Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 25 Феврал 2016 Кӯришлар: 897
Печат

 

r rahimzodaМамлакат Ички ишлар вазири Рамазон Раҳимзода Душанбе шаҳрида бўлиб ўтган тантанали йиғилишда шахсий ҳайъат, ветеранлари ва ҳарбий хизматчиларни республика Қуролли кучлари куни билан табриклади.

- Бугун Тожикистонда Миллий армия ташкил этилганининг 23 йиллигини ифтихор билан нишонлайдилар. Тожикистон Республикаси Президенти муҳтарам Эмомали Раҳмон қўллаб-қувватлашида армиямиз етакчи ҳарбий техника, замонавий маъмурий бинолар, юқори малакали мутахассисларга эга кучли армияга айланди, - таъкидлади вазир.

Тадбир жараёнида Ички ишлар вазири фармони билан бир қатор ходимлар навбатдаги махсус ва ҳарбий унвонлар, медаллар, фахрий ёрлиқлар ва қимматбаҳо совғалар билан тақдирланди.

**

ЖИРҒАТОЛДА  ПАЁМ  ШАРҲИ

Бугунги кунда Тожикистон Республикаси Президенти Эмомали Раҳмоннинг Тожикистон Республикаси Олий Мажлисига йўллаган Паёми шарҳи ҳамда Тожикистон Республикаси Конституциясига таклиф этилган ўзгартиш ва қўшимчалар аҳамияти-ю зарурати мамлакат барча шаҳру ноҳияларида ишчи гуруҳларининг фуқаролар билан мулоқоти чоғида бир маромда давом этмоқда.

Давлат ҳокимияти Жирғатол ноҳияси ижроия органи биносида бўлиб ўтган мулоқотда мамлакат Олий Мажлиси Намояндалар мажлиси раиси Шукуржон Зуҳуров Тинчлик ва миллий бирлик асосчиси – Миллат пешвоси, Тожикистон Республикаси Президенти Эмомали Раҳмоннинг навбатдаги Паёмига шарҳ берар экан, миллий стратегик учта асосий йўналиш – энергетик мустақилликка эришиш, коммуникацион боши берк кўчадан чиқиш ва озиқ-овқат хавфсизлигини таъминлаш борасида сўз юритди.

У учта миллий мақсад амалга татбиқ этилса, халқ ҳаёт тарзи ва мамлакат иқтисодий вазияти янада яхшиланишига имконият яратилишини таъкидлади. Картошка парвариши даромадли соҳалардан ҳисобланган Жирғатол ноҳиясида деҳқонлар ердан унумли фойдаланган ҳолда мўл ҳосил йиғиштиришлари ва уни мамлакат ташқарисига экспорт қилишни йўлга қўйишлари мумкин, - деди Шукуржон Зуҳуров.

Олий Мажлис Намояндалар мажлиси раиси мулоқот чоғида, шунингдек, Тожикистон Республикаси Конституциясига киритиладиган ўзгартиш ва қўшимчаларга ҳам шарҳ берар экан, кўзда тутилган ўзгартишу қўшимчалар демократиялаштириш жараёнларини мустаҳкамлаш, давлат ҳокимияти органлари тартиби ва инсон ҳуқуқу озодликлари риояси, умуман, жамият тараққиётига йўналтирилганини зикр этди. 

**

Д. Гулмаҳмадзода:

- Ватан ҳимояси - энг шарафли иш!

Тожикистон Республикаси Қуролли кучлари ташкил топганининг 23 йиллиги муносабати билан Қўрғонтепа шаҳрида тантанали йиғилиш бўлиб ўтди.

Ҳарбий хизматчилар олдида чиқиш қилган Хатлон вилояти раиси Давлатшоҳ Гулмаҳмадзода Қуролли кучлар барча қисмлари мамлакат Президентининг бевосита қўллаб-қувватлаши билан 23 йил мобайнида мустақил ҳарбий тузилмага айлантирилганини таъкидлади.

-Тожикистон Республикаси Қуролли кучлари Ватан ҳимояси бўйича ўз зиммаларига қўйилган вазифаларни шараф билан бажаришяпти,- деди Д. Гулмаҳмадзода.

Вилоят раҳбари ҳарбий хизматчиларнинг мамлакатда тинчлик ва барқарорликни сақлашга қўшган катта ҳиссалари ҳақида сўз юритар экан, Тожикистон Республикаси Ҳукумати мамлакат мудофаа қудратини мустаҳкамлашни муҳим ҳисоблашини, турли минтақаларда бўлинмалар ташкил этишга ҳисса қўшиши, шахсий ҳайъат учун замонавий инфратузилма шароитларини яратаётганини қайд қилди.

Ҳарбий хизматни адо этишда намуна кўрсатганлар ва фахрийларга Хатлон вилояти маъмурияти ҳамда мамлакат Мудофаа вазирлиги ифтихорномалари топширилди.

