- 2017 йилда мамлакат озод иқтисодий минтақаларида 368,3 миллион сомонийлик миқдоридаги маҳсулотлар ишлаб чиқарилди, - деди Тожикистон Республикаси Иқтисодий тараққиёт ва савдо вазирининг биринчи ўринбосари Завқи Завқизода йил якунига бағишланган матбуот анжуманида.

Унинг сўзларига кўра, бу миқдорни озод иқтисодий минтақалар ҳиссасига ажратадиган бўлсак, қуйидагича тақсимланади: «Суғд» 332,6, «Данғара» 35

миллион ва «Панж» 700 минг сомоний. Бугунги кунда ушбу минтақаларда жами 71та субъект фаолият юритаётган бўлиб, ўтган йил ҳисобида яна 11та янги субъект қайдга олинган. 

Матбуот анжумани жараёнида таъкидланишича, ўтган йили ташқи иқтисодий омиллар таъсирига қарамасдан, миллий иқтисодиёт соҳаларидаги ижобий ўсиш таъминланган. Бу давр мобайнида мамлакат ички ялпи маҳсулоти ҳажми 61,1 миллиард сомонийга етказилиб, унинг реал ўсиши 7,1 фоизни ташкил этган. 

2018 йилнинг 1 январ ҳолатига кўра, республика бўйлаб, умумий миқдори 24,9 миллиард сомонийни ташкил этувчи 68та давлат сармоявий лойиҳалари амалга оширилмоқда.

Миллий иқтисодиёт тараққиётига ҳисса қўшувчи муҳим омиллардан бўлган ташқи савдо обороти 2017 йилда 3973,1 миллион АҚШ долларига тенг бўлган. Юртимизда ишлаб чиқарилган маҳсулотларни ташқарига экспорт қилиш ҳисобидан 1198,1 миллион сомоний қўлга киритилган бўлса, республика турли соҳалари учун зарур бўлган маҳсулотларни импорт қилиш ҳажми 2775  миллион сомонийни ташкил этган.

Зуҳриддин УМАРОВ, «Халқ овози».