Республикамиздаги нуфузли банклардан бири ҳисобланган, Тожикистон Республикаси «Амонатбанк» - Давлат банкининг 2017 йил биринчи ярмидаги иш фаолияти тўғрисида банк раиси Руҳулло Ҳакимзода ахборот берди.

 Банкнинг 551та хизмат кўрсатиш маркази, шунингдек, 75та филиали мамлакатимиз турли минтақаларида фаолият кўрсатиб келаётганлиги ҳақида тўхталди.

Амонатбанк Тожикистон Республикасининг «Тожикистон Республикасининг 2017 йилги бюджети ҳақида»ги қонуни асосида фаолият юритиб, 2017 йилнинг 30 июнигача 334,3 миллион сомонийлик молиявий амалиётларни ижро этган. Бу ўтган йилнинг шу давридагига нисбатан 14 фоизга ўсган.

Ҳисобот даврида банк солиқ идоралари ҳисобидан бюджетга 23 миллион сомоний ўтказгани ҳақида маълумот берилиб, бу ўтган йилги кўрсаткичдан 14 фоиз кўпдир. Банкда молиявий шаффофликни таъминлаш мақсадида, шунингдек, нақд пул муомаласини юксалтириш учун 255та савдо терминалларини мамлакатимизнинг шаҳар ва ноҳияларига ўрнатди.

Амонатбанк раиси Руҳулло Ҳакимзоданинг қайд қилишича, аҳолидан электр энергияси, сув ва бошқа хизматлар ҳақи учун маблағ қабул қилишни йўлга қўйиб,  маблағлар ўз вақтида тегишли идоралар ҳисобига ўтказилгани ҳақида айтиб ўтди.

Амонатбанк ташқи сармоячилар ҳамкорлигида мамлакатимиз иқтисодиётининг ривожланишига ҳисса қўшиб, йил бошидан бери 23та шаҳар ва ноҳияларда 50дан ортиқ лойиҳаларга сармоя ўтказган.

Тожикистон Ҳукумати қарорига асосан банк мамлакатимиздаги ёш ўқитувчиларга 839 минг сомонийлик кичик қарзлар бергани маълум қилинди.

Журналистларнинг Ёшлар йилида банк мамлакатимиз ёшлари учун қандай амалий чора-тадбирлар кўраётгани тўғрисидаги саволга қуйидагича жавоб берилди: -Жорий йилнинг 6 ойи мобайнида, давлатимиз шаҳар ва ноҳияларидан танлов асосида 65 нафар ёш мутахассислар доимий иш билан таъминланди.

Ҳисобот даврида  пластик карталар билан муомала қилувчи мижозларининг кўпайганлиги сабабли, мамлакатимиз минтақаларида 222та банкомат ва  1030дан ортиқ постерминал хизмати йўлга қўйилган.

Амонатбанк шу кунгача 14та хорижий банклар билан алоқалар ўрнатган бўлиб, турли хил молиявий амалиётларни халқимизнинг иқтисодий манфаати йўлида амалга ошириб келмоқда.

2017 йилнинг 30 июнигача 655 минг нафар нафақахўрларнинг 183,8 миллион сомонийлик нафақаларини ўз вақтида етказиб бериш хизматини адо этган.

Ярим йиллик фаолият даврида банк раҳбарияти турли хил семинар ва машғулотлар ташкил этиб, ходимларининг  48 нафарини  Душанбе шаҳрида ва 7 нафарини чет давлатларда тажриба ўрганиб, касбий малакаларини оширишга жалб этган.

Амонатбанк Тожикистон Республикаси Президентининг 2014 йил 10 февралидаги 159-фармонига асосан Рўдакий ноҳиясидаги 1-мактаб-интернатга ҳомийлик қилиб келмоқда. Жумладан, Наврўз, Миллий бирлик ва тотувликнинг 20 йиллиги тантаналари арафасида талаба ва ўқитувчилар учун байрам дастурхони ташкил этди.

Амонатбанк Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг топшириқ ва кўрсатмалари, шунингдек, Тожикистон Ҳукумати қарорлари асосида республиканинг иқтисодий равнақи учун халқ ва давлатга фидокорона хизмат қилиш асосий мақсади эканлигини таъкидлади.

Ҳайтали Боев. «Халқ овози».