Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 03 Март 2016 Кӯришлар: 1227
Печат

 

onaaЮрагимдан ғам, алам қочар,

Кўнглим қуёш каби ёришар,

Гўё олам сирларин очар,

Онажоним дуо қилсалар.

 

Юзларидан ёғилади нур,

Ҳар сўзлари – мен излаган дур,

Вужудимга тўлади сурур,

Онажоним дуо қилсалар.

 

Юраклари – тилаклар уйи,

Таралади муҳаббат куйи,

Яна қанот қоқар орзуим,

Онажоним дуо қилсалар.

 

Гўё кўкда учган беармон

Умидларим қучади осмон.

Мен – дунёда энг бахтли инсон,

Онажоним дуо қилсалар.

***

Онажон, нурафшон кунлар келажак,

Ҳали елкангизга қўнади Ҳумо.

Қаранг, сониялар бермоқда дарак,

Дуонгиз-ла тўлмиш етти қат само.

 

Ўтаётган кунлар ризодир Сиздан,

Маҳшарда хайрингиз айтишга тайёр.

Меҳрнинг чашмаси юрагингизда

Чеҳрангизда мангу яшайди баҳор.

 

Онажон, оғриқлар арисин Сиздан,

Ўша даладаги олтарга1 борсин.

Сизнинг зирқираган суягингиздан

Бегона, ёввойи илтарга2 борсин.

 

Ҳар нарсани жуфт-жуфт яратган Эгам,

Дард борки, демакки шифоси ҳам бор.

Дунё мукаммалдир, эмасдир бир кам,

Тилингизда дуо: Худо мададкор!

 

Онажоним, ҳали қатор-қатор тўй –

Ҳашамга Ўзингиз бўласиз бош-қош.

Сизни қийнамасин бирор ёмон ўй.

Биз учун намуна Сиздаги бардош.

 

1 Олтар – отлар. Ошоба шевасида.

1 Илтар – итлар. Ошоба шевасида.

 

                               ***                        

Бугун осмон оппоқ парқу тўшади ерга,

Қандай бахтли қабрингизни қучиб ётган қор.

Гарчанд тақдир ҳар қадами тўладир сирга,

Ишонаман, қабрингизнинг ичида баҳор.

 

Зеро, баҳор эди, асли табиатингиз,

Яйрар эдик, қаҳ-қаҳ отиб кулганингизда.

Нурга тўлиқ эди, суврат ва сийратингиз,

Янгиқишлоқ яшарарди юрганингизда.

 

Энди гўё ҳувиллаган, бўм-бўш бу қишлоқ,

Ингранади, бериб қўйиб бир онахонин.

Совуқ кезар, қишлоқ аро солганча титроқ,

Уввос солар шамоллар ҳам ачишиб жони.

 

Сафарга жўнасак, дилдан қилиб дуолар,

Бизлар учун биздан кўпроқ қайғурардингиз.

Она, сиздай бўлолмагай ҳеч бир даҳолар,

Қайтсак, кулиб, ғамингизни ўлдирардингиз.

 

Тилингиздан тушмас эди, зикрлар доим,

Тасбеҳ бирам ярашарди қўлларингизга.

Умидим бор, ҳузурига олган Худойим,

Олтин тахту сўрилардан жой бергай Сизга.

 

Олимжон Абдуллаев,

Хўжанд шаҳри.

КАЛЕНДАР

« Сентябр 2020 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

МАҚОЛАЛАР

Қадарга тош отолмасман...

 

(Устоз Саййид Неъматуллоҳ Иброҳимнинг сўнгги ғазалига шарҳ)

Борлиқни тун сукунати чулғаган. Шаҳарда, айниқса, касалхонада, тунда ҳам сокинлик бўлмаса-да, ҳар қалай, сершовқин кундузга қараганда, анча тинч. Шоир чуқур ўйга толганча шифтга қараб ётаркан, бутун умрини кўз олдидан ўтказди. "Кўпинча инсон ўзини барча ишларга қодир яратиқ санайди. Аммо ўзлигини англаган сари Яратганнинг наздида қанчалар ожизлигини тушуниб етади ва ўзининг тақдир аталмиш азалий битикка ризоликдан ўзга чораси

Муфассал...

Меҳргон – деҳқон дастурхонининг фаровонлиги

 

13 октябр куни Душанбе шаҳрининг Абулқосим Фирдавсий номидаги маданият ва истироҳат боғида Меҳргон ва Деҳқонлар куни муносабати билан байрам тадбири ташкил этилди.

Тадбирда Тожикистон Республикаси Президенти Ижроия аппарати, бир қатор вазирлигу идоралар, комитетлар ва аҳоли вакиллари иштирок этишди.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
859144

ӮҚУВЧИЛАР СОНИ

3432401
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2333
2934
5267
3406423
95502
127133
3432401

Сизнинг IPнгиз: 75.101.220.230
Бугун: 29-09-2020 19:57:05

ҲАМКОРЛАР

 

 

   

2015