Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 11 Декабр 2018 Кӯришлар: 1896
Печат

 

vose 2018Тожикистон Республикаси Бош вазири Қоҳир Расулзода Хатлон вилоятининг Восе ноҳиясига хизмат сафари билан ташриф буюрди. Унинг иштирокида бир қатор иншоотлар, жумладан, асфалт ишлаб чиқариш корхонаси ҳамда Ер идораси биноси фойдаланишга топширилди.

Асфалт ишлаб чиқариш корхонаси Япония Ҳукумати ҳамкорлигида бунёд этилган бўлиб, тўлиқ замонавий ускуналар билан жиҳозланган. Ушбу корхона

ишлаб чиқариш иқтидори юзасидан минтақадаги катта корхоналардан бири саналиб, Худоёр Ражабов номидаги қишлоқ жамоатига қарашли Кафтархона қишлоғида қурилган. Корхона қурилиши учун ушбу маскан танланишига бу ерда тош ва қум фаровонлиги сабаб бўлган.

 

Машҳур чойхона қайта тикланди

Собиқ Иттифоқ даврида Кўлоб минтақасида «Бунафша» чойхонаси мижозлар ўртасида анчайин машҳур маскан ҳисобланарди. Ўтган асрнинг тўқсонинчи йилларидан сўнг бу ҳордиқ маскани таназзулга юз тутди.

Ўлкамизда бунёдкорлик ва ободончилик ишлари кенг миқёсда йўлга қўйилгач, маҳаллий тадбиркорлар томонидан «Бунафша» замонавий хизмат кўрсатиш мажмааси қайта тикланди. Мажмаа атрофи гулзорга айлантирилганлиги, чойхона пештоқида турли йирик паррандалар қафасларининг ўрнатилганлиги бу жойни кўнгилочар масканга айлантирди. «Бунафша» хизмат кўрсатиш мажмаасида эндиликда бир қатор хизмат кўрсатиш, савдо нуқталари, меҳмонхона ва бошқа кўнгилочар муассасалар ўрин олган.

Ноябр ойи охирида тантанали вазиятда фойдаланишга топширилган «Бунафша» хизмат кўрсатиш мажмааси Восе ноҳияси маркази – Ҳулбук шаҳарчасида, «Кўлоб-Душанбе» автомобил йўлининг ўнг томонида жойлашган ва ҳамиша мижозлар хизматига тайёр масканга айланган.

 

Юбилей иншоотлари қурилмоқда

Левакант шаҳри раиси Санавбар Самизода Тожикистон Республикаси давлат мустақиллигининг 30 йиллик юбилейи муносабати билан «Гулистон» қишлоқ жамоатида қурилиши давом этаётган бир қатор иншоотларга ташриф буюрди.

Дастлаб шаҳар раиси маҳаллий тадбиркор Абдураҳим Ҳақназаров томонидан бунёд этилган спорт майдончасини бориб кўрди. Шаҳар раисига «Гулистон» қишлоқ жамоати раиси С. Ҳалимзода ва бошқа масъул кишилар ҳамроҳлик қилишди.

- Келгусида мазкур майдонча атрофида қаҳвахона, нонвойхона, гўшт сотиш дўкони ва кийим-кечак ювадиган цех бунёд этишни режалаштирганмиз, - деди тадбиркор А. Ҳақназаров. – Мазкур хизмат кўрсатиш нуқталари Наврўз байрами арафасида фойдаланишга топширилиши режалаштирилган. Шунингдек, келгусида бу мавзеда икки қаватли замонавий овқатланиш нуқтаси, меҳмонхона ва ҳаммом қурилиши кўзда тутилган. Мазкур иншоотлар фойдаланишга топирилса, маҳаллий аҳолидан 15 нафари доимий иш жойи билан таъминланади.

Сўнгра С. Самизода маҳаллий тадбиркор Илҳом Ҳотамов томонидан бунёд эталаётган болалар боғчасида бўлиб, қурилиш ишларининг сифатли бажарилиши юзасидан тегишли топшириқлар берди.

