1 март куни Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Миллат қасрида Покистон Ислом Республикаси Армияси қўмондони Раҳил Шарифни қабул қилди.

Учрашувда Тожикистон ва Покистоннинг ҳарбий-сиёсий ҳамкорликлари кенг кўламда муҳокама қилинди.

"Биз ўзаро тушуниш ва томонлар манфаатларини эҳтиром этишга асосланган икки томонлама ҳарбий ҳамкорликларни мустаҳкамлаш даражасидан қониқамиз",- деди суҳбат аввалида мамлакатимиз Президенти.

Томонлар икки мамлакат сиёсий ва ҳарбий алоқалари ҳозирги ҳолати ва келгусидаги тараққиёти борасида фикр алмашишиб, Тожикистон ва Покистон миллий армияси ва ҳуқуқ ҳимояси органлари ўртасида терроризм, экстремизм ва наркотик моддалар ноқонуний савдоси каби замонавий таҳдид ва хатарларга қарши кураш соҳасидаги ҳамкорликлар муҳимлиги қайд қилинди.

Суҳбатдошлар олий даражада сўзлашувларнинг мунтазам ўтказиб турилишини икки мамлакат ўзаро самарали ҳамкорликларини кенгайтириш ҳамда сиёсат, савдо, иқтисодиёт, маданият, илм, маориф, энергетика, минтақавий интеграцияни кенгайтириш бўйича муштарак фундаментал лойиҳалар, жумладан, CASA-1000  лойиҳасини амалга ошириш, хавфсизлик ва барқарорликни таъминлаш омили, дея аташди.

Учрашувда икки давлат ва халқ манфаатларига жавоб берувчи дўстона муносабатлар ва ҳамкорликлар бошқа масалалари юзасидан ҳам мазмунли суҳбат қурилди.

"Ховар" ТМАА.