Биз билан боғланинг:

   

Бизга қӯшилинглар

ХАБАРЛАР

МИНТАҚАЛАР

Муаллиф: Super user Категория: МИНТАҚАЛАР
Чоп этилган 18 Август 2016 Кӯришлар: 601
Печат

 

mahallaТожикистон Республикаси давлат истиқлолиятининг 25 йиллигига бағишлаб давлат ҳокимияти маҳаллий органлари ўртасида энг яхши шаҳар, ноҳия, шаҳарча, қишлоқ, маҳалла ҳамда намунали уй ва оила танловининг учинчи босқичи Хатлон вилояти танлов комиссияси томонидан якунланиб, ғолиблар аниқланди. Хатлон вилояти раиси аппарати ахборот ва таҳлил бўлимидан хабар беришларича, ғолибларга мукофот топшириш маросими Тожикистон Республикаси давлат истиқлолиятининг 25 йиллиги байрами арафасида ўтказилади.

Манбанинг маълумотига кўра, учинчи босқичда қуйидагилар ғолиб, деб топилди:

Намунали оила – Сафарали Ҳалимов оиласи, Бохтар ноҳияси, Исмоил Сомоний шаҳарчаси, Б. Иброҳимов кўчасидан; Гулаҳмад Сангов оиласи, Балжувон ноҳияси, Балжувон қишлоқ жамоати, Балжувон қишлоғидан – биринчи ўрин; Маҳмадшариф Шарипов оиласи, Ёвон ноҳияси, Ёвон шаҳарчасидан – иккинчи ўрин; Муҳриддин Мирзоев оиласи, Дўстий ноҳияси, Жиликўл қишлоқ жамоатидан – учинчи ўрин.

Намунали уй – Исмоил Рустамов уйи, Норак шаҳри, 3-манзил минтақаси, Известия кўчасида жойлашган; Абдураҳим Тоиров уйи, Жайҳун ноҳияси, Панж қишлоқ жамоати, Истиқлол қишлоғида жойлашган – биринчи ўрин; Абдулмўмин Ятимов уйи, Фархор ноҳияси, Фархор қишлоқ жамоати, Хуррамзамин қишлоғида жойлашган – иккинчи ўрин; Қурбон Латипов уйи, Абдураҳмон Жомий ноҳияси, Калинин қишлоқ жамоати, Обшорон қишлоғида жойлашган – учинчи ўрин. 

Энг яхши маҳалла – Кўлоб шаҳри, Исмоил Сомоний номли маҳалла; Мўминобод ноҳияси, Мўминобод шаҳарчаси, Исмоил Сомоний номли маҳалла – биринчи ўрин; Панж ноҳияси, Нури Ваҳдат қишлоқ жамоати, Пашор маҳалласи – иккинчи ўрин; Шамсиддин Шоҳин ноҳияси, Шўрообод қишлоқ жамоати, Сино номли маҳалла – учинчи ўрин.

Энг яхши қишлоқ – Хуросон ноҳияси, Фахробод қишлоқ жамоати, Ваҳдат қишлоғи; Темурмалик ноҳияси, Кангурт қишлоқ жамоати, Кангурт қишлоғи – биринчи ўрин; Қабодиён ноҳияси, Носир Хисрав қишлоқ жамоати, Қабодиён қишлоғи – иккинчи ўрин; Носир Хисрав ноҳияси, Фирўза қишлоқ жамоати, Баҳор қишлоғи – учинчи ўрин.

Энг яхши қишлоқ жамоати – Ховалинг ноҳияси, Ховалинг қишлоқ жамоати; Данғара ноҳияси, Лолазор қишлоқ жамоати – биринчи ўрин; Жалолиддин Балхий ноҳияси, Навобод қишлоқ жамоати – иккинчи ўрин; Восе ноҳияси, Рўдакий қишлоқ жамоати – учинчи ўрин.

Энг яхши шаҳарча жамоати – Данғара ноҳияси, Данғара шаҳарча жамоати.

Энг яхши ноҳия – Ёвон ноҳияси.

Энг яхши шаҳар – Қўрғонтепа шаҳри.

 

Саудиялик тадбиркорлар Панж дарёси соҳилларида

Саудия Арабистони қироллиги Тожикистонга соҳил мустаҳкамлаш ишларида ёрдамлашмоқчи. Шу мақсадда Шоҳ Салмоннинг Ёрдам ва инсонпарварлик ишлар маркази бир гуруҳ вакиллари инженер Аҳмад бин Али Ал-Без раҳбарлигида Тожикистонга келдилар.

