Биз билан боғланинг:

   

Бизга қӯшилинглар

ХАБАРЛАР

ИЖТИМОИЙ ҲАЁТ

Муаллиф: Super user Категория: ИЖТИМОИЙ ҲАЁТ
Чоп этилган 16 Апрел 2015 Кӯришлар: 992
Печат

 

vatanparvar jamoatЯқинда Совет Иттифоқи Қаҳрамони Ўрунбек Ёқубовнинг киндик қони тўкилган Яхтан қишлоқ жамоатидаги Наврўз тантанасида қатнашиш насиб этди. Наврўзий анъаналар борасида гапиришга эса, ҳожат йўқ. Байрамнинг унутилмас жиҳати шунда бўлдики, қишлоқ жамоатида соғ-саломат умр кечираётган саккиз нафар Улуғ Ватан уруши қатнашчиларидан олти нафари давранинг тўрида кўкракларини ордену медаллар безаб, савлат тўкиб ўтиришди.

Саккиз йилдан буён жамоатга раислик қилаётган ташаббускор, ишбилармон Темур Раҳмоновнинг айтишича, беморлиги туфайли Наврўз тантаналарида қатнашолмаган уруш ва меҳнат фахрийлари байрамдан олдин йўқланиб, ҳол-аҳволлари сўралибди. Байрамда жамоатдаги болалар боғчаси тарбияланувчиларининг чиройли ҳарбий либосларда «Мен хизматга бораман!» қўшиғини куйлашганда, даставвал, уруш ветеранлари қарсак чалиб юборишди…

 -Бизда ватанпарварлик тарбияси боғчаданоқ йўлга қўйилади. Уруш фахрийларини боғчага ҳам таклиф этамиз. Болакайлар бобожонлари кўксидаги ордену медалларга ҳавас билан қарашади ва мурғак қалбларида Ватанга меҳру муҳаббат ва қаҳрамонлик туйғуси шаклланади… Яна бир анъанамиз бор. У ҳам бўлса, Ватан хизматидан қайтган йигитлар бир ой давомида аскарлик формаси билан юриб, учрашувларга таклиф этилади ва хонадонларда меҳмон бўлишади,- дейди биз билан суҳбатда Т.Раҳмонов.

 Раиснинг айтганича бор. Нега деганда, Ғончининг ўнлаб қишлоғида бир нафар ҳам уруш иштирокчиси қолмаган. Аммо, жамоатда уларнинг саккиз нафари соғ-омон, бугунги кунга шукрона қилиб, умр кечирмоқда. Шундан беш нафари Лолазор қишлоғидан.

Ана шу довюраклик, жасурлигу ватанпарварлик, элу юрт учун фидойилик ҳозир ҳам сақланиб қолган бўлиб, янада мустаҳкамланиб бормоқда. Бир неча йилдан бери жамоат бошқа соҳалар қатори ҳарбий-ватанпарварлик тарбияси борасида ҳам пешқадамлик қилиб келмоқда. Кузги ва баҳорги даъват режаси ортиғи билан бажарилишини гапимизнинг исботи сифатида келтиришимиз мумкин. Бу йилги баҳорий даъватда Яхтан яна етакчилик байроғини сақлаб қолди. Биринчи кун 18 нафар ёш хизматга отланиб, режа 140 фоиз бажарилди. Ҳали хизматга боришни аҳд қилиб, бу мақсадини амалга ошириш учун ҳарбий комиссариат остонасида навбатга турган йигитлар талайгина. Жумладан, Хўжатоҳир қишлоғидан келган йигитни қўлида жароҳат бўлганлиги учун ҳарбий даъват комиссияси қайтарди. Аммо… кошки гапни тушунса…

Охири шифохонага йўллашди ва бироз табобат олгач, албатта, жўнатишларини тушунтиришди. Ҳарбий хизматдан қочиб ўзини касалга чиқарган, сандали ичига яширинган ёшлар бу довюрак йигитдан ибрат олса яхши бўларди.

