Биз билан боғланинг:

   

Бизга қӯшилинглар

ХАБАРЛАР

ИҚТИСОД

Муаллиф: Super user Категория: ИҚТИСОД
Чоп этилган 16 Май 2014 Кӯришлар: 859
Печат

 

РОҒУННИНГ ҚУРИЛИШ ШАРТёхуд Роғун ГЭСининг қурилиши тӯғрисидаги асоссиз миш-мишлар ҳақида

Америка Қӯшма Штатлари Президенти Барак Обама ӯзининг дунё миқёсида қурилаётган энг баланд тӯғонлар ва катта иншоотларни қӯллаб- қувватламаслик тӯғрисидаги қарорини тасдиқлаш учун давлат департаментига топширганлиги тӯғрисида тарқалган хабар дунёда кӯпчиликнинг кӯнглига ғулғула солиб қӯйди.

Хусусан, Тожикистон халқи бу хабардан ноқулай аҳволга тушиб, кӯпчиликнинг умид кӯзлари қадалган Роғун ГЭСи қурилиши ҳақида турли гумонли фикрлар «гирдоби»га тушиб қолдилар.

Шуни иймон келтириб айтиш мумкинки, халқ орасида «дайдиб» юрган бу дарбадар фикрларнинг ҳаммаси «мағзи пуч» гаплардир.

Зеро, Барак Обама бизнинг Президентимиз эмас. Қолаверса, Тожикистон халқи ӯз Президенти ва у шахс томонидан олиб борилаётган оқилона иқтисодий сиёсатга эга…

Барак Обаманинг олиб бораётган сиёсати ҳам, фармону қарорлари ҳам биз учун бегона.

Шунинг учун ҳам, Роғун ГЭСининг қурилиши ҳақидаги ҳар қандай асоссиз миш-мишларга ишониш гумроҳликдан бошқа нарса эмас…

Мазкур гигант гидроузелнинг қурилиши Тожикистон Республикаси Ҳукумати ва унинг Раиси эътиборидан ташқарида қолгани йӯқ.

Қолавеса, Тожикистон Республикаси Ҳукумати 2014 йилда Роғун ГЭСи қурилишини молиялаштириш миқдорини 33 фоизга кӯпайтирган. Унинг айни пайтдаги ҳажми 1,4 миллиард сомонийни ташкил этади.

Яқинда Тожикистон Республикаси Президенти Эмомали Раҳмон Бутунжаҳон банкининг Европа ва Марказий Осиё давлатлари бӯйича вице-президенти Лора Так билан ӯтказган мулоқотлари чоғида Роғун ГЭСи қурилиши масаласи атрофлича муҳокама қилинди.

Халқаро молиявий идора раҳбаридан бири бӯлган Лора Так Роғун ГЭСи қурлиши ҳақида қуйидаги фикрларни баён қилди:

-Биз Роғун ГЭСи қурилиши лойиҳасига тегишли барча масалалар муҳокамасида фаол иштирок этяпмиз. Унинг техник, ижтимоий ва экологик таҳлиллари бӯйича муносиб натижалар 2014 йилнинг биринчи ярмида эълон қилинади…

Лора Так таҳлилнинг шаффоф чиқиши учун Тожикистон Республикаси Ҳукуматининг яқиндан кӯрсатаётган ёрдамидан миннатдор эканлигини билдирди.                                                        

Умумжаҳон банки раиси ӯринбосари Америка Қӯшма Штатлари Президенти қарорини шарҳлар экан, шундай деди:

-Барак Обаманинг қароридан қатъий назар Умумжаҳон банки Роғун ГЭСи қурилиши лойиҳалари билан боғлиқ барча таҳлилларни охиригача етказади…

Шуни алоҳида таъкидлаш жоизки, Роғун ГЭСи қурилиши, нафақат, Тожикистон, балки Марказий Осиё минтақаси давлатлари манфаатларига ҳам хизмат қилиши турган гап.