Меҳмонлар ҳайъати Тожикистон Республикаси Ҳукумати қошидаги Мелиорация ва ирригация агентлиги раҳбарлари ҳамда масъуллари билан Душанбе шаҳрида учрашиб, Мир Саид Али Ҳамадоний ноҳияси ҳудудида Панж дарёси соҳилини мустаҳкамлаш ишларини муҳокама қилишди. Учрашув жараёнида Панж дарёсида сув тошқини хавфининг олдини олиш бўйича ҳамкорлик қилиш масаласи кўриб чиқилди.

Шоҳ Салмоннинг Ёрдам ва инсонпарварлик ишлар маркази вакиллари гуруҳи мамлакатимиз жанубига сафар қилиб, Мир Саид Али Ҳамадоний ноҳиясидаги Чўбекча сел ташлаш минтақаси ва Панж дарёси ўнг соҳилида соҳил мустаҳкамлаш ишлари ҳолати билан яқиндан танишишди. Меҳмонлар келгусида Панж дарёси ўнг соҳили соҳил мустаҳкамлаш ишларига кўмаклашиш истакларини изҳор этишди.

Тожикистон Республикаси Ҳукумати қошидаги Мелиорация ва ирригация агентлиги директорининг биринчи ўринбосари Абдулло Қурбонзода «Ховар» ТМАА мухбири билан суҳбатда маълум қилишича, Саудия Арабистони қироллигининг бир гуруҳ мутахассислари 2015 йилнинг охирида соҳил мустаҳкамлаш ишлари билан танишиш ва ёрдам бериш ниятида Тожикистонга келиб, Панж дарёси хавфли нуқталарини бориб кўрган эдилар.

 

«Ёшлар истиқлол меваси – Ватаннинг ишончли бунёдкорлари!» конференцияси

Тожикистон Республикаси давлат истиқлолиятининг 25 йиллигига бағишлаб Кўлоб шаҳридаги С. Айний номли кутубхонада «Ёшлар истиқлол меваси – Ватаннинг ишончли бунёдкорлари!»  мавзусида илмий-амалий конференцияси ўтказилди.

Мазкур тадбир Хатлон вилояти «Ватан бунёдкорлари» ёшлар жамият ташкилоти ва Тожикистон Халқ Демократик партияси Кўлоб шаҳри ижроия комитети ташаббуси билан ташкил қилинди. Конференцияда Кўлоб минтақаси шаҳар ва ноҳияларидан вакиллар иштирок этиб, давлат истиқлолиятини мустаҳкамлашда ёшларнинг ҳиссаси, давлат ва ҳукуматнинг ёшларни қўллаб-қувватлаш сиёсати ҳамда келгусида Ватанни янада ободонлаштириш юзасидан сўз юритишди.

Хатлон вилояти «Ватан бунёдкорлари» ёшлар жамият ташкилоти Тожикистон Республикаси давлат истиқлолиятига бағишлаб вилоятнинг барча шаҳар ва ноҳияларида шундай тадбирлар ташкил этишни режалаштирган.

 

Ўз мухбир.

КАЛЕНДАР

« Август 2019 »
Дш Сш Чш Пш Жм Шб Яб
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

МАҚОЛАЛАР

ПАХТА МАЙДОНЛАРИ КЕНГАЙТИРИЛАДИ

 

Тожикистон  Республикаси Ер бошқаруви ва геодезия давлат комитетининг ярим йиллик ҳисоботида келтиришича, жорий йилнинг биринчи ярмида ташландиқ ерлар ҳисобидан ўзлаштирилган 3 минг 463 гектар ердан 3 минг 407 гектар суғориладиган майдонга пахта экиш режалаштирилган. Бу ҳақда комитет раиси  Ражаббой Аҳмадзода маълум қилди.  Маълумотга кўра, 2017 йилнинг 21 июнигача республикамизнинг шаҳар ва ноҳияларида 173 минг 979

Муфассал...

Муҳтожларга кўмак…

 

Суғд вилоятида яшаётган 7600та камтаъминланган оилага, қаровчисиз яшаётган кишилар ва ногиронларга моддий ёрдам кўрсатилди. Мазкур кўмак Тинчлик ва миллий бирлик асосчиси - Миллат пешвоси, Тожикистон Президенти муҳтарам Эмомали Раҳмоннинг Рамазон ойида муҳтож инсонларга ғамхўрлик кўрсатиш, уларни моддий қўллаб-қувватлаш борасидаги кўрсатма ва топшириқлари асосида амалга оширилди.

Муфассал...

СТАТИСТИКА

Сайтга кирганлар
1
Мақолалар
782
Мақолаларни кӯрганлар сони
467233

ӮҚУВЧИЛАР СОНИ

2223266
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1600
1709
3309
2208014
30258
46701
2223266

Сизнинг IPнгиз: 3.226.251.205
Бугун: 20-08-2019 17:08:25

ҲАМКОРЛАР

 

 

   

2015