28 август куни Миллат қасрида Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмон Покистон Ислом Республикаси Армия штаби бошлиғи Қамар Жовид Бажвани қабул қилди.

Учрашувда дунёнинг кўпгина мамлакатлари, айниқса, мусулмон давлатларидаги беқарорлик ва нотинчлик билан боғлиқ масалалар ҳамда бошқа

халқаро муаммолар муҳокама қилинди.

Минтақавий ва халқаро тинчлигу барқарорликни таъминлаш ҳамда мустаҳкамлашга ёрдам беришу фаол иштирок этиш, Тожикистоннинг дунёнинг барча мамлакатлари, жумладан, бизга дўст бўлган Покистон билан ҳамкорликларининг асосий йўналишларидан бири сифатида зикр этилди.

Сўнгги йилларда Тожикистон ва Покистон миллий армиялари, махсус хизматлари ва ҳуқуқ ҳимояси органларининг ўзаро алоқалари кенгайиб, янги даража ва мазмун касб этиб бораётганидан қониқиш билдирилди.

Суҳбатдошлар томонлар манфаатларини эҳтиром этиш ва ўзаро тушуниш асосларида давом этаётган муносабатларни келгусида янада кенгайтиришга тайёрликларини қайд қилишди.

Томонлар хавфсизлик ва мудофаа соҳаларида ўзаро ҳамкорликнинг турли йўналишларини қамраб олувчи имзоланган келишувларни амалга татбиқ этиш жараёни, Тожикистоннинг минтақавий таҳдидларга қарши курашда хавфсизлик потенциалини кучайтиришда рол ўйновчи Покистон Ҳукумати томонидан кўрсатилган ҳарбий-техник ёрдами ўзаро эҳтиёжлар ва манфаатларга мувофиқ, дея аталди.

Учрашувда, шунингдек, Афғонистон ҳарбий-сиёсий вазиятини меъёрлаштириш йўналишида икки томонлама ва кўп қиррали ҳамкорликлар, терроризм ва экстремизмга қарши курашни кучайтириш, давлат чегараси ҳимоясини мустаҳкамлаш ва томонларни қизиқтирган бошқа масалалар ҳам кўриб чиқилди. 

«Ховар» ТМАА.