Биз билан боғланинг:

   

Бизга қӯшилинглар

ХАБАРЛАР

СИЁСАТ

Муаллиф: Super user Категория: СИЁСАТ
Чоп этилган 01 Июн 2017 Кӯришлар: 497
Печат

 

birlik 2017 1Бугунги Ёвон асло чўлу саҳро, чексиз далалар оғуши эмас, балки ям-яшил боғлару улкан  саноат корхоналари савлат тўкиб турган ажиб бир маскан десак, муболаға бўлмас. Она-Тожикистоннинг бир парчаси бўлмиш бу ноҳияга пойтахтни боғлаб турувчи тоғ йўлидан келишингиз билан беихтиёр қалбингизга байрам таровати оқиб киради.

Тожикистон Ҳукумати, хусусан, Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг қўллаб-қувватлаши туфайли мислсиз ўзгаришларни бошдан кечираётган Ёвонга 2013 йилдан буён раислик қилиб келаётган зукко ва меҳрибон инсон Амирбеки Темур билан Хатлон вилояти миқёсида Миллий бирлик ва тотувликнинг 20 йиллигига бағишланган байрам тадбирларини ўтказишга тайёргарлик ишлари ҳақида суҳбатлашдик.

-Ҳурматли раис, байрамни ташкил этиш ва ўтказиш режалари ҳақида сўзлаб берсангиз…

-Миллий бирлик ва тотувликка эришиш байрами муқаддас ва айни замонда тарихий байрамдир. Бу тадбирнинг вилоят миқёсидаги тантаналари ноҳиямизда ўтказилиши эса, биз учун шарафдир. Ноҳия ҳукуматининг 2016 йил 27 октябрдаги 1003-рақамли қарори билан Миллий бирлик ва тотувликнинг 20 йиллигини кўтаринки руҳда кутиб олиш режасини тузиш имзоланди. Ноҳия ҳукумати кенгаши қарори билан камина байрамни ўтказиш ташкилий комиссияси раиси этиб сайландим. Комиссия раиси ўринбосарлиги ҳукумат раисининг ижтимоий соҳа бўйича ўринбосари Гулрухсор Саидзода зиммасига юклатилган. Комиссия котиблигини ҳукумат ижроия аппарати ўринбосари Эмомали Алимардонов олиб бормоқда.

-Муҳтарам Амирбеки Темур, ноҳияга ташриф буюрганимизданоқ, байрамона кайфиятни ҳис этдик. Аллақачон, анчагина ижтимоий, маданий ва маърифий чора-тадбирлар амалга оширилган кўринади…

-Албатта, ноҳия ҳудудидаги қишлоқларда барча маҳаллий радиоузел ва кабелли телевидение орқали анъанавий дастурлар билан бирга, Миллий бирлик ва тотувликнинг 20 йиллигига бағишланган махсус кўрсатувлар ва радиоэшиттиришлар олиб борилмоқда.

Тожикистон Ички ишлар вазирлигининг ноҳиямиздаги 6593-рақамли ҳарбий қисмида байрам тантаналарига бағишланган учрашув ўтказилди. Режага биноан, Хатлон вилояти ҳукуматининг 2017 йил 17 февралдаги 2-рақамли қарори асосида ташкил этилган «Маърифат карвони» маърифий ахборот тадбири, шунингдек, «Саломатлик карвони» тадбирлари ҳам бўлиб ўтди. Барча жамоат таркибидаги қишлоқларда 120 кун ободонлаштириш ишлари амалга оширилди. Жамоатлар орасида  «Намунали оила» конкурси, аҳолининг маърифий ҳуқуқини мустаҳкамлаш мақсадида суҳбатлар, шоир ва ёзувчилар билан учрашувлар, жамоат жойларда «Терроризм хавфидан огоҳлик» мавзуларида маърузалар, «Тожикистон Республикасида анъаналар, тантаналар ва урф-одатларни тартибга солиш тўғрисида»ги қонун юзасидан суҳбатлар ташкил қилинди. Ҳар бир жамоатда Тожикистон Республикаси Олий Кенгашининг тарихий XVI сессияси иштирокчилари билан учрашувлар олиб борилмоқда.

