28 август куни Миллат қасрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Хитой Халқ Республикаси Озодлик армияси Бирлашган штаби бошлиғи Ли Зо Ченни қабул қилди.

Учрашувда Тожикистон ва Хитой икки томонлама муносабатлари асосларини ташкил қилувчи ҳарбий-техник ҳамкорликлари ва хавфсизлик

соҳасидаги алоқаларининг ҳозирги ҳолати ҳамда келгусидаги истиқболлари кўриб чиқилди.

Тожикистон ва Хитойнинг терроризм, радикализм ва сепаратизмга қарши курашда икки томонлама ва кўп қиррали ҳамкорликлари аҳамияти қайд қилиниб, бу алоқаларни мустаҳкамлаш минтақанинг барча давлатлари манфаатларига жавоб беради, дея баҳоланди.

Қайд қилиб ўтилганидек, бу йўналишдаги ҳамкорликлар зарур даражада давом этмоқда. Бироқ шунга қарамасдан, давлатлар минтақавий ва халқаро хусусиятга эга бўлган янги ҳамда кутилмаган ҳодисаларга тезкор қарши туришга тайёр бўлишлари керак.

Иккала томон ҳам Афғонистоннинг мураккаб ҳарбий-сиёсий муаммоларини ҳал этишда интеграция ва фаол аралашувни кучайтиришга доир конструктив ғояларини илгари суришиб, Тожикистон ва Афғонистон ўртасидаги чегарада долзарб аҳамиятга эга бўлган чегара қўшинларини мустаҳкамлашга тайёрликлари ва бундан манфаатдор эканликларини қайд қилишди. 

Учрашувда минтақавий ва халқаро сиёсатда аҳамиятга эга бўлган бошқа масалалар ҳам муҳокама қилинди. 

«Ховар» ТМАА.