Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 29 Июл 2016 Кӯришлар: 546
Печат

 

dangaraХатлон вилояти раиси Давлатшоҳ Гулмаҳмадзода Данғара ноҳияси аҳолиси билан учрашув ўтказди. Ноҳия фуқаролари турмушларидаги муаммолар юзасидан вилоят раисига саволлар билан мурожаат қилишди. Давлатшоҳ Гулмаҳмадзода уларнинг саволларига атрофлича жавоблар қайтарди.

Жумладан, Корез қишлоқ жамоати ҳудудида тиббий пункт қурилиши тўғрисидаги саволга жавоб берган вилоят раиси қуйидагиларни таъкидлаб ўтди.

- Аҳолининг ижтимоий муаммоларини ҳал этиш, жумладан, маҳаллаларда тиббий пунктлар қуриш масаласи республика ва вилоят ҳукуматлари диққат марказидаги асосий масалалардан биридир, - деди Д. Гулмаҳмадзода. – Албатта, Корез қишлоқ жамоати ҳудудида тиббий пункт қуриш масаласида ҳам барча имкониятлардан фойдаланамиз, яқин орада бу масала ўз ечимини топади. 

Ноҳия ички автомобил йўллари таъмири масаласида, вилоят раиси ноҳия тараққиёт дастури доирасида инвестициялар жалб қилиш лозимлигини яна бир марта эслатиб ўтди. Шунингдек, маҳаллий тадбиркорлар ҳамда давлат ҳокимияти маҳаллий ижроия органи бу муаммога жиддий ёндашишлари лозимлиги, йўл қурилиши ва таъмири катта маблағ талаб этиши ҳеч кимга сир эмаслиги айтиб ўтилди.

Шунингдек, Лолазор қишлоқ жамоатида яшовчи Тўхтамиш Муқимовнинг аҳолини ўз вақтида ичимлик суви билан таъминлашда қувурлар ётқизиш масаласидаги саволига Д. Гулмаҳмадзода аниқ-равшан жавоб қайтарди.

- Мавжуд 6 километр қувурлардан 4 километри таъмирдан чиқарилди, қолган қисми ҳам яқин орада таъмирланади, - деди вилоят раиси.

Учрашувда чўмилиш ҳовузлари тўғрисида савол берилди.

- Айни пайтда маҳаллий тадбиркорлар ташаббуси билан ноҳияда иккита чўмилиш ҳовузлари қурилиши якунига етказилмоқда, - деди Д. Гулмаҳмадзода. – Келгусида ҳам бу йўналишда ишлар олиб борилади.

Вилоят раиси Давлатшоҳ Гулмаҳмадзода учрашув иштирокчиларига шундай учрашувлар жараёнида вилоят ҳукуматига бевосита боғлиқ бўлган масалалар юзасидан саволлар берилишини маслаҳат берди. Вилоят раиси айрим масалалар эса, ноҳия ҳукумати масъуллари томонидан ҳам ўз ечимини топиши мумкинлигини таъкидлади. Аммо баъзи ҳолатларда муаммолар суд органлари иштирокисиз ечимини топа олмаслиги ҳам қўшимча қилинди.

Сўнгра вилоят раиси Д. Гулмаҳмадзода ноҳия фаоллари билан йиғилиш ўтказди. Унинг жараёнида ноҳия ижтимоий-иқтисодий тараққиёти, давлат мустақиллигининг 25 йиллик юбилейига тайёргарлик масалалари юзасидан сўз юритилди.

Ердан фойдаланишда қонунбузарликлар

- Вилоят прокуратураси томонидан ердан ноқонуний фойдаланишни ошкор этиш йўналишида мақсадли ишлар олиб борилмоқда, - дейилди вилоят прокуратурасининг жорий йил олти ойлиги якунига бағишланган матбуот конференциясида.

Натижада, 97 нафар фуқаро интизомий жавобгарликка тортилган. Шунингдек, 197 киши моддий ҳамда 637 нафар фуқаро маъмурий жавобгарликка тортилганлиги қайд этиб ўтилди.

Ер қонунчилигини бузганлик учун 183та жиноий иш қўзғатилганлиги ҳам бу йўналишда ҳали бажарилиши лозим бўлган ишлар кўп эканлиги нишонасидир. Прокуратура ходимларининг  самарали фаолияти туфайли 1934 гектар ернинг илгариги ҳолати тикланган.

Масъулият ҳисси ошса…

Вилоят солиқ бошқармасида бўлиб ўтган матбуот конференциясида журналистларга жорий йил биринчи олти ойлигида мажбурий солиқ бўйича режалар бажарилганлиги маълум қилинди. Вилоят шаҳар ва ноҳияларида солиқ режаси 112,4 фоизга бажарилган.

