Биз билан боғланинг:

   

Бизга қӯшилинглар

ХАБАРЛАР

ИҚТИСОД

Муаллиф: Super user Категория: ИҚТИСОД
Чоп этилган 31 Август 2017 Кӯришлар: 2323
Печат

h roziqov2017

Азиз Тожикистонимизда мустақиллик йиллари йўлга қўйилган бунёдкорлик ва ободончилик ишлари, дарҳақиқат, фахрланишга арзийди. Айниқса, коммуникация  соҳасида қўлга киритган ютуқларимиз қувонарлидир. Ўлкамизнинг турли минтақаларини бир-бири билан боғлайдиган йўлларнинг замонавийлиги, йўл қурилиши барча талабларига жавоб бериши, шубҳасиз, тараққиётимизга хизмат қилиши табиий.

- Мустақиллик йилларида Суғд вилояти ҳудудида кўплаб замонавий истироҳат масканлари қурилиб, фойдаланишга топширилди, - дейди панжакентлик журналист Раҳимберди Бердиев. – Ана шундай замонавий истироҳат масканларидан бири Қайроққум шаҳрида фаолият юритаётган «Соҳил» санаторийсидир. Мазкур дам олиш масканида яратилган қулай шароитлар, нарх-навонинг нисбатан арзонлиги кўпчиликни ўзига жалб этмоқда.

Қайроққум сув омбори яқинидан ўрин олган санаторийга ташриф буюрган кишининг бу ердаги озодалик ва саранжом-саришталикни кўриб, кайфияти кўтарилиши, табиий. Дам олиш масканининг замонавий бинолари, дам олувчиларга хизмат кўрсатадиган тиб ходимларининг хушмуомалалиги, санаторий ошхонасида тайёрланадиган хилма-хил мазали таомлар – барчаси инсонлар ҳордиғи  ҳамда табобати учун яратилган шароитлар таҳсинга сазовор.

«Соҳил» санаторийси бошлиғи А. Абдуллоев ишчан, ташкилотчи ва замонавий раҳбар эканлиги бу маскан фаолиятини тўғри йўлга қўйганлигидан кўриниб туради.

***

Конибодом шаҳрида бунёд этилган замонавий тўйхоналар ободончилигимизнинг ёрқин далилларидан бири.

- Обод юртларда кўнгилочар масканлар қуришга эҳтиёж туғилади, - дейди суҳбатимиз жараёнида конибодомлик санъаткор Абдураззоқ Тўхтабоев. – Истиқлолият, юртимизда ўрнатилган тинчлигу осойишталик туфайли бугун ўлкамиз янада ободу хуррам бўлмоқда. Тинчлик ва миллий бирлик асосчиси – Миллат пешвоси, Тожикистон Республикаси Президенти   муҳтарам    Эмомали  Раҳмон олиб бораётган бунёдкорлик сиёсати Суғд вилояти, жумладан, Конибодомнинг тобора ободлашиб боришига имкон яратмоқда.

Дарҳақиқат, Конибодом шаҳрида турли кичик корхоналар, ишлаб чиқариш цехлари ҳамда савдо марказлари бунёд этилиши билан бир қаторда, турли маданий-ижтимоий масканлар ҳам барпо этилаётганлиги олқишга арзийди.

Ноҳиянинг Патар қишлоғида бунёд этилган «Тожи заррин» номли тўйхона фикримизнинг ёрқин исботидир. Бу ерда тўй-маъракалар ўтказилиши учун қулай шарт-шароитлар яратилган. Энг асосийси, тўйхона ихчам, замонавий тарзда қурилган.  Тўйхона юксак дид билан қурилган бўлиб, миллий суннатларимиз руҳида безатилганлиги билан ажралиб туради. 

- Тўй-маъракаларимиз «Тожикистон Республикасида анъаналар, тантаналар ва урф-одатларни тартибга солиш тўғрисида»ги қонун талаблари асосида ўтказилади, - дейди суҳбатини давом эттириб Абдураззоқ Тўхтабоев. – Бундан ташқари, «Муроду мақсад», «Офтобак», «Карвон», «Шоҳона», «Висол», «Тожи кон» каби ўнлаб тўйхоналар аҳоли хизматида эканлигини таъкидлашни истардим. Энг асосийси, бу тўйхоналарда исрофгарчиликка йўл қўйилмай, барча маъракаларнинг қоидали ўтказилиши назорат остида бўлади.

