НАСР

ТАСАННО

Бирлашмаган эл доим хор бўлар, талош бўлар,

Бундай элнинг бағри доғ, кўзларида ёш бўлар.

Бўлар элнинг фарзанди ўн бешида бош бўлар,

Эл дардини тинглаган ўғлонларга тасанно,

Ҳақ йўлини англаган инсонларга тасанно.

БОЛАЛИКНИНГ БЕҒУБОР ОСМОНИ…

Баҳорнинг сўнгги кунлари…

Осмон беғубор. Қуёш зарин нурларини борлиққа таратиб, ажиб тароват бахш этган. Азим чинорлар соясидаги ҳовли саҳни шўх-шодон болалар билан гавжум: бир гуруҳ шийпончада стол тенниси машғулоти билан банд. Бошқаси, кичик ёшдагилар ҳовлининг кун чиқар томонидаги катта саҳнада тарбиячилар назорати остида, уларнинг кўрсатмалари билан шеърни маромига етказиб