Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 18 Март 2017 Кӯришлар: 701
Печат

 

malikai navruz 2017 1Давлат ҳокимияти Хатлон вилояти ижроия органи Хотин-қизлар ва оила ишлари бошқармаси ташаббуси билан халқаро Наврўз байрами ҳамда Ёшлар йилига бағишлаб, вилоят шаҳар ва ноҳияларида «Наврўз маликаси» танлови икки даврда ўтказилди.

Танловнинг якунловчи босқичи Тожикистон Энергетика институти залида вилоятнинг 25 шаҳар ва ноҳиялари вакиллари иштирокида ташкил этилди.

Танлов якунига кўра, «Наврўз маликаси» бош соврини Данғара ноҳиясидан бўлган Бунафша Маҳмадиевага насиб этди. Шунингдек, Қўрғонтепа, Кўлоб, Сарбанд, Фархор, Вахш, Ҳамадоний, Жалолиддин Балхий, Восе, Хуросон ва Жайҳун шаҳру ноҳиялари вакиллари совринли ўринларни эгаллашди.

Танловда фаол иштирок этганлар ташкилий комитетнинг хотиравий туҳфалари билан тақдирланишди.

 

Кўчат ўтқазиш маъракаси

Миллий бирлик байрамининг 20 йиллигини муносиб кутиб олиш мақсадида, жорий йил бошидан Кўлоб шаҳрида дам олиш кунлари ҳашарлар ташкил этилиб, хиёбону кўчалар ҳамда маҳаллаларда манзарали дарахтлар кўчатлари ўтқазиб келинмоқда. Давлат ҳокимияти Кўлоб шаҳри ижроия органи режасига кўра, кўчат ўтқазиш мавсуми якунигача шаҳарда 40 минг туп манзарали ва сояли дарахт кўчатлари ўтқазилиш кўзда тутилган.

- Шаҳар маданият-истироҳат боғи ишчилари ҳашарга чиқишиб, боғнинг янги бунёд этилган қисмлари, жумладан, Давлат Герби олдида арча дарахти ва турли манзарали гуллар кўчатини ўтқазишди, - деди Кўлоб шаҳри раиси ўринбосари Саидмурод Исмоилзода.

Давлат ҳокимияти шаҳар ижроия органи ва тадбиркор аёл Гулсунби Иброҳимованинг берган маълумотларига кўра, шаҳарда гуллар дўкони ўз фаолиятини бошлади.

 

Матбуотчилар байрами тантанаси

Кўлоб шаҳрида Тожик матбуотининг 105 йиллигига бағишланган тантанали йиғилиш бўлиб ўтди. Йиғилишда Кўлоб шаҳри раиси Хайрулло Амонулло журналистларни касбий барамлари билан қутлаб, тожик матбуотининг жамиятдаги ўрни муҳим эканлигини таъкидлаб ўтди. Айниқса, матбуот ходимлари истиқлолият ютуқларини акс  эттиришда фаол эканликларини қайд қилди.

Шунингдек, йиғилишда таниқли журналистлар Турко Дикаев, Аҳмад Иброҳим, Зафар Мирзоён ва бошқалар сўзга чиқиб, матбуотчиларнинг бир асрдан ортиқроқ фаолияти тўғрисида  сўз юритдилар. Улар Миллат пешвосининг қалам аҳлига ғамхўрликларини алоҳида таъкидлашди.

Шаҳар раиси Хайрулло Амонулло журналистларга Ифтихорнома ва хотиравий совғалар топширди.

 

 Вилоятда янги журнал

Давлат ҳокимияти Хатлон вилояти ижроия органи ҳамда Хотин-қизлар ва оила ишлари бошқармаси ташаббуси билан «Бонувони Хатлон» журнали таъсис этилди. Журналнинг биринчи сони Оналар байрами ва Матбуот куни арафасида ўқувчилар қўлига тегди.

Давлат ҳокимияти вилоят ижроия органидан хабар беришларича, журналнинг илк сони 1000 нусхада чоп этилиб, келгусида унинг тиражи оширилади.

- Журнал вилоят аёллари ҳаётини инъикос этишда муҳим ўрин эгаллаб, аёлларнинг ҳамдами, ҳамрозига айланишига шубҳа йўқ, - деди вилоят Хотин-қизлар ва оила ишлари бошқармаси бошлиғи Раъно Раҳимзода.

 

Долзарб мавзулардаги йиғилишлар

Соғлом турмуш тарзини шакллантириш вилоят маркази мутахассислари «Ҳайати Шафақ» нодавлат ташкилоти билан ҳамкорликда Қабодиён ноҳиясининг Тахти Сангин қишлоқ жамоати ҳудудидаги «Авесто» қишлоғи аҳолиси ва деҳқон хўжалиги меҳнаткашларини жалб этган ҳолда, «Соғлом озиқ-овқат» мавзусида йиғилиш ўтказишди. Бу ҳақда давлат ҳокимияти вилоят ижроия органидан хабар берилди.

Шунингдек, Хатлон вилояти Репродуктив саломатлик маркази мутахассислари «Томирис» жамоатчилик ташкилоти билан биргаликда Қўрғонтепа шаҳрида меҳнат муҳожирлари оилалари ва аёллари билан учрашув ўтказишди. Манбанинг маълум қилишича, аҳолининг репродуктив саломатлик соҳаси бўйича хизмат кўрсатиш маърифатини ошириш мақсадида, «Бизнинг мусоҳаба» рукни остида мутахассис иштирокида маҳаллий телевидениеда махсус кўрсатув намойиш этилди.

 

Ўз мухбир.

КАЛЕНДАР

« Ноябр 2019 »
Дш Сш Чш Пш Жм Шб Яб
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

МАҚОЛАЛАР

Эл саломатлиги – давлат бойлиги

 

Яқинда газетамизнинг Жаббор Расулов ноҳиясидаги жамоатчи мухбири Муслима Ўлмасзода Рустам Бобоев билан учрашиб, бир неча саволларига жавоб олди. Қуйида суҳбат мазмуни билан танишасиз.  

- Рустам Асқарович, бир неча кундан сўнг, Тожикистон тиббиёт ходимлари байрами ва буюк олим, тиб илмининг даҳоси, аллома Абуали ибн Сино таваллуд  топган кун кенг нишонланади.

Муфассал...

Маҳбуба Камолова: -Миллийлик тарғиботида эркаклар ҳам масъул

 

Миллий либос тожиклар маданиятининг ажралмас қисми бўлиб, у бизга аждодларимиздан мерос қолган ва асрлар давомида шаклини ўзгартирган бўлса-да, ўзининг чиройлилиги ва кўркамлилигини сақлаб қолган. Афсуслар бўлсинким, бугун баъзи ёшлар, хусусан, хотин-қизлар миллий либослар ўрнини бошқа халқларга хос бўлган кийимларга алмаштириб, ёт маданиятга юз тутмоқдалар.

Муфассал...

СТАТИСТИКА

Сайтга кирганлар
1
Мақолалар
817
Мақолаларни кӯрганлар сони
525515

ӮҚУВЧИЛАР СОНИ

2398194
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
670
2483
5507
2379391
24147
67884
2398194

Сизнинг IPнгиз: 3.227.208.153
Бугун: 13-11-2019 05:25:18

ҲАМКОРЛАР

 

 

   

2015