 Номаълум аскар хиёбонида бўлиб ўтган кузатиш маросимида ноҳия раиси Рустамбой Жўраевнинг Яхтан жамоати режани ортиғи билан бажаргани ҳақидаги хабарини иштирокчилар қарсаклар билан кутиб олишди. Жамоатга мукофот сифатида бир телевизор ва Ифтихорнома берилди. Шу билан бирга, Яхтан,  Даштикон, Шоҳин, Хўжатоҳир, Хўштоир, Мухлон қишлоқлари раислари ва фаоллари ноҳия раисининг миннатдорчилик номаларини олдилар.

Доим илғор бўлган Яхтан жамоати издошлари йил сайин ортиб бормоқда. Ғазантарак, Мужун, Исмоил Сомоний, Ваҳдат жамоатларидан ҳам ихтиёрийлар биринчи кунларданоқ юрак амри билан ҳарбий комиссариатга келишди.

 Ўтган ҳарбий чақирувда ҳарбий комиссар бўлиб келган полковник Носиржон Тошматовнинг айтишича, турли мавзуларда ўтказилаётган ҳарбий-ватанпарварлик тадбирлари, ота-оналар билан олиб борилаётган тушунтириш ишлари, уруш ва меҳнат фахрийлари, ҳарбий хизматдан қайтган аскарлар билан учрашувлар натижасиз қолмаяпти. Кузги даъват режаси 20 кунда ижро этилган эди. Баҳорги чақирувда эса, чақирилган 135 нафардан 100 нафари турмушнинг пасту баландини кўрган отахону онахонлар дуоси билан она-Ватан хизматига йўл олишди.

 Ҳа, она-Ватан хизматини йигитлик бурчи деб билган марди майдон ёшларга таҳсинлар бўлсин, деймиз.

 

Эгамназар СОҲИБНАЗАРОВ,

Ғончи ноҳияси.

Мамлакатимизда ижтимоий аҳвол сизнингча?

Аъло - 38.5%
Яхши - 38.5%
Ӯртача - 0%
Ёмон - 7.7%
Билмайман - 15.4%

Проголосовали: 13

КАЛЕНДАР

« Январ 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Заминда яралган илоҳий ҳилқат

 

Ўлкамизда ўзгача таровати билан оламни яшнатаётган баҳор фасли кезмоқда. Гўзал баҳорнинг илк кунларида аёлларимиз байрами бу фаслга янада ўзгача файз берди. Замину осмон ва давру замон ҳусни-таровати аёлларимиз чеҳрасида унгани, латофат ва малоҳат деган гўзал хислатлар уларнинг юриш-туришида намоён бўлгани аниқ. Аёлларимизни “Заминда яралган илоҳий хилқат” десак ҳам муболаға бўлмайди. Мен бугун ноҳиямизнинг Гулхона қишлоғида яшаб

Муфассал...

Мулойимхунук

 

"Ҳақиқати Ленинобод" газетасида ишлаб юрган пайтларим. Усмонжон Тожибоев (жойлари жаннатдан бўлсин) газетанинг бош муҳаррири эдилар. Фақат тожикча эмас, ўзбекча ибораларни ҳам кўп билардилар ва усталик билан, айни жойида ишлатардилар. Масалан, гап уқмас, тебса-тебранмас ходимларнинг айтилган ишни вақтида бажармасликларидан авзойилари бузилганда: "Ўзбеклар яхши отга бир қамчи, дейишади, келинглар, ўртоқлар, яхши от бўлайлик", -

Муфассал...

СТАТИСТИКА

Сайтга кирганлар
1
Мақолалар
835
Мақолаларни кӯрганлар сони
602215

ӮҚУВЧИЛАР СОНИ

2608351
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1689
2096
1689
2588987
76447
86682
2608351

Сизнинг IPнгиз: 3.227.240.143
Бугун: 27-01-2020 21:33:43

ҲАМКОРЛАР

 

 

   

2015