Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 16 Январ 2018 Кӯришлар: 572
Печат

 

d gulmahmadzoda 2018Яқинда Хатлон вилояти раиси Давлатшоҳ Гулмаҳмадзода Япониянинг Тожикистондаги элчиси ўринбосари Тотомокиро Накагаки билан учрашди. Мулоқотда, шунингдек, Қўрғонтепа шаҳри раиси А. Исмоилзода ҳам қатнашди.

Учрашув жараёнида суҳбатдошлар икки томонлама ҳамкорликларни муҳокама этиб, ижобий баҳолашди.

- Вилоятнинг шаҳру ноҳияларида Япониянинг JICA – Халқаро тараққиёт агентлиги билан ҳамкорликда лойиҳалар турли соҳаларда ҳаётга татбиқ этилмоқда, - деди Д. Гулмаҳмадзода.

- Хатлонлик ҳамкорлар билан яна битта лойиҳа бўйича иш бошлаш режалаштирилган, - деди элчи ўринбосари.

 

Янги техникалар

Кўлоб шаҳри ва Восе ноҳияси меҳнаткашлари «Чорвачилик ва яйловларни ривожлантириш» лойиҳаси доирасида 22та МТЗ русумида тележкали тракторлар олишди.

Деҳқонларга янги техникаларни Хатлон вилояти раиси биринчи ўринбосари Қурбон Ҳакимзода тантанали тарзда топширди. У мазкур шаҳар ва ноҳия меҳнаткашларига муваффақиятлар тилади.

Ўз чиқишларида Кўлоб шаҳри ва Восе ноҳияси раислари Тинчлик ва миллий бирлик асосчиси – Миллат пешвоси, Тожикистон Президенти муҳтарам  Эмомали Раҳмонга қишлоқ хўжалигини ривожлантиришда кўрсатаётган ғамхўрликлари учун миннатдорчилик билдиришди.

***

«Чорвачилик ва яйловларни ривожлантириш» лойиҳасини бошқариш маркази Данғара ноҳияси Яйловлардан фойдаланувчилар ассоциациясига 33та қишлоқ хўжалиги техникалари тақдим этди.

«Чорвачилик ва яйловларни ривожлантириш» лойиҳасини бошқариш маркази маълумотига кўра, янги техникалар 24та МТЗ маркали трактор, 6та прицеп ва ғалла ўрувчи 3та комбайндан иборатдир. Манба маълумотига биноан, қишлоқ хўжалиги техникалари етишмаслигидан ассоциация дала ишларини ўтқазиш ва ҳосил йиғим-теримида муаммоларга дучор бўларди. Яқин келажакда мазкур ассоциацияга яна 9та трактор ва 5та прицеп ажратилиши кўзда тутилган.

Шуни ҳам таъкидлаш ўринлики, «Чорвачилик ва яйловларни ривожлантириш» лойиҳасини бошқариш маркази мазкур лойиҳани ҳаётга татбиқ этишнинг иккинчи даврасида Хатлон вилоятидаги тўртта ноҳия хўжаликларига 90та трактор, 50та прицеп, 4та комбайн ва 2та экскаватор ажратди.

 

Кенг кўламдаги ободонлаштириш ишлари

Хатлон вилояти шаҳру ноҳияларида кўкаламзорлаштириш ва ободонлаштириш тадбирлари бошланди.

Давлат ҳокимияти Хатлон вилояти ижроия органи Ахборот-таҳлил бўлимидан хабар беришларича, яқинда вилоят раиси ўринбосари Умеджон Зоҳирзода вилоят корхоналари ва муассасалари раҳбарлари билан мажлис ўтказди. Унда масъул шахсларга вилоят ҳудудида турли манзарали дарахтлар кўчатлари ўтқазиш ишларини бошлаш топшириғи берилди.

- Маслаҳатлар бериш учун вилоят Атроф-муҳитни ҳимоялаш бошқармасидан мутахассислар жалб қилинади, - деди У. Зоҳирзода. – Барча агротехник қоидалар ва иқлим шароити эътиборга олиниши лозим. Дарахт ва гул кўчатларини ўтқазиш учун вилоятда зарурий шароитлар муҳайё.

