енгил қилишдек шарафли ишни бажариб келмоқдалар.

Почта алоқаси муассасаси бошлиғи Абдумажид Яхшибеков сўзларига кўра, ўтган 2018 йилда ноҳияда газета-журналларга обуна бўлиш маъракаси самарали ўказилиб, белгиланган режа 100 фоиз ижро этилди. Бу ишда Рўдакий ноҳияси раиси вазифасини ижро этувчи Рустам Акрамзода ва у кишининг идеология бўйича ўринбосари Фирўза Камолзодаларнинг ҳиссаси катта бўлган. Шунингдек, Турсунзода номли шаҳарча жамоати, Россия, Зайнабобод, Султонобод, Чоргултепа қишлоқ жамоатлари ҳам ушбу маъракада анчайин фаоллик кўрсатишди.

Барча расмий ва норасмий газета-журналларга обуна бўлиш маъракаси изчил давом этган бўлиб, бу ишга мутасадди шахслар билан кунда-кунора мулоқот қилиб, иш жараёнини бевосита Фирўза Камолзоданинг ўзи кузатиб борди.

- Агар муҳтарам Президентимизнинг навбатдаги Паёмидан келиб чиқадиган бўлсак,- дейди Рўдакий ноҳияси Почта алоқаси муассасаси бошлиғи Абдумажид Яхшибеков биз билан суҳбатда,- ёшларнинг турли равия-ю мазҳабларга кириб кетишлари ва турли кўринишдаги жиноятларнинг олдини олмоғимиз лозим. Бу каби иллатни ўз вақтида даволамоқ шарт. Бунинг давоси эса, маънавиятни бойитишда, илм олишда, газета ва журналлар мутолаасидадир, албатта.

Халқ маънавиятини бойитишда ўзларининг раҳнамоликлари, бевосита иштироклари билан ёрдам қўлини чўзган Рўдакий ноҳияси раиси вазифасини ижро этувчи Рустам Акрамзода ва у кишининг идеология бўйича ўринбосари Фирўза Камолзода ҳамда юқорида зикр этилган жамоатлар раисларига таҳсинлар айтгинг келади, киши.

Мақсади аҳолига маърифат тарқатиш бўлган почта муассасасини узоқ йиллардан буён муносиб бошқараётган Абдумажид Яхшибеков ва ўз вазифаларини чин юракдан бажариб келаётган Қудратулло Азимов, Муҳаббат Халилова, Анвар Пиров, Ҳазратқул Ҳакимов, Майрам Шомаҳмадова, Қурбон Ражабовларнинг ўз касбларига бўлган муҳаббату фидойиликлари, улардаги аҳиллик қошида эҳтиром кўрсатмасдан бошқа илож йўқ. Офарин, маънавият фидойилари!

 

Абдулло Саидов,

"Халқ овози".

Суратда: Рўдакий ноҳияси Почта алоқаси муассасаси бошлиғи Абдумажид Яхшибеков.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Паём - янги ютуқлар омили

 

Ашт ноҳияси пахтакорлари янги – 2018 йилни ўтган йилги муваффақиятларидан руҳланган ҳолда бошлашди. Бултур аштлик пахтакорлар 14 минг 824 тонналик хирмон уйишди. Бу борада белгиланган йиллик режа 160 фоиздан ошириб бажарилди. Олдинги йилга қараганда деярли 5430 тонна кўп «оқ олтин» териб олинди. Ҳосилдорлик гектарига 27 центнердан ошди.

Муфассал...

Ҳазрати Султон мақбараси – муқаддас маскан

 

Хатлон вилоятининг Кўлоб минтақасида азалдан эл орасида машҳур бўлган зиёратгоҳ, тарихий обидалар жуда кўп. Айниқса, Султон Увайси Қараний оромгоҳи воҳа аҳли муқаддас билган масканлардан эканлиги диққатни жалб қилади. Собиқ Шўролар даврида ҳам ушбу масканга жуда кўплаб зиёратчилар ташриф буюрган. Қишлоғимиз оқсоқоллари ҳар йили махсус автобусда Мозори Ҳазрати Султонга бориб, 1-2 кун қолиб, зиёрат ва истироҳат олиб қайтишарди.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
505505

ӮҚУВЧИЛАР СОНИ

2336432
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1782
1949
1782
2320138
30269
62133
2336432

Сизнинг IPнгиз: 3.228.24.192
Бугун: 14-10-2019 18:12:49

ҲАМКОРЛАР

 

 

   

2015