Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 18 Июл 2018 Кӯришлар: 445
Печат

 

paxta 2018Вахш водийси қишлоқ хўжалиги маҳсулотлари етиштириш учун республикамиздаги энг қулай иқлим шароити ҳамда серунум ерлари мавжуд минтақа ҳисобланади. Балки шундандир, халқ орасида Вахшни олтин водийга қиёслашади. Водийнинг меҳнаткаш деҳқонлари табиий имкониятлардан самарали фойдаланиб, қишлоқ хўжалиги маҳсулотларини етиштиришда ҳамиша пешқадамликни қўлдан бермай келишмоқда.

Хатлон вилоятининг “Дўстий” (собиқ Жиликўл) ноҳияси деҳқонлари азалдан ўз самарали меҳнатлари билан донг таратиб келишган.

Ноҳиядаги Калинин номли колхозда 30 йилдан ортиқ саркорлик қилган деҳқон, Меҳнат Қизил Байроқ, Октябр Революцияси ва бошқа бир қатор орден ва медаллар совриндори, Тожикистон пахта устаси Ҳазратқул Аннаевнинг фаолияти ёшларимизга ибрат мактаби бўлади. У киши саркорлик қилган йилларда, ҳар бир гектар майдондан 40 центнер ва ундан ошириб “оқ олтин” хирмони яратганлигини бугун сафдошлари ифтихор билан эслашади. Ўтган асрнинг 70-йиллари Тожикистон Коммунистик Партияси Марказий Комитети Биринчи котиби Жаббор Расулов шахсан ўз қўллари билан Ҳазратқул Аннаевга мукофот тариқасида “Волга” – ГАЗ-24 автомобилини берганлиги ҳам у кишининг қаҳрамонона меҳнатларининг исботидир.

Ҳақиқий эл оғасига айланган Ҳазратқул ота пахта ҳосилдорлигини оширишга эришишдан ташқари, қишлоқ аҳолиси турмуш даражасини яхшилаш ва ободончилик борасида ҳам савобли ишларни амалга оширган эди.

Таъкидлаш жоизки, саркор ташаббуси билан “Авлиё узун ота” қадамжойида ҳашар усулида масжид биноси тез фурсатда қурилган. Сўнгги йилларда, келаётган зиёратчиларнинг ортиши юртбошимизнинг қишлоқларни ободонлаштириш, тарихий қадамжолар, халқимизнинг анъана ва миллий урф-одатлари, Наврўз байрами, Қурбон ва Рамазон ҳайитларини нишонлашга катта йўл очиб берганлигидир.

Халқ орасида кенг тарқалган маълумотларга кўра, туркман қавмининг собиқ Жиликўл ноҳияси ҳудудида муқим ўрнашиб қолганига 360 йилдан ошган экан.

Айни пайтда “Дўстий” ноҳиясига қарашли Гарди Гулмуродов қишлоқ жамоатининг аҳолиси 14 минг 400 нафардан ошиб кетган. Бу ерда туркман, тожик ва ўзбек халқлари бир ёқадан бош чиқариб, мустақил юртимизнинг равнақига ҳалол меҳнатлари билан ўз ҳиссаларини қўшиб келишмоқда.

Бу ернинг иқлими анор етиштириш учун қулай, қайси хонадонга кирманг, томорқасида бу мева дарахтларига кўзингиз тушади. Йилнинг қайси фаслида меҳмон бўлишингиздан қатъий назар, бошқа сархил мевалар қаторида табиатнинг бу неъмати, албатта, дастурхонга қўйилади.

Қишлоқ жамоати худудида Туркманлар маданият маркази ташкил этилган бўлиб, унинг асосий мақсади: туркман халқи миллий анъаналари, қадриятларини сақлаш ва авлодларга етказиш ҳисобланади. Ўз вақтида машҳур дуторчи, марҳум Ақмурод Мамедов раҳбарлигидаги ҳаваскор санъаткорлар ансамбли Наврўзи олам, Истиқлол байрамлари ва республика кўрик-танловларида маҳорат билан миллий санъатларини намойиш этишган.

От изини той босар, деганларидек Ҳазратқул оғанинг ўғли Чорибой Аннаев 15 гектар майдонга эга деҳқон хўжалиги ташкил қилган. Деҳқон хўжалиги падари бузрукворлари – Ҳожи Ҳазратқул номи билан юритилади.

