4 октябр куни "Борбад" қасрида Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон Тожикистон Республикаси Давлат тили куни муносабати билан ўтган тантанали йиғилишда иштирок этиб, нутқ сўзлади.

Давлат бошлиғи йиғилганлар, Тожикистоннинг шарафли халқи ва хориждаги ватандошларни 2009 йилдан буён 5 октябр куни нишонланиб келинаётган Давлат

тили куни муносабати билан табриклаб, давлат тилини юксак миллий қадрият ва унинг тараққиётини давлату жамият барча тузилмаларининг муҳим вазифаси дея атади.

Миллат пешвоси бу асил тилнинг бугунги ва келгуси ворисларини уни давлат, маданият, илм ва замонавий техникалар иш юритиш тили сифатида тоза сақлаш, ривожлантириш ва ҳар томонлама такомиллаштиришга ҳидоят қилди.

Давлат тили қоида, меъёрлари ва имлосига, хусусан, даврий матбуот, радио, телевидение, нашр муассасалари, ўқитувчилар, таълим, мактабгача таълим муассасалари масъуллари ва шунингдек, ота-оналар фарзандлар таълиму тарбиясида риоя этишлари зарурлиги таъкидланди.

Шунингдек, ёшлар бир нечта тилни ўрганишдан баҳраманд бўлишлари учун хорижий, хусусан, рус ва инглиз тилларини ўрганиш учун мамлакат мактабларида шароит яратилиши кераклиги қайд қилинди.

Тожикистон Республикаси Давлат тили куни муносабати билан тантанали йиғилиш санъаткорларнинг ранг-баранг маданий дастури билан давом этди.

«Ховар» ТМАА.

**

Тожикистон Президенти "Ал-жазира" телевидениеси мухбирига интервю берди

9 сентябр куни "Роғун" ГЭСи қурилиш майдонида Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон ГЭСнинг иккинчи агрегатини ишга туширгандан сўнг, Қатар давлатининг "Ал-жазира" телеканали мухбирига интервю берди.

Муҳим тарихий воқеа - "Роғун" ГЭСи иккинчи агрегатининг ишга туширилиши муносабати билан бу ерга ўнлаб маҳаллий ва хорижий оммавий ахборот воситаларининг мухбирлари ташриф буюришди.

Суҳбат чоғида "Ал-жазира" телеканали мухбири Давлат раҳбари муҳтарам Эмомали Раҳмондан Тожикистоннинг энергетик салоҳиятини ривожлантириш, йирик "Роғун" ГЭСи аҳамияти, глобал иқлим ўзгаришининг таъсири, унинг салбий оқибатлари ва уларни бартараф этишда Тожикистоннинг бунёдкорлик чоралари, Бирлашган Миллатлар Ташкилоти, бошқа нуфузли ташкилотлар доирасидаги сув муаммолари билан боғлиқ халқаро ташаббуслари, ушбу муаммоларни ҳал этишда мамлакатимизнинг фаол ўрни ва роли, БМТнинг 2018-2028 йиллар - "Сув устувор тараққиёт учун" халқаро амалиёт ўн йиллиги резолюцияси қабул қилиниши, Тожикистоннинг минтақавий ҳамкорликлари ҳозирги ҳолати ва истиқболлари ҳақидаги саволларига атрофлича жавоб олди.

Шуни алоҳида таъкидлаш керакки, Миллат пешвоси муҳтарам Эмомали Раҳмоннинг глобал муаммоларни ҳал этиш, гидроэнергетика захираларидан самарали ва оқилона фойдаланиш, шунингдек, "Роғун" ГЭСи фаолиятининг бошланиши ва унинг иккинчи агрегатини фойдаланишга доир ташаббуслари жаҳон ҳамжамияти томонидан эътироф этилган.