24 июл куни Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон бир қатор вазирликлар ва давлат идоралари раҳбарлари, давлат ҳокимияти Душанбе шаҳри ижроия органи раҳбарияти ҳамда пойтахт фаоллари билан иш кенгаши ўтказди.

Кенгашда Давлат бошлиғи Душанбе шаҳри иқтисодий-ижтимоий

тараққиётига якун ясаш билан Тожикистон Республикаси Ҳукумати ва давлати раҳбариятининг яратувчанлигу бунёдкорлик олий мақсадларига эришиш учун Тожикистон Республикаси давлат мустақиллигининг 30 йиллиги байрами истиқболига муҳим тадбирлар аввалгидан кўпроқ амалга оширилиши зарурлигини таъкидлади.

Ободончилигу яратувчанлик тадбирлари ва мамлакат пойтахтининг Тожикистон Республикаси давлат мустақиллиги 30 йиллигига тайёргарлигининг боришига доир мамлакат Бош вазири ўринбосари – республика пойтахтини давлат мустақиллигининг 30 йиллиги байрамига тайёрлашга доир иш гуруҳи раҳбари Азим Иброҳим ҳамда Душанбе шаҳри ноҳиялари раисларининг ҳисоботлари тингланди.

Мамлакат Ҳукумати мустақилликнинг биринчи йилларидан Душанбе шаҳрини истиқлолиятни энди қўлга киритган давлат пойтахти сифатида ободу кўркамлаштиришга доир зарурий тадбирларни амалга ошириб, пойтахтни иқтисодий ва ижтимоий тараққиётнинг янги босқичига кўтариш учун қулай шароит яратгани таъкидланди.

Давлат бошлиғи мамлакат пойтахтидаги сўнгги икки йилда амалга оширилган ободончилик ва яратувчанлик ишлари жараёнини қониқарли, дея баҳолар экан, бу натижаларга қарамасдан, Душанбе шаҳрида Тожикистон Республикаси давлат мустақиллигининг 30 йиллигигача ободончилигу бунёдкорлик ишлари кенгайтирилиши зарурлигини изҳор этди. Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмон энергетик иншоотларнинг тартибли фаолияти, хусусан, Душанбе шаҳри аҳолисини энергия ва иссиқлик билан мунтазам таъминлаш, саноат, маориф, соғлиқни сақлаш ва маданият соҳаларининг узлуксиз тараққиётини таъминлаш, пойтахт аҳолиси ва меҳмонларга хизмат кўрсатиш даражасини юксалтириш, йўлу транспорт, сув етказиш, коммунал хизмат кўрсатиш, бозорлар ва савдо иншоотлари ҳолатини яхшилаш, сайёҳлик инфратузилмасини ривожлантириш, маориф, соғлиқни сақлаш, маданият, спорт ва соғломлаштириш иншоотларини кўпроқ бунёд этиш учун тегишли вазирликлару идоралар раҳбарлари, давлат ҳокимияти Душанбе шаҳри ижроия органи ва бошқа масъул шахсларга аниқ топшириқлар берди.

«Ховар» ТМАА.