Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 02 Август 2019 Кӯришлар: 151
Печат

 

suv 2018СОҲИР ШЕЪРИЯТ

Кўзимиз осмонида

Ёғду сочар ишқ кавкаби...

Эй фоний дунё!..

 Мен чекиндим, эй фоний дунё,

Ортга томон қадам ташладим.

Назарингда, мен мағлуб гўё –

Сен устимдан кула бошладинг.

 

Тисарилдим – қалбимда имон,

Вақт қолмади ортиқ кутмоққа.

Тап-тайёрман мангулик томон

Мен устингдан сакраб ўтмоққа!..

 

ДАРВЕШ ХИРГОЙИСИ

Азизим, ёлғизим, эй менинг ўзим,

Кўзинг менинг кўзим, сўзинг-да сўзим,

Илло, ўзи берсин жонингга тўзим,

Бу дунё дегани ёлғондир, эвоҳ!

Ҳақ дўст, ё Оллоҳ!..

 

Тонгни истаб эдинг, чўкаётир тун,

Еру кўкни босиб келмоқда тутун,

Бўлмагай маконинг гулзору гулгун,

Бу дунё дегани тўзондир, эвоҳ!

Ҳақ дўст, ё Оллоҳ!..

 

Дунё сендан аввал тузилиб бўлган

Ва сендан буруноқ бузилиб бўлган,

Кўнглинг боғланмасдан узилиб бўлган,

Бу дунё дегани вайрондир, эвоҳ!

Ҳақ дўст, ё Оллоҳ!..

 

Кўтаргил дунёдан кўчу кўронинг,

Ўзинг-ла олиб кет орзу-армонинг,

Сенга кераги йўқ пуч бу дунёнинг,

Бу дунё дегани арзондир, эвоҳ!

Ҳақ дўст, ё Оллоҳ!..

 

Дунёга – ҳалокат, сенга – омонлик,

Қўлингдан келмайди, ахир, шайтонлик,

Ё, Оллоҳ, деганга йўқдир ёмонлик,

Бу дунё дегани шайтондир, эвоҳ!

Ҳақ дўст, ё Оллоҳ!..

 

Боргил ҳузурига ул Биру Борнинг,

Бошингни фидо эт васлига ёрнинг,

Эслама исмини дунё – ағёрнинг,

Бу дунё дегани илондир, эвоҳ!

Ҳақ дўст, ё Оллоҳ!..

Оқ илон

 

«Оқ илон, оппоқ илон,

Ойдинда ётганинг қани?

Ман ёмондан айрилиб

Яхшини топганинг қани?.. »*

 

Ҳеч қачон этма гумон

Ул ҳам унутди, деб мани.

Бир умр сарсон бўлиб

Излаб юрибман-ку, сани.

Чирмашиб бўйнимга сан,

Бўл тасбеҳу хочу санам.

Ўй-хаёлим сандадир,

Олгил яна жисмимни ҳам.

Қилса рашк сандан мани

Мандан умидвор ҳар сулув,

Қилмагил парво, илон,

Музлатмасин шубҳа, ғулув.

Кўзимиз осмонида

Ёғду сочар ишқ кавкаби.

Ҳеч сулув истаб мани

Қабримга кирмас сан каби!..

Оқ илон, жонон илон…

—–

*Ўзбек халқ қўшиғидан

 

Аҳли Расул Муҳаммад, Зафаробод ноҳияси.

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

ҲАМКОРЛИКНИНГ СТРАТЕГИК ХУСУСИЯТИ

 

Тожикистон ўз табиий бойликлари, мавжуд иқтисодий имконият ва экспорт-импорт потенциали орқали, Марказий Осиё мамлакатлари билан савдо-иқтисодий соҳаларда ўзаро манфаатли ҳамкорликларни йўлга қўйиш иқтидорига эга.

Айни пайтда, бу борадаги алоқалар Қозоғистон, Қирғизистон ва Туркманистон давлатлари билан самарали олиб борилмоқда.

Муфассал...

Тарихий учрашув мевалари

 

1. Ёмғир шивалаган кунда

Апрел ойининг бошроғи эди. Тошкентдан қадрдон дўстим Хуршид Дўстмуҳаммаддан SMS хат олдим. У бу хатда курсдош дўстимиз Йўлдош Исмоиловнинг дунёдан ўтганлиги ҳақида ёзганди. Қайғуриб!

Энг қадрли, энг қадрдон дўстларимдан бирининг вафот этгани мени чуқур қайғуга солди. Жанозаси ўтган экан. Энди, албатта, фотиҳа ўқиш, оила

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
544688

ӮҚУВЧИЛАР СОНИ

2459085
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
229
2657
11002
2424256
13863
71175
2459085

Сизнинг IPнгиз: 3.214.184.124
Бугун: 06-12-2019 01:33:23

ҲАМКОРЛАР

 

 

   

2015