- “Ер - бойликнинг онаси, меҳнат - унинг отаси” - деганларидек, деҳқончилик сирларини отасидан ўрганган Чорибойнинг ўтган йилги деҳқончилиги натижаси чакки бўлмади. Пахта, ғалла, полиз ва сабзавот маҳсулотларидан кўнгилли хирмон кўтарди.

- Кузда сифатли шудгор қилинган ерга жорий йилда 1 гектар буғдой, 1 гектар эртапишар пиёз, полиз экинлари ва сабзавот етиштирилмоқда. Бу маҳсулотлар етилса, аъзоларимни маош ҳисобида рағбатлантираман, - дейди саркор Ч. Аннаев.

Айни пайтда 9 гектар пахта майдондаги ғўза ягана ва чопиқдан чиқарилган ҳамда гектар бошига 150 килограммдан минерал ўғит берилди. Бир неча марта суғорилган ғўзалар кўкка бўй чўзмоқда.

Ёш тадбиркор Чори саркорнинг ёнида қўш билакли хўжалик аъзолари – Олтибой Ўрозов, Турсунали Ҳайитҳизратов, Холмо Шоназарова ва Ўғилберди Қурбоновалар меҳнат қилишади.

Ёш тадбиркор ва миришкор деҳқон Чори Аннаев бошлиқ хўжаликда жорий йилда ҳам баракали хирмон кўтарилишига ишонамиз.

 

Давронбек Каримов, Дўстий ноҳияси.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Насрдаги туйғулар

 

МУАЛЛИМА

Яқинда сизни учратиб қолдим. Ўқувчиларингиз орасида ёшариб кетгандайсиз. Сизни кўрдим-у болалигим ёдимга тушди. Дарсни:

-Болажонларим, деб бошлардингиз. Ўйинқароқ  эдик, сизни кўпинча койитиб қўйсак-да, кенг феъл, меҳрибон нигоҳ билан бизга сабоқ беришни давом эттирардингиз. Мулойим овозингиз ҳали-ҳануз қалбимда акс-адо бериб турибди. Биринчи ўқитувчимга, деб олиб борган даста гулларим  кўз ўнгимда.

Кейин йиллар ўтди. Сўнгги қўнғироқнинг жарангдор садоси юрагимизга жо бўлди. Беғубор болалик, ўсмирлик даври ортда қолди. Сиз каби устозлар дуоси билан мустақил ҳаётга дадил қадамлар қўйдик, муаллима.

Мана кеча сизни учратиб қолдим.  Ширинтой болажонларингиз атрофингизда парвона.

...Мен шу лаҳза ўз болалигим билан учрашгандай бўлдим.

 

ШАМОЛ ВА МУСИЧА

Шамолнинг қаҳри – қаттиқ. Бунча ҳам қаттиқ эсмасанг, деб ёлборарди мусича, ахир инимни бузиб, полапонларимни…

Мусичанинг илтижолари зое кетди. У бузилган уяси атрофида бир-икки айланди-да, ерга қўнди. Ўлиб ётган полапонларига боқаркан, яна гир айланди. Шамол ҳамон қутурар, хас-чўпларни турли томонларга  учирарди.

Орадан вақт ўтиб, мусича яна жўжа очди. Шамол эсарди. Энди мусича унга парво қилмайди – шамолдан панада полапонларига меҳр билан емиш улашади. Шамол қанча ғазаб отига минмасин, мусича хотиржам болаларига андармон бўлади. Тоза ҳаводан тўйиб-тўйиб нафас оларкан, мусича: -Бир вақтлар сизлардай полапонларим, акаларинг бор эди, бу шамол…- деб қўяди ғу-ғулаб. Ва панароқда ин қурганидан хурсанд бўлади. 

 

Раҳмат БЕК.

БОШ МУРАББИЙ ИСТЕЪФОСИ

 

Тожикистон миллий терма жамоаси бош мураббийи Ҳаким Фузайлов эгаллаб турган вазифасидан истеъфо берди.

«Осиё кубоги-2019» турнири гуруҳ босқичининг сўнгги тур ўйинида мамлакатимиз бош жамоаси филиппинлик футболчиларга 1:2 ҳисобида имкониятни бой берди ва қитъа биринчилиги мусобақаларида қатнашиш ҳуқуқидан маҳрум бўлди.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
508983

ӮҚУВЧИЛАР СОНИ

2346681
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
2578
2054
12031
2320138
40518
62133
2346681

Сизнинг IPнгиз: 35.175.191.168
Бугун: 18-10-2019 19:30:38

ҲАМКОРЛАР

 

 

   

2015