Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 30 Ноябр 2018 Кӯришлар: 1727
Печат

 

rogun 2018Ҳаммамизга маълумки, 2018 йилнинг 16 ноябр куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон иштирокида «Роғун» гидроэлектростанциясининг биринчи агрегати тантанали равишда ишга туширилди. Бу Тожикистон тарихида жуда муҳим воқеа бўлиб, мамлакатимиз халқи томонидан катта шодлик билан қарши олинди.

17 ноябр куни Тожикистоннинг барча шаҳар ва ноҳияларида бу тарихий воқеа муносабати билан байрам тантаналари бўлиб ўтди.

Жаббор Расулов ноҳияси шаҳарча ва қишлоқ жамоатлари аҳолиси ҳам бу тантаналарни жуда кўтаринки руҳда ўтказди.

Байрам тантаналари ноҳиянинг “Ёшлик” ўйингоҳи олдидан Миллат пешвоси расми ва нутқидан олинган лавҳалар, «Роғун» ГЭСи ҳақидаги шиор ва ёзувлар, Тожикистон Республикаси давлат байроғи ҳамда Миллат пешвоси раҳбарлик қилаётган Тожикистон Халқ демократик партияси байроқлари билан тадбир ўтказилиш жойи – Меҳробод шаҳарчаси марказидаги “Гулистон” маданият қасри майдонигача бўлган тантанали юриш билан бошланди. Тадбирда ноҳия раиси Комил Салимзода, Тожикистон Президенти Ижроия аппаратининг Иш юритиш ва назорат бўлими бошлиғи Давлатзода Ҳусейн Ҳомид, давлат ҳокимияти Суғд вилояти ижроия органи намояндаси Фирдавсжон Шарифзода, шунингдек, ноҳия халқ хўжалиги соҳалари раҳбарлари, таълим муассасалари устоз ва талабалари, ёшлар ва шаҳарча аҳолиси қатнашдилар.

Тантанали маросимни Жаббор Расулов ноҳияси раиси аппаратининг ташкилий ва кадрлар билан ишлаш бўлими мудири Бахтиёр Каримбердиев очди.

Биринчи сўз навбати ноҳия раиси Комил Салимзодага берилди. У ўз нутқида тожик халқининг қатор йиллар давомида орзиқиб кутган нияти амалга ошиб, «Роғун» гидроэлектростанциясининг биринчи агрегати ишга тушгани билан ноҳия халқини муборакбод этди.

Ҳақиқатдан ҳам, аср қурилиши номини олган «Роғун» ГЭСи Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон саъй-ҳаракатлари ва заҳматлари шарофати билан бунёд этилганлиги алоҳида таъкидланди.

Тожикистон Президенти Ижроия аппаратининг Иш юритиш ва назорат бўлими бошлиғи Давлатзода Ҳусейн Ҳомид ноҳия аҳлини Миллат пешвоси ва мамлакат Ҳукумати номидан табриклади.

Давлат ҳокимияти Суғд вилояти ижроияи органи намояндаси Фирдавсжон Шарифзода вилоят раиси Ражаббой Аҳмадзоданинг табригини ўқиб эшиттирди.

Шундан сўнг, Жаббор Расулов ноҳияси маданият уйи санъаткорлари томонидан тайёрланган катта байрам концерти намойиш этилди.

Концерт дастуридан тожик ва ўзбек тилларидаги Ватан, тинчлик, дўстлик, миллий бирлик, «Роғун» ва Миллат пешвосини мадҳ этувчи куй ва қўшиқлар ҳамда рақслар жой олганди.

Азиз НАБИЕВ,

журналист,

Жаббор Расулов ноҳияси.

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Апрел 2025 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

МАҚОЛАЛАР

ШЕЪРИМСАН - ВАТАН...

 

Тожикистон истиқлолияти - 25 йил

 Шеъримсан - Ватан...

 Оппоқ капалакнинг гулисан - Ватан,

Сайроқи қалдирғоч инисан - Ватан.

Шамолдек елгувчи учқур отимсан,

Муфассал...

ПОЧИНАКЛАР ТЕРАЁТГАН КУЗ…

 

Турналар мезон ипларини солиб ўтган каби иссиқ ўлкаларга учиб кетаётган кез... Умримиз тақвимига сариқ япроқларини ташлаб ўтаётган куз... Сени эслагим келди,  Ёшлигим.

Ижтимоий-сиёсий мавзуда мақола ёза олмайсан, сен, деб қўлини ниқтаб кўрсатганларга қараб,  “Тўғри, ёза олмайман. Аммо мен болалигимнинг соф хотиралари билан яшайман”, дея сенга қараб кетдим, Болалигим.

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2074537

ӮҚУВЧИЛАР СОНИ

8069046
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2312
2794
10586
8024732
8136
108045
8069046

Сизнинг IPнгиз: 18.189.171.154
Бугун: 03-04-2025 22:53:13

ҲАМКОРЛАР

 

 

   

2015