«Кохи Борбад» давлат мажмуасида мамлакат Президенти Эмомали Раҳмон ва Ҳиндистон Бош вазири Нарендра Модилар иштирокида Тожикистон-Ҳиндистон қишлоқ хўжалиги форуми ташкил этилди.

Унда давлат органлари, хусусий компаниялар вакиллари, тадқиқот марказлари ва ташкилотлари таҳлилчилари, йирик тадбиркорлар иштирок этди. Форум доирасида эришилган натижалар ва келишувларга иккала томон ҳам амал қилиши кутилмоқда.

Тожикистон Республикаси Президенти Эмомали Раҳмон ўз чиқишида: «Тожикистон икки мамлакат ўртасида ўзаро фойдали ҳамкорликларни йўлга қўйиш учун катта имкониятларга эга. Айни пайтда юртимизда 7,5 миллиард Америка доллари ҳажмидаги лойиҳалар ва дастурлар амалга ошириляпти. Мамлакатимиз қонунчилиги солиқ солиш ва божхона фаолияти билан боғлиқ 40 дан ортиқ имтиёзларни ўрнатган»,- деб қайд қилди.

Мамлакатимиз қулай иқлим шароити, қуёш ва сувга бой табиати ҳамда унумдор водийлари мевалар, сабзавотлар ва сифатли қишлоқ хўжалиги маҳсулотлари етиштириш учун қулай бўлиб, аграр соҳани келгусида янада ривожлантириш учун ҳар томонлама қулай шароитларни яратади.

Шуни ҳисобга олган ҳолда, ҳинд бизнес-доиралари ўзларининг тожикистонлик шериклари билан ҳамкорликларни кучайтириш, Тожикистонда ўзаро фойдали қўшма сармоявий лойиҳаларни амалга оширишга ҳидоят қилинди.

Мамлакат Президенти Тожикистон ва Ҳиндистон ўртасида турли соҳалардаги ҳамкорликлар кенгайишидан қониқиш билдирар экан, жаҳон ҳамжамиятига икки мамлакат алоқалари қадимий халқларимиз тарихий ва маданий яқинликлари, чуқур устувор ахлоқ, гуманизм фалсафаси, аждодларимизни ҳақиқатан дунё бўйлаб идрок қилиш каби  бутун жаҳонга машҳур қадриятлари орқали маълум эканлигини қўшимча қилди.

Ҳиндистон Бош вазири ўз чиқишида икки мамлакат ўртасида ўзаро фойдали ҳамкорликларни кенгайтириш муҳимлигини қайд қилиб, Ҳиндистон томонининг турли соҳалар, айниқса, аграр тармоғида сармоявий  лойиҳаларни амалга оширишда кенг иштирок этишга тайёрлигини билдирди.

Форум доирасида Нарендра Моди Тожикистон Республикаси Президенти Эмомали Раҳмонга  тожик олими Бобожон Ғафуровнинг  яқинда ҳинд тилида нашрдан чиққан «Тожиклар» китобини совға қилди.

«Ховар» ТМАА.