Саратон фасли келиши ҳамда ҳаво ҳароратининг ошиши инсон танаси кўп терлаши ва бунинг натижасида ёмон ҳид тарқалиши, ноқулайлик ҳисси туғилишига сабаб бўлади. Аслида терлаш касаллик бўлмаса-да, кўп терлаш айрим хасталиклар нишонаси, дея тахмин қилиш эҳтимоли мавжуд. Терлаш қон босимининг юқорилиги, инсон организмидаги баъзи касалликлар туфайли ёки туғма ҳам бўлиши мумкин!

Аммо сизнинг кўнгилни хира қилувчи ёмон ҳид таратиш ва хижолат чекишдан қутулиш имконингиз бор. Биз бу йўналишда сизга ёрдам берамиз.

Ибн Сино касалхонасида бадан ва қўлтиқ таги терлаши замонавий технологиялардан фойдаланган ҳолда, енгил, осон ва тез бартараф этилади!

Касалхонанинг гўзаллик бўлими маслаҳатчиси Бунафша Ҳайдарий бу амалнинг тез ва зиёнсиз бажарилишини таъкидлади.

– Биз жаҳонда танилган ҳамда бирор-бир жароҳат ёки нохуш оқибатларни келтириб чиқармайдиган табиий материал – ботокс орқали бу амални бажара оламиз! 

Аммо тана терлашидан фарқли ўлароқ, семизлик беморликдир. Бадан ёғлилик даражаси ва қорин айланаси ўлчови Бутунжаҳон соғлиқни сақлаш ташкилоти белгилаган меъёрдан ўтган бўлса, бу семизлик нишонасидир! ВMI – шундай меъёрки, унда тананинг килограмм миқдоридаги ўлчови бўй ўлчовига бўлинади. Кўрсаткич 25 дан ошмаслиги керак! Мисол учун, агар оғирлигингиз 95 килограмм ва бўйингиз 1 метр 75 сантиметр бўлса, сизнинг ВMIингиз 31 чиқади. Бу кўрсаткич сизнинг семиз эканлигингизни тасдиқлайди! Ташқаридан қараганда ҳам семизлик унчалик ёқимли эмас. Ҳатто, шинамроқ либос танлаш учун соатлаб магазин ва дўконларда овора бўлишингизга тўғри келади. Уй ва жамият транспортида ўзингизга жой топишда қийналишингиз – семизлигингиз «самараси»дир. Тиббиёт нуқтаи назаридан эса, семизликнинг зиёни янада кўпроқдир: энг аввало, белингиз ва умуртқангиз зарар кўради, сўнгра тиззаларда оғриқ пайдо бўлади. Ҳазм қилиш органлари ёғ босиш оқибатида яхши фаолият қила олмайди.

Бунафша Ҳайдарий хоним суҳбатимиз сўнгида Ибн Сино касалхонасида семизликни ҳам баратараф этиш мумкинлигини таъкидлади: ошқозонни кичрайтириш йўли билан сиз очофат иштаҳангиз билан бир умрга хайрлашасиз! Бу амалиёт жараёнида ошқозон ҳажми кичрайтирилиб, герлен деб номланувчи очиқиш гормонининг кўпайиши олди олинади. Шунингдек, бадандаги ортиқча ёғлар липосакция усули ҳамда лазер нури ёрдамида бартараф этилади! Қўл ва соннинг семизлиги ҳам энг яхши усул ва қисқа муддатда бартараф этилади.

Айни пайтда гўзаллик, ёшлик ва саломатлик мухлислари пластик жарроҳлик ўтказиш учун жуда кўп вақт ва маблағларини сарфлаб, хорижий мамлакатларга боришади. Ибн Сино касалхонаси эса, худди шундай хизматни ўз мижозларига Ватанимизда тақдим этади!

Ўз мухбир.