Биз билан боғланинг:

   

Бизга қӯшилинглар

ХАБАРЛАР

ХАБАРЛАР

Муаллиф: Super user Категория: ХАБАРЛАР
Чоп этилган 17 Декабр 2015 Кӯришлар: 1362
Печат

 

ish joylariЖорий йилнинг ўтган 11 ойида Суғд вилоятида 157та янги ишхона фаолият юрита бошлаган. Йил бошида назарда тутилганига қараганда ўн битта кўпдир. Айни бир пайтда 2600та янги иш жойлари очилган.

Бу ҳақда Суғд вилояти раиси матбуот хизмати хабар берган.

Янги ишхоналарда, асосан, қурилиш ашёлари, озиқ-овқат маҳсулотлари каби ички бозор учун зарур маҳсулотлар ишлаб чиқарилмоқда.

Айни бир пайтда вилоятда саноат маҳсулотлари ҳажми кўпайган. Рақамлар тили билан айтганда, ўтган йилнинг шу давридагига қараганда 800 миллион сомонийдан ортиқ маҳсулот ишлаб чиқарилган.

Ҳозирда Суғд вилояти саноатчиларининг мамлакатдаги улуши деярли қирқ фоизга етиб қолган.

 

«Ҳақиқати Суғд» - 85 ёшда

Тожикистондаги энг кекса нашрлардан бири – «Ҳақиқати Суғд» газетасининг 85 йиллиги нишонланди. Бу муносабат билан Хўжанддаги Камол Хўжандий номли театрда тантанали йиғилиш бўлиб ўтди.

Суғд вилояти раиси ўринбосари Назира Ғаффорий тантанали йиғинни очар экан, газетанинг шонли тарихи ҳақида тўхталди. У Суғд вилояти раиси Абдураҳмон Қодирийнинг «Ҳақиқати Суғд» газетаси ижодий жамоасига йўллаган табрик хатини ўқиб эшиттирди. Вилоят раисининг совғалари – компютер ва принтерни газета бош муҳаррири Мухтор Абдулло қабул қилиб олди.

Тожикистон Маданият вазирлиги нашр бўлими бош мутахассиси  Садри Умар, Тожикистон Ёзувчилар иттифоқи Суғд вилояти бўлими раиси, Тожикистон халқ шоири Аҳмаджон Раҳматзод, Тожикистон Журналистлар иттифоқи Суғд вилояти бўлими раиси Илҳоми Жамолиён газета журналистлари, бутун жамоаси ва газетхонларни «Ҳақиқати Суғд»нинг 85 йиллиги билан табриклашди.

Энг фаол журналистларга Суғд вилояти раиси Ифтихорномалари, Тожикистон маданияти аълочиси, Тожикистон матбуоти аълочиси унвонлари, Тожикистон Журналистлар иттифоқи Ифтихорномалари топширилди.

Шу ўринда илгари турли номларда чоп этилган, Тожикистон мустақиллиги йилларида «Ҳақиқати Суғд» номи билан нашр этилаётган газетада мамлакатнинг жуда кўп таниқли ижодкорлари, журналистлари меҳнат қилишганини айтиш жоиз. Улар орасида Тожикистон Қаҳрамони Мирзо Турсунзода, машҳур ижодкорлар Раҳим Жалил, Аминжон Шукуҳий, Ҳожи Содиқ, Озод Аминзода, Фарзона, Аҳмаджон Раҳматзод борлигини эслатишнинг ўзи кифоя.

Журналистларни вилоят санъат аҳли ўз куй, қўшиқ ва рақслари билан табриклашди.

 

Электр таъминоти яхшиланади

Суғд вилоятида йилнинг ўтган ўн бир ойида истеъмолчиларга 3,2 миллиард киловатт-соатга яқин электр энергияси етказиб берилган. Бу деярли 385 миллион сомонийни ташкил этади. Суғд вилояти маъмурияти энергетика ва саноат бўлими маълумотларига кўра, ушбу маблағнинг фақат 87 фоизи тўланган, холос.

Аҳоли эса, саноатчилар, ишбилармонлар ва бошқа маҳсулот ишлаб чиқарувчиларга қараганда, фойдаланилган электр ҳақини кўпроқ тўлаган. Бу 93 фоиздан бироз кўпроқдир.

Бу борада Суғд вилояти раисининг матбуот хизмати хабар берган.

Айни бир пайтда электр таъминоти мутасаддилари фойдаланилган электр ҳақини вақтида тўлаб туришни эслатишди. Маблағни ўз вақтида топшириб туриш эса, электр таъминотининг яхшиланишига таъсир кўрсатиши таъкидланди.

 

Ўз мухбир.

КАЛЕНДАР

« Октябр 2020 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

ҲАЁТНИ СЕВИБ ЯШАГАН АЁЛ

 

Шаҳристон ноҳияси ўзининг такрорланмас манзараси, тоза ҳавоси, бағрикенг, меҳнаткаш халқи билан алоҳида ажралиб туради. Шоира, журналист, ёзувчи Тўтинисо Юсуфбекова ана шу гўзал юртнинг фарзанди. У 1948 йил 22 апрелда Юсуфбек Каримқул ўғли ва Хонпошшо Шодибек қизи оиласида дунёга келган. Уларнинг оиласида беш нафар фарзанд-тўрт ўғил бўлиб, Тўтинисо оилада ягона қиз эди.

Муфассал...

Қиёмат кун қўшнидан…

 

Қўшничилик муносабатлари ҳақида қоғоз қораламоқчи бўлдим. Кенг-тор, катта-кичик, пасту-баланд хонадонларда турфа хил тақдирга, дунёқарашга эга бўлган кишилар умргузаронлик қиладилар. Қадим-қадимдан қўшнининг уйи қўшнининг тўю азадорлигига яраган. Халқимизда тўй, азадорлик маросимларини ўтказишда қўшни қўшнидан маслаҳатлар сўрашган.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
859723

ӮҚУВЧИЛАР СОНИ

3435016
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
220
2023
7882
3406423
220
101081
3435016

Сизнинг IPнгиз: 3.237.71.23
Бугун: 01-10-2020 02:42:45

ҲАМКОРЛАР

 

 

   

2015