Биз билан боғланинг:

   

Бизга қӯшилинглар

ХАБАРЛАР

ХАБАРЛАР

Муаллиф: Super user Категория: ХАБАРЛАР
Чоп этилган 26 Феврал 2015 Кӯришлар: 1217
Печат

 

sizlarga ofarinШонли Миллий армия ташкил топганлиги 22 йиллиги муносабати билан айрим мулоҳазалар

1993 йилнинг 23 февралида ташкил топган Миллий Армиямиз бу йил ўзининг 22 йиллик санасини қайд қилди.

Мустақилликни қўлга киритган азиз Тожикистонимизга нотинч замонларда Миллий армия ташкил этиш зарурати туғилганди.

Ва бошқа республикалардан фарқли ҳолда, Тожикистон Миллий армияси ҳеч бир ҳарбий ва моддий базасиз, нолдан бошланган десак, хато қилмаган бўламиз. Дарҳақиқат, қийин эди, ўша йиллар…

Аммо, ватанпарвар, аҳдига содиқ, фидойи кишилар мамлакат Президенти муҳтарам Эмомали Раҳмон атрофида бирлашиб, кўриб турганимиздек, кучли бир Армияни бунёд эта олдилар.

Бугунги кунда ёшларимиз Қуролли кучларимиз барча ҳарбий қисмларида мағрур хизмат қилишаётирлар. Улар буни ўзларининг йигитлик ва фуқаролик бурчи, деб билишадилар.

Бунга Тожикистон Миллий хавфсизлик қўмитаси Давлат чегараларини қўриқлаш Бош бошқармасининг Шаҳристондаги чегара қисмида хизмат қилиб қайтган Абдусалом Саидовнинг сўзлари мисол бўла олади:

- Мен ўз хоҳишимга биноан она-Ватан хизматига боргандим, - дейди у ифтихор билан, - модомики, шу ватанда яшар эканмиз, модомики жаннатмакон юртимиз ҳавосидан нафас олар эканмиз, унга хизмат қилишга ҳамиша шаймиз. Хизматга келиб, илгари билмаган кўпгина касб сирларини билиб олдим. Ўйлайманки, билганларим ва ўрганганларим хизматдан сўнг ҳам асқотади. Инструктор-устозларимга минг раҳмат.

Собиқ аскар сўзларини эшитиб, хурсанд бўламан.

Армиямиз босиб ўтган машаққатли, бироқ шарафли йўл ҳақида ўйлай бошлайман. Тетапоя бўла бошлаган давлатимиз мустақиллиги илк онларидаёқ ички-ташқи душманлар ҳужумига учради. Аммо Миллий Армиямиз сафидаги ватанпарвар, садоқатли, фидойи ватандошларимиз ўз жонларини фидо қилиш эвазига бўлса-да, душманларга қақшатқич зарба бера олди. Офарин!

Бугунги осойишта кунлар ўз-ўзидан қўлга киритилмаганини барчамиз яхши биламиз. Шоир айтганидек, бу кунларга етганлар бор, етмаганлар бор…

Ҳа, бу йўлларда Ватанини ўз ҳаётидан устун қўйганлар ва хотираси қалбларда мангу яшаяжак мард ўғлонлар бор…

Дунёда бурчлар кўп. Назаримда, яна бир ниҳоятда муҳим бир бурч - Ватан мудофааси. Ҳа, шундай бурч бор -  Ватанни қўриқлаш!

Биз бугун ўз истиқлолиятининг 23 йиллигини нишонлаган, жаҳоннинг аксар давлати таниган ва эътироф этган озод мамлакат фуқаролари эканлигимиз ва азиз Тожикистонимиз ҳимояси учун ҳамиша шай қудратли Армиямиз – қўриқчимиз борлиги билан ҳақли равишда фахрланамиз.

Қуролли кучларимиз байрами нишонланаётган шу кезларда бу каби ифтихор туйғуси ва қалбларимизда чексиз бир ишонч янада кучая боради. Зеро, Сизу бизни кечани-кеча, кундузни-кундуз демай қўриқлайдиган, ҳар қандай ёв қаршисига жасорат билан, шахдам қадамлар ила бора оладиган ва ҳар қандай душманга қақшатқич зарба бера оладиган Миллий Армиямиз бор!

 

С. АБДУЛЛО.

КАЛЕНДАР

« Октябр 2019 »
Дш Сш Чш Пш Жм Шб Яб
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

МАҚОЛАЛАР

Сохта гадолик ёки...

Баъзи кишиларга ҳайрон қоласан. Уларнинг қилаётган хатти-ҳаракатлари одамни ўйга толдиради.

Амалиёт ўташ мақсадида, «Шарқи озод» газета ва журналлар мажмуасига келар эканман, Давлат цирки кўприги муюлишида турган 25-30 ёшлар чамаси бир йигитга кўзим тушди. Йигитнинг қўл-оёғи соғ, билагида тоғни уриб, талқон қиладиган кучи бўлишига қарамай, тиланчилик қилиб ўтиргани аянчли ҳолат

Муфассал...

Ватанга хизмат – олий саодат

 

Ўз ихтиёри билан ҳарбий хизматга отланган йигитлар сафининг йилдан-йилга кенгаяётгани ёшларнинг ҳарбий-ватанпарварлик ҳисси юксалиб, уларда армияга нисбатан янгича қараш шаклланаётганидан дарак беради. Қолаверса, ҳарбий қисмлардаги шароитнинг тубдан яхшиланиши, давлат томонидан аскар ва зобитларга қаратилаётган алоҳида эътибор, аҳоли орасида бу борада олиб борилаётган тарғибот-ташвиқот ишлари ёшларни руҳлантирмоқда.

Муфассал...

СТАТИСТИКА

Сайтга кирганлар
1
Мақолалар
810
Мақолаларни кӯрганлар сони
512684

ӮҚУВЧИЛАР СОНИ

2357555
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
157
2466
4727
2334650
51392
62133
2357555

Сизнинг IPнгиз: 18.208.187.169
Бугун: 23-10-2019 02:09:30

ҲАМКОРЛАР

 

 

   

2015