Умумий жарроҳлик бўлими урология, гинекология ва юрак жарроҳлиги бўлимлари билан ҳамкорликда республикамиздан ташқарида ҳам танилгану эътироф этилган бўлимлардан ҳисобланади. Бу бўлим мутахассислари ўта мураккаб ва нозик жарроҳликларни олий даража, юқори сифатда ўтказиб, юзлаб беморларни умидли ҳаётга қайтарганлар!

Юқори сифат ва халқ розилигини шунчаки қўлга киритиб бўлмайди: Ибн Сино касалхонаси хусусий тарзда ташкил этилган ортиқча чиқимларсиз муассаса ҳисобланиб, аҳолига халқаро меъёр ва даражаларда хизмат кўрсатади! Хориж касалхоналари билан фойдали ҳамкорлик ҳамда касалхона раҳбарияти саъй-ҳаракатлари натижасида, энг яхши маҳаллий ва хориж мутахассислари бу ерда фаолият юритишади. Янги замонавий тиббий ускуналар, арзон дори ва материалларни хориждан олиб келиш сабабли касалхонанинг барча филиалларида (Хўжанд, Фархор, Панжакент) хизмат кўрсатиш табобатнинг камхарж ва арзон бўлиши шароитида ўтади.

Биз билан суҳбатда умумий жарроҳлик бўлими мудири Акрамжон Самадов, фақатгина сўнгги бир ойда 4 нафар беморнинг ўтидаги тошни видео-эндоскопик усулда жарроҳлик қилинганлигини айтиб берди. “Илгарилари бундай амалиёт беморнинг бадани кесилиши йўли билан амалга ошириларди ва жуда қийин ҳамда ўта хавфли ҳисобланарди. Зеро, бундай усул билан жарроҳлик қилишда беморнинг касал юқтириш хавфи сақланиб қолар ҳамда бу амалиёт тўрт-беш киши иштирокида ўтказиларди. Ва бемор жарроҳликдан сўнг 10-12 кун ўтгач, уйига жавоб бериларди. Энди бундай жарроҳликлар Европадан келтирилган ускуналар ёрдамида видео-эндоскопик усул билан тез ва хавфсиз ўтказилади. Бемор эса, жарроҳлик ўтказилгандан 1-2 кун ўтгач, одатдаги ҳаётга қайтиб, фаолиятини давом эттира олади!”

Бу ёш докторнинг айтишига кўра, янги йилдан сўнг, урология ва гинекология бўлимлари мутахассислари билан биргаликда бачадон юқори қисмини кесиш, пластик жарроҳлик (вагинопластика), қорин аъзолари бўшлиғида амалиётлар ўтказилган. 

“Биз жигар эхинококи, жигар гемангиомаси, ичак ва меъдага боғлиқ хасталиклар, ўсимталарни олиб ташлаш, жигар ўнг ёки чап қисмини кесиш, буқоқ (зоб) хасталиги каби жарроҳликларни ўтказиш имкониятига эгамиз. Бизда терининг йиринглаши, флегмона (тери ички қисми йиринглаши), фрункул (халтачасида пайдо бўлган сув туфайли терида йиринг пайдо бўлиши), карбункул (бир неча тук халтачасида пайдо бўлган сув туфайли йиринглаш)”, гидроденит (тер ишлаб чиқарадиган без ва ёғлар атрофида сув йиғилиши натижасида йиринг пайдо бўлиши), баданда пайдо бўлган шиш ва ўсимталар ҳамда яна ўнлаб жарроҳликлар ҳам ўтказилади. “Қайд этиб ўтганимиздек, бу жарроҳликларнинг аксарияти модерн ускуналар орқали амал оширилиб, улар амалиёт сифати ва натижасига ижобий таъсир кўрсатади”.

Доктор Акрамжон Самадов суҳбатимиз сўнггида таъкидлашича, касалхона раҳбарияти тезкор жарроҳлик бўлими очиш арафасида турибди. Барчага маълум бўлганидек, бундай беморлар зудлик билан ташхисдан ўтказилиб, унинг натижа ва кўрсаткичлари ҳам тезда аниқланиши зарур. Ибн Сино касалхонаси ана шундай комил ва мақтовга лойиқ шароитга эгадир.

Нарх-наво ва имтиёзлардан сўз очилгач, доктор Самадов, жарроҳлик турига қараб, унинг нархи ҳам фарқ қилишини қайд қилиб ўтди. Бизнинг нархларимиз беморлар қўли етадиган ва мураккабликларига нисбатан қабул  қилса бўладиган даражададир. Касалхона раҳбарияти барча аҳолининг бизга мурожаат этишига имкон яратиш учун “Суғуртаи миллї” ташкилоти билан биргаликда беморлар сарф ва харажатларини комилан пасайтирадиган дастурни йўлга қўйган! Бизнинг бўлимимизда сарфланадиган харажатларнинг 20 фоиздан 30 фоизигача маблағини “Суғуртаи миллї” ташкилоти тўлайди.

Бу хайрли иш қўлланилиши зарур, деб ўйлайман! Зеро, касалхона раҳбарияти буни аҳоли ижтимоий мушкулликларини ҳал этиш илинжида йўлга қўйган ва уларнинг мақсади аҳолининг кўпчилиги сифатли табобат ҳамда илғор тиббий хизмат кўрсатишдан фойдалана олишларини кўзлайди!

Зарурий ва кенг маълумотни Ибн Сино касалхонасининг  http://ibnisino.tj/ сайтидан олишингиз мумкин.