**

Хўжанд: ободончилик ишлари  қизғин  бормоқда

Хўжанд шаҳрида Тожикистон Республикаси давлат мустақиллиги 25 йиллиги ва «300 ободончилик куни» эълон қилиниши муносабати билан ободончилик ва кўкаламзорлаштириш ишлари бир маромда олиб бориляпти ҳамда гулу ўсимликлар, манзарали буталар, манзарали ва мева берувчи дарахтлар кўчатлари кўргазма-савдосини ўтказиш анъана тусига кирган. Ўтган ҳафта шаҳарнинг К. Хўжандий номли комедик-мусиқий театри майдонида гулу кўчатлар кўргазма-савдоси ташкил қилинди.

Суғд вилояти раиси Абдураҳмон Қодирий ва Хўжанд шаҳри раиси Ражаббой Аҳмадзода бу кўргазма-савдога бориб, вилоят барча шаҳру ноҳияларидан келган гулпарварлик соҳаси ходимлари, деҳқонлар ва агротехнолог мутахассислар билан суҳбатлашдилар.

Имкониятдан фойдаланган ҳолда, 20 минг фуқаро, турли ташкилоту муассасалар ходимлари ва ёшлару спортчилар умумшаҳар шанбалиги ва гулу кўчат ўтқазиш маъракасида иштирок этиб,  шаҳарни кўкаламзорлаштиришга ўз ҳиссаларини қўшдилар.

Фуқаролар турли кўчатлар кўргазма-савдосидан 10 минг тупдан зиёд мевали дарахтлар кўчатини харид қилиб, ўз манзиллари ва ишхоналари атрофига ўтқаздилар.

**

Ниҳоллар кўргазма-савдоси

«Пойтахт-90» савдо мажмуаси рўпарасида мевали ва манзарали дарахтлар, гулу буталар кўчатлари ва сертификатга эга бўлган юқори сифатли уруғлар кўргазма-савдоси бўлиб ўтди.

Унда «Тожикниҳолпарвар» давлат унитар корхонаси, жумладан,  Ҳисор ноҳиясидаги «Искич», Шаҳринав ноҳиясидаги «Мирзо Турсунзода» номли, Ваҳдат шаҳри кўчатчилик хўжаликлари ходимлари томонидан етиштирилган кўчатлар сотувга қўйилди. Умуман, 728 минг туп ниҳол, жумладан, 380 минг мева берувчи, 166 минг манзарали ва 182 минг гулу бута кўчатлари харидорларга тавсия қилинди. Шунингдек, 5 минг 890 килограмм энг яхши ўсимликлар уруғлари кўргазма ва сотувга қўйилди. 

Қишлоқ хўжалиги соҳаси мутахассислари, жумладан, Қишлоқ хўжалиги академияси ходимлари харидорларга яхши кўчатлар танлаш, уларни кўкартириш ва парваришлаш усули юзасидан фойдали маслаҳатлар бердилар.

**

Бартангда янги мактаб

Ўтган ҳафта Рўшон ноҳияси «Бартанг» қишлоқ жамоатидаги Разужи қишлоғида янги, замонавий таълим муассасаси фойдаланишга топширилди. Замон талаботини ҳисобга олган ҳолда, 96 нафар ўқувчи учун бунёд этилган таълим муассасаси олти синфхона, ўқитувчилар хонаси, компютер синфхонаси ва юқори сифатли таълим ускуналаридан иборатдир. Унинг қурилишига Тоғли Бадахшон мухтор вилояти бюджетидан 1 миллион 630 минг сомоний ажратилди. Қурилиш ишлари зиммасида бўлган «Шарқ» масъулияти чекланган жамияти қурувчиларни маҳаллий фуқаролар ҳисобидан жалб этди.

Тоғли Бадахшон мухтор вилояти раиси Шодихон Жамшед «Бартанг» қишлоқ жамоати Разуж ва Даржомчи қишлоқлари ўқувчилари таҳсил оладиган муассаса очилиши чоғида мамлакат Ҳукумати ҳамда Маориф ва илм вазирлиги режасига мувофиқ, Рўшон ноҳиясининг «Бартанг» қишлоғида кейинги икки йил мобайнида 13та таълим муассасалари бунёди ва қайта тикланиши режалаштирилганини зикр этди.

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Декабр 2019 »
Дш Сш Чш Пш Жм Шб Яб
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

МАҚОЛАЛАР

Сен бир одам бўл, болам...

 

ТИЛАК

Ҳаёт асли жумбоқли,

Муаммолар «тармоқли»,

Авлиёлар саноқли,

Сен бир одам бўл, болам.

Муфассал...

Қароғингга чўкиб кетсам, қутқармагил…

 

СИЛАБ ҚЎЙДИМ

Ҳар замонда кўзим ёшлаб,

Армон билан ёдлаб қўйдим.

Хотиралар қат-қатига,

Мен севгимни ўраб қўйдим.

Муфассал...

СТАТИСТИКА

Сайтга кирганлар
1
Мақолалар
822
Мақолаларни кӯрганлар сони
549807

ӮҚУВЧИЛАР СОНИ

2471836
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
195
1832
4706
2448083
26614
71175
2471836

Сизнинг IPнгиз: 18.207.255.49
Бугун: 11-12-2019 03:31:47

ҲАМКОРЛАР

 

 

   

2015