Биз билан боғланинг:

   

Бизга қӯшилинглар

ХАБАРЛАР

ИҚТИСОД

Муаллиф: Super user Категория: ИҚТИСОД
Чоп этилган 16 Январ 2018 Кӯришлар: 795
Печат

 

sanoat 2018Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Олий Мажлисга йўллаган Паёмида Тожикистонда инновацион тармоқни ривожлантириш ва ижтимоий-иқтисодий соҳаларда бу имкониятлардан атрофлича фойдаланиш хусусида муҳим кўрсатмалар берди. Республикамизда, айни дамда, муҳим бўлган ҳамда замонавий инновацион технологиялардан фойдаланиш борасида қатор ютуқлар қўлга

киритилганига қарамасдан, бу ҳали соҳани тўлиқ қамраб олган эмас.

Шиддат билан ривожланаётган дунё тобора эволюцион эврилишлар жараёнига кириб бораётир. Оқибатда, янги-янги русумдаги технологик моделлар пайдо бўла бошлади. Худди, шунинг ўзи жамиятда мавжуд соҳаларда айрича муносабатларни вужудга келтиргани сир эмас. Бирор касб ёки ҳунарнинг этагини тутган киши илмий назарияларни ўрганишдан ташқари, замонавий технологиялар сир-асрорларини ўрганишларига тўғри келади. Оддийгина компютер билан ишлай олмаслик даврнинг илғор ва кун сайин тараққий этаётган ижтимоий ва иқтисодий соҳада вужудга келаётган ҳамда рўй бераётган воқеа ва янгиликлардан ортда қолиб кетиши ҳеч гап эмас. Давлатлараро муносабатлар замонавий қурилма ёхуд технологиялар асосида ривожланмоқда.

Ўзгача тус олган бундай муносабатлар энди хўжалик юритишнинг барча субъектлари, хуллас, ишлаб чиқаришнинг ҳамма турида ҳам янгича талаблар қўяди. Жаҳон ва маҳаллий бозорлардаги талабот ҳам худди шу меъёрлар асосида қурила бошлаганига анча бўлиб қолди.

Нанотехнология воситасида жамиятда рўй бераётган жиноятларнинг олдини олиш ва уни ошкор қилиш ишлари кенг йўлга қўйилмоқда. Шаҳар ва йирик автомагистралларда ўрнатилган кузатув камералари фаолияти, аллақачон, ўз натижаларини бера бошлади. Билиб-билмай қилинган жиноят ёхуд хато ва камчиликлар факт ва далиллар асосида, ўз исботини топаётир.

Нанотехнология воситаларининг ишлаб чиқаришга жалб этилаётгани  маҳсулот сифат даражасининг ошишида муҳим рол ўйнайди.

Кейинги пайтларда, республика бўйлаб қурилаётган ва ишлаб чиқарилган маҳсулотлар замонавий стандартларга тўла жавоб бера оладиган завод ва фабрикалар сони йилдан-йилга ошиб бораётганлиги қувонарлидир.

Бундай ижобий ўзгаришларни республикамизнинг барча ҳудудларида кўришимиз ва бу соҳалардаги янгиликлар тўғрисида юзлаб мисоллар келтиришимиз мумкин. Тараққиёт босқичида янгича иқлимни вужудга келтираётган иқтисодий соҳалардаги ривожланиш, Тожикистон Республикаси Ҳукуматининг "Камбағаллик сатҳини пасайтириш тўғрисида"ги қарорининг тўлалигича амалга ошишида, асосий ва муҳим ролни ўйнайди. Кун сайин гуллаб-яшнаётган муқаддас бу замин қишлоқ хўжалиги ривожланиши билан бирга, саноат мамлакатига айланади. Келгусида бунёд этилиши кўзда тутилган завод ва фабрикалар доимий иш ҳақи билан таъминланадиган янги иш жойларини вужудга келтиришнинг муҳим омили ҳисобланади.

Турсунзода шаҳри азалдан қишлоқ хўжалиги билан бир қаторда, саноат соҳаси ҳам ривожланган минтақа сифатида яхши таниш.

Мустақиллик йиллари давомида республикамизнинг барча шаҳру ноҳиялари сингари Турсузода шаҳрида ҳам бир нечта ишлаб чиқариш корхоналари  ишга туширилиб, фаолиятини давом эттирмоқда.