Қозоғистон Республикаси «Мегаполис» газетасининг журналисти Арман Темиржоновнинг ёзишича, Роғун ГЭСи бутун Марказий Осиё давлатлари манфаатларига хизмат қиладиган муҳим энергетик объектларидан бири саналади…

Роғун ГЭСи қурилиши Тожикистон Республикаси устувор иқтисодиётининг меҳваридир. Баски шундай экан, мазкур энергетик объектининг қурилиши сув ва ҳаводек зарур.

Тожикистон Республикаси Президенти Эмомали Раҳмон Норак шаҳри раҳбарлари ва фаоллари билан ӯтказган учрашуви чоғида шундай деган эди:-… Яна бир марта таъкидлайман, Роғун ГЭСи қурилиши ушбу жараёнда мамлакат энергетика мустақиллигини таъминлаш билан биргаликда, шунингдек, Норак ГЭСидан фойдаланиш муддатини юз йилгача узайтириш омили бӯлади…

Тожикистон Республикаси устувор иқтисодиёти келажагини белгилайдиган бу муҳим объектни қурмасликнинг ҳеч иложи йӯқлигини иқтисодиёт эшигини «тақиллатмаган» оддий одам ҳам тушуниб етади.

Шунинг учун, Роғун ГЭСи қурилиши билан боғлиқ ҳар қандай уйдирмаларга ишонмаслик керак…

Қадимгилар фурсати етмаган ишнинг рӯёбга чиқмаслиги ҳақида жуда ажойиб фикрларни баён қилишган. Сабр қилсак, ҳали ғӯрадан ҳалво пишади.

Роғун ГЭСи битмас-туганмас нурнинг манбаи бӯлиб, элимиз ва юртимизнинг келажагини чароғон қилади…

Бу зиё манбаининг нурафшонлигидан ойдин бӯлгувчи ҳаёт олдинда…

Ёрқин келажак, истиқбол кутмоқда бизни…

 

Абдуҳафиз МИРЗААҲМЕДОВ

Иқтисодиётимиз учун Роғун ГЭСининг аҳамияти?

Жуда катта - 57.1%
Катта - 0%
Унчалик аҳамияти йук - 0%
Аҳамиятсиз - 28.6%
Билмайман - 14.3%

Проголосовали: 7

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Адирдаги Отелло

 

Қосим Мамажонов - атоқли адиб ва журналист, А. Лоҳутий номидаги мукофот лауреати, Тожикистонда хизмат кўрсатган маданият ходими.

"Ёрқин зиналар". "Ота қўшиғи", "Бу сирли олам", "Ғўлакандоз чинорлари", "Зиндонбанд қарчиғайим" сингари китоблар муаллифи. Хотира ҳафталигида ҳурматли адибимизни эслар эканмиз, унинг 10-15 йилча бурун ёзган очеркларидан бирини эътиборингизга ҳавола этишни ихтиёр этдик.

Муфассал...

ТИТП бўлими собиқ раиси: "ЙЎЛИНИ ЙЎҚОТГАН КАБИРИЙНИНГ ОРТИДАН БОРМАНГ, ОҚИБАТИ ПУШАЙМОНЛИКДИР"

 

Хориждан Ватанга қайтган ТИТПнинг А. Жомий ноҳиясидаги бўлими собиқ раиси Талбак Рустамов билан суҳбат

- Талбак ака, Ватанга қайтганингиз  билан табриклайман. Менимча, қайтганингиздан оилангиз ва фарзандларингиз ҳаммадан ҳам кўпроқ хурсанддир…

- Энг аввало, ўзим хурсандман. Оиладан йироқлик, кўп машаққатлар, оғир

Муфассал...

СТАТИСТИКА

Сайтга кирганлар
1
Мақолалар
787
Мақолаларни кӯрганлар сони
469411

ӮҚУВЧИЛАР СОНИ

2229346
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
903
2288
9389
2208014
36338
46701
2229346

Сизнинг IPнгиз: 34.204.179.0
Бугун: 23-08-2019 10:05:23

ҲАМКОРЛАР

 

 

   

2015