- Фақатгина солиқ органлари ишини яхшилаш эмас, балки солиқ тўловчиларнинг ўз вақтида солиқларни тўлаш бўйича масъулиятларини ошириш ҳам ишнинг фойдасига хизмат қилади, - дейилди матбуот конференциясида.

 

Аҳолининг ҳимояга муҳтож табақаси

Айни пайтда Хатлон вилояти шаҳар ва ноҳияларида 220 минг 167 нафар нафақахўр истиқомат қилади.

Вилоят аҳоли ижтимоий ҳимояси ва нафақа агентлиги маълумотига кўра, нафақахўрларга нафақа пулларини ўз вақтида тўлаш юзасидан зарурий чора-тадбирлар кўрилмоқда.

Шуни ҳам қайд этиб ўтиш ўринлики, нафақахўрлар умумий сонининг 22,7 фоизини ногиронлар ташкил этади.

 

Авиарейслар сони ошади

Жорий йилнинг биринчи олти ойлиги якунига бағишланган матбуот конференцияси Кўлоб халқаро аэропортида ҳам бўлиб ўтди. Аэропорт раҳбариятининг маълум қилишича, айни пайтда Кўлоб халқаро аэропортида авиарейслар оширилиши масаласи ўрганиб чиқилмоқда.

- Жорий йил сентябр ойидан аэропортимиздан Россия Федерацияси бир неча шаҳарларига қўшимча рейслар очишни режалаштирмоқдамиз, - дейилди матбуот конференцияси жараёнида аэропорт раҳбарияти томонидан. – Бунинг учун биз барча имкониятларни ишга соламиз.

Шунингдек, аэропорт раҳбарияти айрим муаммолар ечимини транзит рейслар ташкил қилиш билан ҳал этишмоқда.

Айни пайтда Кўлоб халқаро аэропортида самолётлар қабули ва жўнатилиши учун барча шароитлар муҳайё этилганлиги матбуот конференцияси жараёнида қайд этиб ўтилди.

 

Жамият ташкилотлари фаолияти

Вилоят Адлия бошқармаси маълумотига кўра, айни пайтда 451 жамият ташкилотлари қайддан ўтган. Улардан 11таси мамлакат Адлия вазирлиги қайдидан ўтган бўлса, 75 ташкилот расмий равишда фаолиятини тўхтатган.

- 2016 йилнинг 1 июлигача бўлган маълумотларга кўра, Хатлон вилоятида 365та жамият ташкилоти фаолият юритмоқда, - деб маълум қилинди вилоят Адлия бошқармасидан.

Шунингдек, 2016 йилнинг олти ойи бадалида Адлия бошқармаси мутахассислари томонидан корхона, ташкилот ва муассасаларда 400 марта учрашувлар ташкил қилиниб, уларда қонунлар моҳияти юзасидан суҳбатлар уюштирилган.

 

Ўз мухбир.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

Ёшлар тарбияси – саодатли келажак омили

 

Ўтган 2018 йил ноҳиямиз маориф соҳасида кўзга кўринарли ютуқларга эришилди. Тинчлик ва миллий бирлик асосчиси – Миллат пешвоси, Тожикистон Республикаси Президенти муҳтарам Эмомали Раҳмоннинг Тожикистон Республикаси Олий Мажлисига йўллаган Паёмида белгиланган вазифалар, ёшлар таълим-тарбиясида бажарилиши лозим бўлган кўрсатмалар ижроси юзасидан фаолият олиб бориб, ноҳиямиз умумтаълим муассасалари тарбияланувчилари

Муфассал...

ЗАРАРЛИ ҲАШАРОТ ВА КАСАЛЛИКЛАРГА ҚАРШИ КУРАШИШ УСУЛЛАРИ

 

Пахта қишлоқ хўжалигининг асосий экини ҳисобланади. Сўнгги йилларда мамлакатда соҳа тараққиётига жиддий аҳамият бериб келинмоқда. Ўз вақтидаги агротехник тадбирларининг йўлга қўйилиши натижасида пахта яхши ҳосил бермоқда. Лекин пахтанинг интенсив ўсиши пайтида зарар етказувчи ҳашаротлар ва касалликларга қарши ўз вақтида курашмаслик сифатли ҳосил олиш учун  жиддий тўсиқ туғдиради. Бу борада ўсимликларни зарарли организм

Муфассал...

СТАТИСТИКА

Сайтга кирганлар
1
Мақолалар
787
Мақолаларни кӯрганлар сони
470608

ӮҚУВЧИЛАР СОНИ

2233097
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
868
2019
13140
2208014
40089
46701
2233097

Сизнинг IPнгиз: 34.204.179.0
Бугун: 25-08-2019 13:57:53

ҲАМКОРЛАР

 

 

   

2015