Биз билан боғланинг:

   

Бизга қӯшилинглар

ХАБАРЛАР

СПОРТ

Муаллиф: Super user Категория: СПОРТ
Чоп этилган 07 Май 2015 Кӯришлар: 815
Печат

 

shabbos nematullaevҚозоғистон Республикасининг Тараз шаҳрида бокс бўйича халқаро турнир ниҳоясига етди.

Унда иштирок этган тожикистонлик боксчилар битта олтин ва иккита бронза медалини қўлга киритдилар.

Рингга 75 килограмм вазн тоифасида кўтарилган Шаббос Неъматуллаев олтин медал совриндори бўлди.

У ҳал қилувчи финал босқичида ринг эгаси А. Толбой билан муштлашди.

Тожикистон намояндаси рақибини учинчи раундда нокаут ҳолатига тушириб, муддатидан илгари ғалаба қозонди.

Шунингдек, Файзен Раҳматшоев (49 килограмм) ва Акрамшо Мўминшоев (52 килограмм)лар ҳам ғолиблик шоҳсупасининг учинчи поғонасига кўтарилиб, терма жамоа жамғармасига биттадан бронза медали келтирдилар. 

МАРКАЗИЙ ЎЙИНДА ДУРАНГ НАТИЖА

Олий лига жамоалари ўртасида мамлакат XXIV чемпионатининг 4-тур ўйинлари бўлиб ўтди.

Турнинг марказий учрашувларидан бирини футбол мухлислари Турсунзода шаҳридаги «Металлург» стадионида томоша қилишди.

Унда турнир жадвалининг юқори қисмидан жой олган «Регар-ТадАЗ» ва Ваҳдат шаҳрининг «Хайр» жамоалари ўзаро куч синашди.

Ўйин майдон эгаларининг сезиларли устунлигида ўтди, аммо улар ғалаба келтирадиган ҳисобни сақлаб қолишолмади.

 Гарчи «металлурглар» икки марта – матчнинг биринчи ва иккинчи қисмларида ҳисобда олдинга чиқиб олишган бўлса-да, ўз дарвозалари дахлсизлигини таъминлай олишмади.

Ҳар икки ҳолатда ҳам меҳмонлар жавоб тўпи киритишга муваффақ бўлдилар. Натижада муроса йўли танланиб, ўйин 2:2 ҳисобида якун топди.

Турнинг қолган учрашувлари қуйидаги натижалар билан тугади: «Равшан»-«Хўжанд»-1:3, «Далерон-Ўратепа»-«Вахш»- 1:1, «Барқи тожик»-«Парвоз»-1:0, «Истиқлол»-ЦСКА «Памир» - 5:1.

ТОЖИКИСТОН ВАКИЛИНИНГ ТОШКЕНТДАГИ ЮТУҒИ

Ўзбекистон Республикаси пойтахти – Тошкент шаҳрида Шарқ яккакурашининг каратэ-до тури бўйича клублар ўртасида II Осиё чемпионати якунланди.

Тожикистон Республикаси каратэ-до федерацияси раиси Муҳаммад Бодаковнинг маълум қилишича, қитъа биринчилигида аёллар ўртасида 61 килограмм вазн тоифасида мамлакатимиз шарафини ҳимоя қилган Юлдуз Исматуллоева фахрли учинчи ўринни эгаллаб, бронза медали соҳиби бўлди.

Умумжамоа ҳисобида эронлик каратэчиларга тенг келадигани топилмади.

Иккинчи ўринни мезбонлар – Ўзбекистон намояндалари ишғол қилишди.

Учинчи ўрин эса, қозоғистонликларга насиб қилди.

ЕВРОПА ЧЕМПИОНАТИНИНГ ОЛТИН МЕДАЛИ

Минск шаҳрида бадиий гимнастика бўйича Европа чемпионати мусобақаларига хотима ясалди.

Гуруҳ машқларини бажариш шарти юзасидан икки чиқишда 33,266 балл тўплаган россиялик спортчилар «кўҳна дунё» биринчилиги ғолиблигини қўлга киритишди.

