Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 02 Март 2018 Кӯришлар: 532
Печат

 

vsemu lichnomuХатлон вилояти маъмурий марказида Тожикистон Республикаси Миллий армияси ташкил топганлигининг 25 йиллиги нишонланди. Тантанада вилоят миқёсида жойлашган ҳарбий қисмлар хизматчилари, шаҳар ва ноҳиялар ҳарбий комиссариатлари шахсий ҳайъати ҳамда Қуролли кучлар фахрийлари иштирок этишди.

- Азиз Ватанимизда Миллат пешвоси муҳтарам Эмомали Раҳмоннинг саъй-ҳаракатлари ҳамда шарафли халқимизнинг иродаси туфайли, ўрнатилган тинчлик фазосида Миллий армиямиз 25 йилдан буён яхши шаклланган ҳарбий тизимга айланиб улгурди, - деди тантанада сўзга чиққан вилоят раиси Давлатшоҳ Гулмаҳмадзода. – Бугунги армиямиз шахсий ҳайъати ҳарбий интизоми тартибли, мустаҳкам иродали ҳамда замонавий малака ва билимлар соҳиби бўлган қудратли кучдир. Қуролли кучларимиз Ватанимизнинг мустаҳкам қалқони эканлигига халқимиз ишонади.

Йиғилишда бир гуруҳ ҳарбий хизматчилар, вилоятнинг шаҳар ва ноҳиялари ҳарбий комиссариатлари бошлиқлари Хатлон вилояти раиси, Тожикистон Республикаси Мудофаа вазирлиги ҳамда вилоят ҳарбий комиссариати ифтихорномалари билан тақдирландилар.

 

Ижтимоий-иқтисодий тараққиётга бағишланган семинар-машғулот

Бохтар шаҳрида Тожикистон Республикаси Иқтисодий тараққиёт ва савдо вазирлиги ишчи гуруҳи иштирокида «Тожикистон Республикасининг 2019 йил учун ижтимоий-иқтисодий тараққиёти дастурини ишлаб чиқиш ва унинг 2020-2021 йиллардаги асосий параметрларини аниқлаш бўйича» семинар-машғулот ўтказилди.

- 2017 йил Хатлон вилояти иқтисодий соҳасида катта ютуқлар қўлга киритилди, - деди семинарда сўзга чиққан вилоят раиси ўринбосари Ражабали Ражабов. – Қишлоқ хўжалиги маҳсулотлари етиштириш ошиб, илгариги йилларга нисбатан четга чиқариш кўрсаткичи юқори бўлди.

Унинг айтишича, ижтимоий-иқтисодий тараққиёт дастурини ишлаб чиқишда соҳа масъуллари фаоллик кўрсатишлари зарур. Зеро, уларнинг тўғри ва асосли таҳлиллари барча соҳаларнинг келгуси тараққиёти учун хизмат қилади. Семинар-машғулотга вилоятнинг барча шаҳру ноҳияларидан мутахассислар жалб қилинганди.

- Шундай семинар-машғулотлар вилоятнинг бошқа минтақаларида ҳам ўтказилиши режалаштирилган, - деди Р. Ражабов.

Шуни ҳам таъкидлаш ўринлики, семинар-машғулот ишида шаҳар ва ноҳиялар раҳбарларининг соҳавий ўринбосарлари, вилоят ташкилот ва муассасалари иқтисод соҳаси мутахассислари иштирок этишди.

 

Хатлонда бешта лойиҳа якунланди

Япониянинг Тожикистон Республикасидаги миссияси бошлиғи ўринбосари жаноб Томохиро Накагаки Хатлон вилоятида иш сафарида бўлди. Мазкур сафар жараёнида жаноб Томохиро Накагаки Япония Ҳукуматининг «Аҳоли кенг қатламлари учун қайтариб олинмайдиган ёрдам ва инсонпарварлик хавфсизлиги дастури» (GGP) доирасида амалга оширилган бешта лойиҳа якунланиши тадбирларида иштирок этди.

