Хитой Халқ Республикасининг Сямэн шаҳрида БРИКС саммити доирасида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Жанубий Африка Республикаси президенти Жейкоб Зума билан учрашди.

- Биз Африка қитъаси ва халқаро майдонда юқори нуфузга эга бўлган Жанубий Африка Республикаси билан дўстона алоқалар ва конструктив

ҳамкорликлар мустаҳкамланишини қўллаб-қувватлаймиз, - дея қайд қилди суҳбат чоғида Давлат бошлиғи ҳамда Тожикистон Жанубий Африка иқтисодий ва сармоявий доираларининг миллий иқтисодиётимиз турли соҳаларида иштирокидан хурсанд бўлишини қўшимча қилди.

Ривожланаётган мамлакатлар ва БРИКСга аъзо давлатларнинг ушбу диалоги минтақа ва дунё давлатлари интеграциясини мустаҳкамлашнинг янги йўллари-ю усулларини кўриб чиқиш ҳамда топишнинг катта имконияти сифатида баҳоланди.

Тожикистон томонининг Жанубий Африка Республикаси билан иқтисодиёт, савдо, саноат, қишлоқ хўжалиги, сайёҳлик, маданият ва гуманитар соҳалардаги ўзаро самарали ҳамкорликларни йўлга қўйишдан манфаатдорлиги таъкидланди.

Шу асосда зикр этилган соҳаларда давлатлараро ҳамкорликларни кенгайтириш учун Жанубий Африка Республикасининг иқтисодий, сармоявий доиралари ва ишлаб чиқариш компаниялари намояндалари ўзларига қулай бўлган вақтда Тожикистонга келишлари таклифи илгари сурилди.

Суҳбатдошлар икки томонлама ҳамда БМТ каби  нуфузли минтақавий ҳамда халқаро ташкилотлар доирасида халқаро терроризм ва экстремизм, замонавий дунёнинг бошқа янги таҳдиду хатарларига қарши кураш масалалари юзасидан фикр алмашишди.