Россия терма жамоаси таркиби қуйидаги гимнастикачилардан иборат эди: Ангелина Шкатова, Мария Кравцова, Анастасия Калабина, Екатерина Фёдорова, Ирина Шилохвост, Ксения Полякова.

Мусобақаларда мазмунли чиқиш қилган Белорус (32,733 балл) гимнастикачилари кумуш медал эгаси бўлишди.

Исроилликлар (32,366 балл) эса, кучли учликдан жой олиб, бронза медали совриндорига айланишди.

МАЙДОН ЭГАСИ – ТУРНИР ҒОЛИБИ

Чехиянинг бош шаҳри – Прагада теннис бўйича халқаро турнир поёнига етди.

Унинг ғолиблиги майдон эгаси Каролина Плешковага насиб қилди.

Финал ўйинида чехиялик теннисчи ватандоши Люция Градецкийга қарши кортга чиқди.

Ҳал қилувчи беллашув 1 соату 53 дақиқа давом этди. Қизғин ва шиддатли курашлар асосида ўтган учрашув 4:6, 7:5, 6:3 ҳисобида Каролина Плешкова ғалабаси билан тугади.

Бу ғолиб теннисчининг Бутунжаҳон теннис ассоциацияси (WTA) доирасидаги фаолиятида тўртинчи совринидир.

ЛАС-ВЕГАСДА «АСР ЖАНГИ» ЎТДИ

Америка Қўшма Штатларининг Лас-Вегас шаҳрида касбий бокснинг WBA (Бутунжаҳон боксчилар ассоциацияси), WBC (Бутунжаҳон боксчилар кенгаши), WBO (Бутунжаҳон боксчилар ташкилоти) йўналишларининг бирлаштирилган чемпионлик жанги ўтказилди.

Унда юқорида зикр этилган йўналишлар бўйича турли вазнлардаги жаҳон чемпионлари – америкалик Флойд Мейвезер (47-0-0) ва филиппинлик Мэнни Пакяо (57-5-2)лар ўзаро муштлашдилар.

Мутахассислар томонидан «аср жанги» деб номланган муштлашув 12 раунд давом этди.

Ён ҳакамлар бир овоздан 118:110, 116:112, 116:112 ҳисобида америкалик боксчини ғолиб, деб топишди.

Шундай қилиб, Флойд Мейвезер касбий рингда 48-жангини ўтказди ва мағлубиятсиз фаолиятини давом эттирмоқда.

«Халқ овози»нинг спорт шарҳловчиси. 

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Юртнинг ҳимояси ҳам ибодатдир

 

Фарзандинг юзингни ёруғ қилса, элу юртдан сенга “раҳмат” олиб берса, ўз бурчини оқлашга интилса... Шундай пайтларда ҳар қандай ота-она ҳам алланечук хурсанд бўлиб кетади, кўнгли фахру ифтихорга тўлади. Ноҳия ҳарбий комиссариатида кўнгилли сифатида қайдга олинган ўғлим Абдуллажондан ҳар гал: -Албатта, ҳарбий хизматга бораман. Ватанни биз қўриқламасак, ким қўриқлайди?! - деган мардонавор сўзларни эшитганимда, шундай ҳолга тушаман.

Муфассал...

БИР ДАРАХТДА ТУРЛИ ХИЛ МЕВАЛАР...

 

Ҳасанбой Собиров Кушониён ноҳиясининг «Бўстонқалъа» жамоатида боғбон оиласида туғилган. У 1973 йили шу ердаги 49-ўрта умумтаълим муассасасини битирган. Ёшлигидан математика фанига алоҳида меҳр қўйганлиги боис, 1977 йили Носир Хусрав номидаги Бохтар шаҳри олийгоҳини битирган. Айни пайтда Бохтар шаҳар «Ориён» лицей мактабида ёшларга ихтисоси бўйича сабоқ бериб келмоқда.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
511353

ӮҚУВЧИЛАР СОНИ

2353251
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
423
3162
423
2334650
47088
62133
2353251

Сизнинг IPнгиз: 35.175.191.168
Бугун: 21-10-2019 05:19:16

ҲАМКОРЛАР

 

 

   

2015