Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 08 Август 2017 Кӯришлар: 492
Печат

 

s karimzoda 2017- «Чорвачилик ва яйловларни ривожлантириш» лойиҳасини бошқариш маркази давлат муассасасининг мақсади Хатлон вилоятининг Темурмалик, Шамсиддин Шоҳин, Мўминобод, Балжувон ва Ховалинг ноҳияларини қамраб олган ҳолда, чорвачилик соҳаси маҳсулдорлигини ошириш воситасида озиқ-овқат хавфсизлиги ва 22 минг 400 камтаъминланган оила даромадини юксалтиришдан иборат,- деди «Чорвачилик ва яйловларни ривожлантириш» лойиҳасини

бошқариш маркази давлат муассасаси директори Саъдий Каримзода жорий йил биринчи ярми фаолияти якунига бағишланган матбуот анжуманида. 

Унинг таъкидлашича, қишлоқ аҳолисини иш жойи билан таъминлаш давлат ва мамлакат Ҳукумати алоҳида эътибор қаратаётган муҳим йўналишлардан бири саналади. Бу борада мазкур лойиҳани татбиқ этишнинг афзал жиҳати қишлоқ аёлларини қўллаб-қувватлаш ва уларни иш жойлари билан таъминлашга боғлиқдир. Бу йўналишда 780 нафар аёллар чорвачилик, асаларичилик, сут ва жунни қайта ишлаш соҳаларида қўллаб-қувватланиб, меҳнат билан қамраб олинди.

250 оила, умуман, 5000та товуқ ва уч ойга етадиган дон-дун билан таъминланди. Камтаъминланган оилалардан 450 нафар аёл 2250 бош қўй-эчки ҳамда чорва учун қишки озуқа билан таъминланди.

Жунни қайта ишлашга доир 15та ва сутни қайта ишлаш бўйича 10та аёллар гуруҳи таъсис этилди. Лойиҳа доирасида камтаъминланган оилалардан 13 нафар аёл 130та асалари оиласи, асаларини парваришлаш ва асални қайта ишлаш учун ускуналар билан таъминланди.

Умуман, юқорида зикр этилган ноҳияларда давлат сармоявий лойиҳаларини татбиқ этиш доирасида 1000дан зиёд доимий иш жойлари таъсис этилди.

Хўжаликларни техника билан таъминлаш ва камчиликларни бартараф этиш йўлида марказ томонидан «Чорвачилик ва яйловларни ривожлантириш» лойиҳаси биринчи босқичи татбиқи доирасида 133та трактор, 11та фронтал юк кўтариш крани, 2та экскаватор ва 840дан зиёд машина ускуналари, жумладан, прицеп, янчиш машинаси, мотоблок, чорва озуқасини йиғиштириш учун ускуна, турли ўт ўриш машиналари, омоч ва сихмолалар олиб, фойдаланишга топширилди.

Аҳоли чорваси зотини яхшилаш ва давлатнинг чорвачиликни ривожлантириш дастури ижросига ёрдам бериш учун зикр этилган ноҳияларда 510та ҳисорий зотли қўчқор ва 48 бош йирик шохли чорва харид қилиниб, улардан сўнгги икки йил мобайнида яхши зотли чорва олинди. Таҳлилларнинг кўрсатишича, зотли чорвалардан олинган насл вазн ва соғломлиги бўйича маҳаллий наслларга нисбатан афзалликка эга. Масалан, маҳаллий бузоқлар янги туғилганида 18-20 килограмм вазнга эга бўлса, зотли чорвадан олинган наслда бу кўрсаткич 25-32 килограммни ташкил қилади. Шунингдек, зоти яхшиланган чорванинг вазн олиши ҳам 20дан 30 фоизгача зиёддир. Агар маҳаллий чорвадан йилига 1600-1700 литр сут соғиб олинса, зотли чорвадан бир йилда 3000 литр сут олинади.

Ветеринария хизматини йўлга қўйиш мақсадида 24та ветеринария клиникаси қурилди ва зарур материаллар билан таъминланди.

Яйловларни қайта тиклаш учун 594 тонна минерал ўғит ва 109 тоннадан зиёд чорва озуқаси уруғи харид қилинди. Шу йўл орқали ноҳиялар яйловлари ҳолати яхшиланди.

Лойиҳа татбиқи бошланганидан буён марказ яйлов ва қишлоқлар инфратузилмасини яхшилаш йўлида қуйидаги ишларни амалга оширди:

- яйловларга олиб борадиган 22та йўл таъмири;

- чорва ўтадиган 14та  кўприк қурилиши;

- чорва турадиган 7та махсус жой (качар) ташкил қилиш;

- яйловларда чорвалар сув ичадиган 82та нуқта ташкил қилиниши.

«Чорвачилик ва яйловларни ривожлантириш» лойиҳаси иккинчи босқичи 2016-2021 йилларни ўз ичига олади.

-Тожикистон Республикаси Ҳукуматининг қўллаб-қувватловида лойиҳавий маблағи 24 миллион АҚШ долларини ташкил қилувчи «Чорвачилик ва яйловларни ривожлантириш» лойиҳаси татбиқининг иккинчи босқичи Хатлон вилоятининг бошқа бешта ноҳияси: Данғара, Восе, Ҳамадоний, Фархор ва Кўлоб шаҳри қишлоғида жорий йилда бошлангани қаноатмандлик боисидир. Умуман, лойиҳанинг биринчи босқичи татбиқида 23 мингдан зиёд оиланинг турмуш шароити яхшиланди. Татбиқи жорий йилда бошланган иккинчи босқичда чорвачилик соҳаси маҳсулдорлиги ва даромадини ошириш, яйловларни бошқариш воситасида озиқ-овқат ҳолатини яхшилаш ва 38 мингдан зиёд камтаъминланган оиланинг даромадини юксалтириш назарда тутилмоқда,- деди «Чорвачилик ва яйловларни ривожлантириш» лойиҳасини бошқариш маркази давлат муассасаси директори Саъдий Каримзода.

Г. Аюпова,

«Халқ овози».

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Халқ ҳунармандчилиги ривожланади

 

Халқ ҳунармандчилигини ривожлантириш мақсадида, «Тожикистон катта ёшдагилар таълим маркази» давлат муассасасининг Кўлоб шаҳри бўлими қошида уч ойлик қисқа муддатли ўқув курслари йўлга қўйилди. Бу ерда таълим олувчиларга тикувчилик, зардўзлик, қуроқ тикиш, атлас тўқиш, игна билан матога гул, кўрпача тикиш ва бошқа миллий ҳунарлар ўргатилмоқда.

Муфассал...

Тожикистон Республикаси Президенти Эмомали Раҳмоннинг БМТ телевидениеси рус хизматига берган интервюси

 

- Жаноби олийлари, ушбу кунларда, Тожикистон ва Марказий Осиёнинг бошқа мамлакатлари Наврўз байрамини нишонламоқда. Шу муносабат сабабли, Сиз ва Тожикистоннинг қадимий халқини байрам билан табриклаб, Сизга мустаҳкам соғлиқ ва муваффақиятлар тилашни истардим. 2009 йили Тожикистон ва бошқа бир қатор мамлакатлар БМТ Бош Ассамблеясининг 21 мартни халқаро Наврўз куни сифатида,

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
512465

ӮҚУВЧИЛАР СОНИ

2356872
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1940
2104
4044
2334650
50709
62133
2356872

Сизнинг IPнгиз: 3.227.249.234
Бугун: 22-10-2019 18:55:24

ҲАМКОРЛАР

 

 

   

2015