***

Исфара шаҳрида ҳам бунёдкорлик ишлари жадал суръатларда давом этмоқда. Мустақиллик йилларида шаҳарнинг сиймоси ижобий томонга ўзгарганлигини бу ерда қурилган иншоотлардан ҳам билса бўлади.

- Исфара халқи қадимдан меҳмондўстлиги билан ажралиб туради, - дейди биз билан суҳбатда таниқли шоир Сайфуллахон Қорихонов. – Халқимизнинг бу фазилати тўй-маъракаларимизда яққол кўзга ташланади. Яқинда қабул қилинганининг ўн йиллиги қайд қилинган «Тожикистон Республикасида анъаналар, тантаналар ва урф-одатларни тартибга солиш тўғрисида»ги қонун ҳаётимизга татбиқ этилиб, тўйларимиз ихчам, мазмунли ва камхарж ўтаётганлиги янада қувонарли ҳолдир.

Исфара шаҳрининг Кулкент қишлоғида бунёд этилган «Бародарон» деб номланган тўйхонада бўлиб, бу ердаги хизмат кўрсатиш нархларининг арзонлиги, тўйхонанинг тозалиги, шинамлигининг гувоҳи бўлдик. Кулкентлик Абдуваққос номли йигитнинг ташаббуси билан бунёд этилган мазкур икки қаватли тўйхонанинг яна бир ажойиб томони шунда эдики, бу ерда қариялар, ёшлар ва гўдаклар учун алоҳида заллар ажратилган. Тўйхонадаги қулай шароитлар эса, ҳар қандай маъраканинг ихчам ва мазмунли ўтишига имкон яратади.

Дарҳақиқат, мустақиллик йилларида ўлкамизнинг барча гўшаларида бунёдкорлик ва ободончилик ишлари кенг кўламда давом этаётганлиги тинчлигимиз ва миллий бирлигимиз самарасидир. Тожикистоннинг шарафли халқи Тожикистон Республикаси Ҳукумати, айниқса, давлатимиз сарвари олиб бораётган тинчликпарвар сиёсатнинг самараси ўлароқ, ёрқин келажакка шахдам одимлаётганлиги турмуш тарзимизда яққол намоён бўлмоқда.

 

Ҳакимжон РОЗИҚОВ, Тожикистон Журналистлар иттифоқи аъзоси,

Қабодиён ноҳияси.

Иқтисодиётимиз учун Роғун ГЭСининг аҳамияти?

Жуда катта - 57.1%
Катта - 0%
Унчалик аҳамияти йук - 0%
Аҳамиятсиз - 28.6%
Билмайман - 14.3%

Проголосовали: 7

КАЛЕНДАР

« Август 2025 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

МАҚОЛАЛАР

Суғддаги сайёҳлар севган жойлар

 

Искандаркўл Душанбе –Хўжанд шоҳ йўлига яқин жойлашган. Пойтахт томондан юрилганда, йўлнинг чап тарафида. Кўл баланд тоғлар қўйнида, денгиз сатҳидан 2 минг метр баландликда жойлашган. Кўлнинг умумий майдони деярли 3 ярим квадрат километрга тенг бўлиб, чуқурлиги 72 метрга етади.

Айний ноҳияси ҳудудида жойлашган кўлга Саратоғ, Ҳазормеш, Сарема дарёлари қуйилади. Кўлдан эса, Искандардарё оқиб чиқади. У сал ўтмасдан,

Муфассал...

Улуғ тоғлар залвори…

 

Дунёда яхши инсонлар кам, деган фикрга қўшила олмайман. Чунки мен билган, таниган яхши одамларнинг фазилатларини санасам, адоғи кўринмай қолади. Бугун қайсидир буюк даҳо, олим ёки машҳур бир кимса ҳақида ёзмоқчи эмасман, аксинча, оддий, камтарин бир инсон, бутун умрини эзгуликка, фидокорликка бағишлаган, 19 ёшида отадан етим қолиб, рўзғорнинг оғир юкини бўйнига олган, жондан азиз сингилларига отасизликни билдирмай,

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2178485

ӮҚУВЧИЛАР СОНИ

8551032
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
5513
3144
19120
8510082
105011
94590
8551032

Сизнинг IPнгиз: 216.73.216.118
Бугун: 29-08-2025 19:09:09

ҲАМКОРЛАР

 

 

   

2015