 

Курс тингловчиларига сертификатлар

Хатлон вилоятида «Аёл-бошлиқлар» курслари якунланди. Давлат ҳокимияти Хатлон вилояти ижроия органи Хотин-қизлар ва оила ишлари бошқармасидан хабар беришларича, курслар Тожикистон Республикасида раҳбар кадрларни тайёрлаш дастури доирасида давлат ҳокимияти Хатлон вилояти ижроия органи ва давлат ҳокимияти Хатлон вилояти ижроия органи Хотин-қизлар ва оила ишлари бошқармаси томонидан ташкил этилганди.

Ўтган 2017 йил давомида вилоятнинг олий ўқув юртлари ва коллежларидан 172 нафар талаба курснинг фаол тингловчилари бўлди. Уларга вилоятдаги турли соҳа раҳбар аёллари лекция ўқишди. Шунингдек, Хатлон вилояти раиси ўринбосари, фалсафа фанлари доктори, профессор Махфират Хидирзода ҳам сабоқ берди.

Қўрғонтепа шаҳрида курснинг 40 нафар фаол тингловчисига сертификатлар топширилди.

 

Ғолиблар аниқланди

Хатлон вилоятида Ёшлар билан ишлаш ва спорт бошқармаси томонидан талабалар ўртасидаги «Студент-2017» танлови якунланди. Мазкур танловни ўтказишдан асосий мақсад «2016-2018 йиллар учун Тожикистон Республикасида ёшларни ижтимоий ривожлантириш миллий дастури» ҳамда Ёшлар йилида олий ўқув юртлари ва коллежлар талабалари ўртасида турли тадбирларни йўлга қўйишни ҳаётга татбиқ этиш натижаларини якунлаш эди.

Танлов иштирокчиларига диктант ёзиш, рус ва инглиз тилидан тест топшириш вазифалари қўйилганди. Данғара ноҳиясида жойлашган Хатлон вилояти Тиббиёт университети иккинчи курс талабаси Бибисоро Комилова «2017 йил студенти», деб тан олинди.

Коллежлар ўртасида ғолибликни Носир Хусрав номли Қўрғонтепа шаҳри университети қошидаги Педагогика коллежи иккинчи курс талабаси Гулноза Муқимова қўлга киритди.

 

Ўз мухбир.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

ХОТИРАМДА ИН ҚУРГАН ҚАЛДИРҒОЧЛАРИМ

 

Мен туғилиб-ўсган қишлоқ, кичкина Ватаним – Ҳулбек жарлик тагида жойлашган. Кечга яқин кунботар томондаги қия тепалик виқор билан қишлоққа соя ташлайди. Шунданмикан, маҳаллий лаҳжада қишлоғимизни «Таижар», деб ҳам юритишади.

Раҳматли онам болалигимда Ҳулбек сўзининг маъносини қуйидагича шарҳларди: - «Бу жойлар ўтган аср бошларида Қизилсув дарёсининг ўзани

Муфассал...

ТИНЧЛИК БАЙРОҒИНИ БАЛАНД КЎТАРИБ…

 

Ўтган аср охирлари суронли йиллар эди. 1985 йили собиқ Иттифоққа М.С.Горбачёвнинг раҳбар этиб тайинланиши иттифоқдош республикалар бўйлаб ошкоралик, демократик элементларнинг ёйилишига олиб келди. Тожикистон ҳам бундан мустасно эмасди, албатта. Ўша пайтдаги ҳар бир сессия, қабул қилинаётган қарорлару кўриб чиқилаётган масалалар узоқ тортишувлар, баҳсу мунозаралардан кейингина, қабул қилинар эди.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
512441

ӮҚУВЧИЛАР СОНИ

2356811
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1879
2104
3983
2334650
50648
62133
2356811

Сизнинг IPнгиз: 3.227.249.234
Бугун: 22-10-2019 18:34:03

ҲАМКОРЛАР

 

 

   

2015