Айни дамда, "Қурилиш-21", "Ноқили Турсунзода", "Дарвин пласт", "Тож-мол", "Сомон-Турон инвест", "Нигора", "Умед-М" каби масъулияти чекланган ишлаб чиқариш корхоналари маҳсулотлари истеъмол бозорида ўз харидорларига эга. Бозор иқтисодиёти жараёни ўзининг темир қонунларига эга бўлиб, унда фақат сифат даражаси баланд маҳсулотлар рақобатлаша олади. Сифати паст маҳсулотлар бозори тезлик билан касодга учрайди. Илгарилари ҳам шундай бўлган, маҳсулот нархини эса, айнан, бозор белгилаб берган. Одамийлик жамияти пайдо бўлиши билан вужудга келган истеъмол бозори эса, ўзига кераклигисини танлаб олаверади. Манфаатларнинг бир-бирига тўғри келиши ё тўғри келмаслиги бозорларда рўй беради. Бу ҳар қандай низолардан фарқли ўлароқ ҳаққоний рақобат ҳисобланади…

Тожикистонда биринчи марта ишга туширилган ва замонавий технология билан таъминланган "ВЕЖА-ФАРМАЦЕФТ" корхонаси дори-дармон ишлаб чиқаришга мўлжалланган бўлиб, тўрт хил турдаги суюқ дори ишлаб чиқариш иқтидорига эга. Корхона муассис ва раҳбарларининг таъкидлашларича, япониялик халқаро экспертлар хулосасига биноан, ушбу дорисозлик заводида ишлаб чиқилган маҳсулотлар бутун дунё стандартлари меъёрларига тўла жавоб беради. Тожикистонда дорисозлик соҳаси тараққиётини бошлаб берган мазкур корхонада, айни дамда,  100 нафар юқори малакали мутахассис доимий иш жойига эга бўлиб, корхона раҳбариятининг айтишига қараганда, келгусида юқори малакали мутахассислар сонини яна бир баравар ошириш кўзда тутилган. Бу корхона халқаро аҳамиятга эга бўлиб, унда ишлаб чиқарилган сифатли маҳсулотларни  хориж мамлакатларига экспорт қилиш кўзда тутилгандир. Бир суткада минг дона флакон суюқ дори ишлаб чиқилиб, республикада мавжуд беморхоналарни арзон ва қулай, юқори сифатли дори-дармонлар билан таъминлаш кенг йўлга қўйилгандир.

 

Эркин ШУКУР,

«Халқ овози».

Иқтисодиётимиз учун Роғун ГЭСининг аҳамияти?

Жуда катта - 57.1%
Катта - 0%
Унчалик аҳамияти йук - 0%
Аҳамиятсиз - 28.6%
Билмайман - 14.3%

Проголосовали: 7

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

БОЛАЛИКНИНГ БЕҒУБОР ОСМОНИ…

 

Баҳорнинг сўнгги кунлари…

Осмон беғубор. Қуёш зарин нурларини борлиққа таратиб, ажиб тароват бахш этган. Азим чинорлар соясидаги ҳовли саҳни шўх-шодон болалар билан гавжум: бир гуруҳ шийпончада стол тенниси машғулоти билан банд. Бошқаси, кичик ёшдагилар ҳовлининг кун чиқар томонидаги катта саҳнада тарбиячилар назорати остида, уларнинг кўрсатмалари билан шеърни маромига етказиб

Муфассал...

Қадарга тош отолмасман...

 

(Устоз Саййид Неъматуллоҳ Иброҳимнинг сўнгги ғазалига шарҳ)

Борлиқни тун сукунати чулғаган. Шаҳарда, айниқса, касалхонада, тунда ҳам сокинлик бўлмаса-да, ҳар қалай, сершовқин кундузга қараганда, анча тинч. Шоир чуқур ўйга толганча шифтга қараб ётаркан, бутун умрини кўз олдидан ўтказди. "Кўпинча инсон ўзини барча ишларга қодир яратиқ санайди. Аммо ўзлигини англаган сари Яратганнинг наздида қанчалар ожизлигини тушуниб етади ва ўзининг тақдир аталмиш азалий битикка ризоликдан ўзга чораси

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
469095

ӮҚУВЧИЛАР СОНИ

2228232
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2077
1972
8275
2208014
35224
46701
2228232

Сизнинг IPнгиз: 34.238.189.171
Бугун: 22-08-2019 21:31:50

ҲАМКОРЛАР

 

 

   

2015