-Мамлакатимизда нишонланаётган барча тарихий байрамлар арафасида турли иншоотлар қурилиб, фойдаланишга топширилиши анъана тусига кириб қолган. Ноҳиядаги ана шундай бунёдкорлик  ишлари  ҳақида ҳам тўхталиб ўтсангиз…

-Тўғри, Ёвон Советлар ҳокимияти давридан саноатлашган ноҳиялардан бири эди. Муҳтарам Президентимиз истиқлолиятимизнинг 25 йиллик байрами арафасида бир қатор завод ва фабрикаларни фойдаланишга топшириш маросимларида иштирок этди.

Ноҳиямизда Миллий бирлик ва тотувликнинг 20 йиллигига бағишлаб бир қатор ижтимоий ва маъмурий бинолар қурилаётган бўлиб, байрам арафасида, жумладан, Даҳана жамоати ҳудудида 876 минг сомонийлик маблағ ҳисобига бир йилда 80 миллион дона қоп ишлаб чиқариш иқтидорига эга, 82 нафар кишини иш билан таъминловчи корхона, шу жамоат ифодасининг маъмурий биноси замонавий усулда қурилиб, фойдаланишга топширилиш арафасида турибди. Шунингдек, Ёвон шаҳарчасида 1 миллион 300 минг сомоний маблағ сарфланиб, 54 хонадан иборат тўрт қаватли яшаш биносининг якуний ишлари олиб борилмоқда. Ҳасан Ҳусейнов жамоатига қарашли Меҳробод қишлоғидаги 57-ўрта умумтаълим муассасасига қўшимча бир сменада 380 нафар ўқувчига мўлжалланган мактаб биноси қурилиши битказилади.

Байрам арафасида ноҳия марказидаги Расул Ражабов кўчасидан ўтадиган Ёвонсув дарёчаси устига ноҳия ҳукумати ва ишбилармонлар ҳамкорлигида кўприк қурилиши ҳам байрам совғаси бўлиб қолади.

- Байрам кунлари бўладиган асосий чиқишлар ҳақида ҳам қисқача маълумот берсангиз…

-Миллий бирлик байрами ноҳиямизнинг марказий ўйингоҳида бўлиб ўтиши кўзда тутилган бўлиб, бунинг учун барча шароитлар муҳайё қилинган. Ушбу тадбирларни ўтказишда Хатлон вилояти маданият бўлими ходимлари, халқ ҳунармандчилиги санъаткорлари, Ато Муҳаммаджонов номли вилоят мусиқали драма ва комедия театри актёрлари, вилоят опера ва балет ансамбли санъаткорлари раҳбарлигида 5000дан ортиқ иштирокчиларнинг мусиқий-маърифий чиқишлари саҳналаштирилган. Байрам тантаналарининг асосий  тайёргарлик машқлари ноҳия марказий ўйингоҳида ўтказилиб келинмоқда. Ўйлайманки, ушбу қутлуғ байрамни кўтаринки руҳда кутиб оламиз.

-Самимий суҳбатингиз учун ташаккур.

-Раҳмат, байрам кунлари ноҳиямизга марҳамат.

 

Суҳбатдош: Ҳайтали Боев,

«Халқ овози».

Украинанинг келажаги кандай?

Албатта тинчланади - 23.1%
Бу ғарб давлатларига боғлиқ - 15.4%
Буни Россия ҳал қилади - 23.1%
Украин халқи бирлашувига боғлиқ - 15.4%
Билмайман - 23.1%

Проголосовали: 13

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Яна 40 нафар аёл ишли бўлди

 

Энди Ашт ноҳияси умумтаълим муассасалари ўқувчилар кийимларига буюртма бериш учун бошқа шаҳар ва ноҳияларга боришмайди. Кийимлар ноҳия маркази - Шайдон шаҳарчасида янги иш бошлаган тикувчилик цехида тикилади. Шунингдек, маҳаллий чеварлар ҳарбийлар, шифокорлар учун ҳам либослар тикиб беришади.

Янги тикувчилик корхонаси маҳаллий тадбиркор Пўлат Ашуров

Муфассал...

Дўстлик – илоҳий муҳаббат дебочаси

 

Дўст дўстдир қилмиши билан,

Дўст эмас дўстингман дейиши билан.

Яхши дўст айбингни мисоли кўзгу,

Юзингга рўбарў, очиқ айтади.

Ёмони тароқдек минг тили билан,

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
510620

ӮҚУВЧИЛАР СОНИ

2351021
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1355
2162
16371
2320138
44858
62133
2351021

Сизнинг IPнгиз: 34.236.216.93
Бугун: 20-10-2019 03:00:51

ҲАМКОРЛАР

 

 

   

2015