Биз билан боғланинг:

   

Бизга қӯшилинглар

ХАБАРЛАР

НАЗМ

Муаллиф: Super user Категория: НАЗМ
Чоп этилган 03 Апрел 2019 Кӯришлар: 163
Печат

 

gul 2019Болам, Ватанни сев!

Оталик пандим бу: оқсин қонингда,

Тоабад жой олсин жисму жонингда,

Ватан, деб яшагин ҳар бир онингда,

Болам, Ватанни сев, асрагин доим,

Уни сенга инъом этган Худойим.

 

Ватан хизматига белинг бойлагин,

Қўлингдан келгунча обод айлагин,

Кулган толеингни ўзинг сайлагин,

Болам, Ватанни сев, асрагин доим,

Уни сенга инъом этган Худойим.

 

Йўлдан адашма ҳеч, учма ҳар сўзга,

Олис юртлар кўркам кўринса кўзга,

Чин бахтни беролмас Ватандан ўзга,

Болам, Ватанни сев, асрагин доим,

Уни сенга инъом этган Худойим.

 

Ҳар ким юрт меҳрини юракда туйгай,

Бундай фарзандларин Ватан ҳам суйгай,

Ватанни сотганнинг бор пушти куйгай,

Болам, Ватанни сев, асрагин доим,

Уни сенга инъом этган Худойим.

 

Ёдда тут, Ватан бу - онанг тимсоли,

Она-юрт муқаддас - онанг мисоли,

Қадрини билмасанг, тутгай уволи,

Болам, Ватанни сев, асрагин доим,

Уни сенга инъом этган Худойим.

 

Ниҳоллар ўстириб, яшнат, боғ қилгин,

Кўзга сурт тупроғин, кўксинг тоғ қилгин,

Мунофиқ каслардан дил йироқ қилгин,

Болам, Ватанни сев, асрагин доим,

Уни сенга инъом этган Худойим.

Ватанни севганнинг - имони бордир,

Ҳар доим уларга Робби ҳам ёрдир,

Ватанни билмас ким ҳар ерда хордир,

Болам, Ватанни сев, асрагин доим,

Уни сенга инъом этган Худойим.

                  

Кечиккан муҳаббат

Бевақт келган севги бунча ёмон экан,

Ёр ҳажрида куйиб, рангинг сомон экан,

Чораси йўқ, ул қиз ўзга томон экан,

Муҳаббатнинг кеч келгани ёмон экан.

 

Севганингни айтолмайсан сўзларингда,

Юракдаги дарду алам, бўзларингда,

Севгинг аён ёниқ, мунгли кўзларингда,

Муҳаббатнинг кеч келгани ёмон экан.

 

Куйган кўнглинг оҳ чекади, нидо қилар,

Муҳаббатдан меҳр излаб, гадо қилар,

Ҳижрон дарди юрагингни адо қилар,

Муҳаббатнинг кеч келгани ёмон экан.

 

Севган ёринг висолига етолмайсан,

Севгингдан ҳам умид узиб кетолмайсан,

Иложинг йўқ, севгинг ошкор этолмайсан,

Муҳаббатнинг кеч келгани ёмон экан.

 

Кеч топганим, нетай, сендан кечолмасам,

Сенинг билан ишқ майидан ичолмасам,

Нигоҳим-ла суйиб, вале қучолмасам,

Муҳаббатнинг кеч келгани ёмон экан!..

 

**

Эркинжон Суюнов 1972 йилда Панжакентнинг Шўрнова қишлоғида дунёга келган. Алишер Навоий номли Самарқанд Давлат дорилфунунини битирган. " Юрагингда яшагим келди" шеърий тўплами нашр этилган. Шеърлари газетамизда илк бор эълон қилинмоқда.

Эркинжон СУЮНОВ,

Панжакент шаҳри.

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

МИЛЛАТ ПЕШВОСИНИНГ ОЗАРБАЙЖОН РЕСПУБЛИКАСИГА РАСМИЙ САФАРИ

 

9 август куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Озарбайжон Республикаси пойтахти – Боку шаҳрига расмий сафар билан борди.

Боку халқаро аэропортида олиймақом меҳмон – Тожикистон Президентини ушбу мамлакатнинг юқори мартабали намояндалари илиқ ва

Муфассал...

Ноумид шайтон

 

   «Аросатдаги одамлар» романидан парча    

Шоирга мактуб йўллаб, бутун умид-орзуларимни унинг жавобига боғлаган ҳолда почталон йўлларига нигорон эдим. Вақтнинг ўтиши бу қадар қийин бўлмаса! Орадан бир ой ўтди, қирқ беш кун ўтди... Жавобдан дарак йўқ. “Шоир халқи ҳам шеърларида лоф ураркану бировга ёрдам қўлини чўзиш зарурати туғилганда ўзини четга олар экан”, деган андишаларга бориб қолдим. Ҳа, ҳозир кимдан ҳам гина қилиб бўлади, дейсиз.

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
546994

ӮҚУВЧИЛАР СОНИ

2465864
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1464
2749
17781
2424256
20642
71175
2465864

Сизнинг IPнгиз: 18.207.255.49
Бугун: 08-12-2019 14:02:27

ҲАМКОРЛАР

 

 

   

2015