Яхшидан боғ қолади, деганлар. Ниҳол экиб, уни парваришлаш савобли ишлардан саналади. Қадимда ҳам ниҳол экиш, боғ яратишга жуда катта эътибор беришган. Нақл қилишларича, юз ёшдан ошган чол баҳор пайти мевали дарахт ниҳолини ўтказаётганда бир йўловчи шундай дебди:
-Эй бобо, ёшингиз ҳам анчага бориб қолибди, мевасини ейиш сизга насиб қиладими, йўқми, нега ўзингизни бунча қийнайсиз?
-Эй ўғлим, мен мевасини емасам ҳам ўткинчи йўловчилар, қолган фарзандлару набираларимиз ейишади ёки соясида дам олишади-ку, - дея жавоб берибди чол.
Орадан беш йил ўтибди. Чолнинг умри узоқ экан. Айни пишиқчилик пайти чол ўзи эккан ўрикнинг соясида дам олиб, мевасидан еб ўтирибди. Ҳаво иссиқлигидан ўша йўловчи ўтаркан, чолнинг ёнига дам олишга ўтирибди. Чол ҳил-ҳил пишган ўрикни унинг олдига қўйибди. Хатосини тушунган йўловчи чолга миннатдорчилик билдириб, сап-сариқ ўрикдан тўйгунча ебди...
Ҳа, халқ ниҳолларни бир кун учун экмай, келажакни ўйлайди. Намуна қишлоқ жамоати Саройкамар (Бешкапа) қишлоғининг «Субон» номли деҳқон хўжалигида бир гектар ерда боғ яратишди. Ўрикзор орасида юриб, ҳосилнинг мўллиги гувоҳи бўлдик. Деҳқон хўжалиги раҳбари Сулаймон Субоновни ўғли Маҳмуд билан боғда учратдик.
Беш йил илгари бунёд этилган боғ яхши парвариш қилинган. Боғни бир умр қишлоқ хўжалиги соҳасида ишлаган агроном, пахтачилик бригадаси бошлиғи, боғбон Сулаймон Субонов яратган.
Президентимиз муҳтарам Эмомали Раҳмон боғ яратишга катта эътибор қаратади. С.Субонов ниҳолларни Хўжанд шаҳридан олиб келди ва хўжалик деҳқонлари билан уни агрономлик қоидалари асосида ерга ўтқазиб, ниҳолларни кўз қорачиғидай асради. Ҳаммага маълумки, ўрик инсон организми учун минг бир дардга даво. Ундан тайёрланган ичимлик юрак хасталиги-ю бошқа касалликларни даволашда ёрдам беради.
-Миллат пешвоси, Тожикистон Республикаси Президенти муҳтарам Эмомали Раҳмоннинг Тожикистон Республикаси Олий Мажлисига йўллаган Паёмини ўқиб, жуда ҳам илҳомланиб кетдик, - дейди «Субон» деҳқон хўжалиги раҳбари С. Субонов. - Сўнгги йилларда мамлакатимизда боғдорчилик, токпарварлик, асаларипарварлик, балиқчилик ва бошқа қишлоқ хўжалиги соҳаларига алоҳида эътибор қаратилган. Биз шу кўрсатмаларга амал қилиб, мўл ҳосил олиш учун тиришяпмиз. М. Сулаймонов, Ш. Ҳасанова, И. Субоновлар билан биргаликда меҳнат қилишиб, боғдан яхши ҳосил олишга астойдил бел боғлаганмиз.
С. Субонов боғ яратиб, эл орасида шуҳрат қозонди.
Ж. Ҳасанов,
Панж ноҳияси.
Куз охирлашиб бораётганида...
Дарахтлар сўнгги заъфарон баргларини ерга тўшаётганида...
Бўм-бўш даштлару хилват боғлар очкўз зоғлар билан тўлаётганида...
Шу вақт…
У ўлим нафасини эшитди.
Муфассал...
Бугунги кунда дунё тиббиёти тез суръатда ривожланиб, илгари шифоси бўлмаган дардларга даво топилмоқда. Жумладан, юртимиз мустақилликка эришиб, бошқа соҳалар қаторида соғлиқни сақлаш соҳасида ҳам изчил ислоҳотлар олиб борилди ва бу борадаги ишлар давом этмоқда. Шунга қарамай, аҳолининг ҳалигача баъзи касалликлар ҳақида тўлиқ маълумотга эга эмаслиги, ўз танасидаги дардга эътиборсизлиги, инсон учун энг катта бойлик саналмиш
Муфассал...2015
1-2015
2-2015
3-2015
4-2015
5-2015
6-2015
7-2015
8-2015
9-2015
10-2015
11-2015
12-2015
13-2015
14-2015
15-2015
16-2015
17-2015
18-2015
19-2015
20-2015
21-2015
22-2015
23-2015
24-2015
25-2015
26-2015
27-2015
28-2015
29-2015
30-2015
31-2015
32-2015
33-2015
34-2015
35-2015
36-2015
37-2015
38-2015
39-2015
40-2015
41-2015
42-2015
43-2015
44-2015
45-2015
46-2015
47-2015
48-2015
49-2015
50-2015
51-2015
52-2015