Хуросон ноҳиясида жаноб Томохиро Накагаки ноҳия раиси Раҳматулло Сафарзода билан «Хуросон ноҳиясидаги Ғаллаобод қишлоқ жамоатининг Меҳнатобод қишлоғидаги 8-ўрта умумтаълим муассасаси биносини қайта қуриш лойиҳаси»нинг якунланиши маросимида қатнашди. Мазкур лойиҳа доирасида Япония томони Хуросон ноҳияси маҳаллий ҳокимиятига 82 минг 154 АҚШ доллари миқдорида маблағ ажратганди.

***

«Қўрғонтепа шаҳрида Аёлларни қўллаб-қувватлаш маркази қурилиши ва уни жиҳозлаш лойиҳаси» учун 82 минг 260 АҚШ доллари миқдоридаги маблағ «Дилафруз» жамиятига берилганди. Жаноб Томохиро Накагаки «Дилафруз» жамияти директори Райҳонгул Ҳақбердиева ҳамроҳлигида лойиҳа юзасидан бажарилган ишлар билан танишди.

***

Қабодиён ноҳияси раиси Зафар Файзуллозода ва жаноб Томохиро Накагаки «Қабодиён ноҳиясида ичимлик суви билан таъминлаш тизимини яхшилаш лойиҳаси»га бағишланган тадбирда иштирок этишди. Бу лойиҳа доирасида ажратилган 84 минг 216 АҚШ доллари Қабодиён ноҳияси маҳаллий ҳокимияти томонидан ноҳия марказини сув билан таъминлайдиган станциялар таъмири ҳамда аҳолини сув билан таъминлаш учун қувурлар ўрнатишга сарфланди.

***

Шунингдек, жаноб Томохиро Накагаки маҳаллий ҳокимият вакиллари иштирокида Шаҳритуз ноҳиясида амалга оширилган «Шаҳритуз ноҳияси Обшорон қишлоқ жамоатининг Ватан қишлоғидаги 29-ўрта умумтаълим муассасасининг мавжуд биноларини таъмирлаш ва бу ерда қўшимча бинолар бунёд этиш лойиҳаси» ҳамда Жайҳун ноҳиясида «Жайҳун ноҳиясининг Яккадин қишлоқ жамоати ҳудудидаги иккита кўприкни қайта қуриш лойиҳаси»га бағишланган тадбирларда қатнашди.

- Аҳолининг кенг қатлами учун қайтариб олинмайдиган ёрдам ва инсонпарварлик хавфсизлиги лойиҳаси Тожикистон Республикаси аҳолисининг турмуш даражасини яхшилашга қаратилган тадбирлар сирасига киради, - деди жаноб Томохиро Накагаки. – Тожикистон Республикаси ва Япония Ҳукуматлари ўртасидаги ҳамкорликлар натижасида, биз келгусида ҳам, шундай беғараз ёрдамларни давом эттириш ниятидамиз.

Ўз мухбир.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Тўҳматга тўланган тўлов

 

Эрталабдан банкда одатдагига қараганда одам кўп эди. Навбат кутиб, ўрта ёшлардаги киши билан суҳбатлашиб ўтирдик. Ёнимизда бир-икки киши ҳам бор эди, улар сабрсизлик қилиб, у ёқ-бу ёққа юргач, ташқарига чиқиб кетишди. Гапдан-гап чиқиб, унинг ёшлигида бошидан ўтган нохуш воқеа ҳақидаги ҳикоясини берилиб тингладим.

Бизга қўшни бир кекса киши бўларди. Соқоллари оппоқ, ҳаётнинг аччиқ-

Муфассал...

Ваҳдат: миллий бирликдан умумбашарий бирликка

 

Тожикистон мустақилликка эришгандан сўнг, юзага келган таҳликали вазият азиз Ватанимиз, тожик халқи ва миллий давлатни дунё харитасида эмин сақлашлик имконияти - миллий ғояга тарихий заруратни юзага келтирди. Демократия байроғи остида тўпланган айрим сохта "демократ"лар ўзларининг схоластик ғояларини сир тутган ҳолда, мамлакатда мавжуд осойишталикка рахна солиб, ўз манфаатлари йўлида бошбошдоқлик билан чет элдаги хожалари

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
510616

ӮҚУВЧИЛАР СОНИ

2351006
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1340
2162
16356
2320138
44843
62133
2351006

Сизнинг IPнгиз: 34.236.216.93
Бугун: 20-10-2019 02:57:04

ҲАМКОРЛАР

 

 

   

2015