Шунингдек, Левакант шаҳри раиси С. Самизода «Хуррамдеҳ» қишлоғи ҳудудида «Бўстон» чорвачилик фермаси заминасида бунёд этилаётган сут ишлаб чиқариш корхонаси қурилиши билан танишди.

 

Протез-ортопед заводи фойдаланишга топширилди

Кўлоб шаҳри раиси Хайрулло Амонулло, Тожикистон Республикаси Соғлиқни сақлаш ва аҳолини ижтимоий ҳимоялаш вазири ўринбосари Қудратулло Қурбонов, Душанбе шаҳри Протез-ортопед давлат корхонаси Протез-ортопед бўлими бошлиғи Бахтиёр Рустамов, Япониянинг Тожикистондаги Фавқулодда ва мухтор элчиси Хажиме Китаока, «Қизил хоч» халқаро ташкилотининг Тожикистон Республикасидаги ваколатхонаси бошлиғи Клаудия Азолинилар иштирокида Кўлоб шаҳрида протез-ортопед заводи фойдаланишга топширилди.

- Кўлоб шаҳрида 6 минг, Кўлоб минтақасида 14 минг, республика бўйлаб эса, 148 минг нафар имконияти чекланган фуқаролар бор, - деди Хайрулло Амонулло сўзга чиқиб. – Мазкур корхонанинг ишга туширилиши ногиронларни протез ва артез, ногиронлик аравачалари билан тамъинлашда катта имконият туғдиради.

Корхонада учта ишлаб чиқариш цехи мавжуд бўлиб, уларда протез, махсус ортопед пойафзал ҳамда ҳаракатланувчи воситалар ишлаб чиқарилиши йўлга қўйилган.

Ногиронлар Тожикистон Республикаси Соғлиқни сақлаш ва аҳолини ижтимоий ҳимоялаш вазирлигининг Тиббий ташхис давлат хизмати хулосаси асосида аравача, қўлтиқтаёқ ва бошқа зурурий жиҳозлар билан таъминланади. Корхонада 14 нафар мутахассис доимий иш жойига эга бўлишди.

 

Ўз мухбир.

КАЛЕНДАР

« Сентябр 2025 »
Дш Сш Чш Пш Жм Шб Яб
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

МАҚОЛАЛАР

Соч толаларидек беҳисоб ҳасанот

 

Ёхуд етимлар ҳақини адо этиш хусусида

Рамазон - савоб ишлар қилинадиган ой. Айни шу муборак кунларда етимларга меҳр-мурувват кўрсатган инсонлар учун ҳам савоб эшиклари очилади.

У ҳам тугамоқда. Ҳадемай ҳайит. Демак, яхшилик қилиш учун ҳар лаҳза ғанимат…Мамлакатимиз тобора ободонлашиб, тинч диёримизда эл фаровонлиги яхшиланиб бормоқда. Тўкинчилик, қайси бир хонадонга кирманг, дастурхони

Муфассал...

Шифо ёғдуси-ла нурафшон маскан…

 

Ҳар бир жамиятнинг ҳам ижтимоий, ҳам иқтисодий равнақ топишида соғлом инсон омили етакчи манбалардан ҳисобланади. Зеро, соғлом одам жамият механизмини ҳаракатга келтирувчи, унинг обод бўлишида, ривожу равнақ топишида муҳим рол ўйнайдиган асосий кучдир.

Тожикистон Республикаси Ҳукумати олиб бораётган ижтимоий сиёсатнинг етакчи йўналишларидан бири соғлом турмуш тарзи яратиш

Муфассал...

СТАТИСТИКА

Сайтга кирганлар
1
Мақолалар
872
Мақолаларни кӯрганлар сони
2201735

ӮҚУВЧИЛАР СОНИ

8620072
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
3423
3500
6923
8588587
56176
117875
8620072

Сизнинг IPнгиз: 216.73.216.160
Бугун: 16-09-2025 17:09:30

ҲАМКОРЛАР

 

 

   

2015