Биз билан боғланинг:

   

Бизга қӯшилинглар

ХАБАРЛАР

ИҚТИСОД

Муаллиф: Super user Категория: ИҚТИСОД
Чоп этилган 07 Сентябр 2017 Кӯришлар: 1842
Печат

 

Ёки бир экиндан икки ҳосил олиш тўғрисида

supurgi 2017Деҳқончилик борасида гап кетганда, супурги етиштирувчиларнинг меҳнати, дарҳақиқат, машаққатли эканлигини таъкидлаш ўринли бўлади. Супурги етиштириш, унинг нозикликлари ва машаққатлари хусусида, нафақат, Хатлон вилояти, балки мамлакатимиз пойтахти бозорларини ҳам хушбичим, чиройли ва бежирим боғланган супургилар билан таъминлаб келаётган Хуросон ноҳиясининг Уяли қишлоқ жамоатидаги Қайтмас қишлоғида яшовчи Султонали ака Тўхтаев

билан суҳбатлашдик.

Султонали ака янги ўзлаштирилаётган Уяли массивига кўчиб келганда, елкалари тўлишиб, билаклари кучга тўлган пайт эди.

Мустақиллик йилларида йирик хўжаликлар бўлиниб, деҳқон ёки фермер хўжаликлари ташкил этилгандан сўнг, миришкор деҳқонлар сафи кенгая борди. Уларнинг қаторида Султонали ака Тўхтаев ҳам бор эди. Ярим асрлик умри давомида она-Замин билан тиллашиб, деҳқончилик борасида бой тажриба орттирган Султонали Тўхтаев билан суҳбатимизнинг бош мавзуси супурги етиштириш борасида бўлди.

- Супурги етиштириш - биз учун ота мерос касб. Шу боисдан, уни ҳамиша ардоқлаб келамиз. – дейди С. Тўхтаев. – Деҳқон тили билан айтганда, супурги жуда беор ўсимлик бўлиб, у ер ва иқлим танламайди. Аксинча, ҳар қандай ер ва шароитда ҳам ўсаверади. Фақат уни ўз вақтида яганалаб, яхши озиқа берсангиз, йил мобайнида бемалол икки марта ҳосил олишнинг имкони бор. Илгарилари супурги фақат томорқаларда етиштириларди. Истиқлолият шарофати билан бу ўсимлик ҳам далаларда гектарлаб етиштирилаётганлиги яхши самара бермоқда.

Одамзот барча бойликларга ҳалол меҳнат туфайли эришади. Ота-боболаримиз: - «Меҳнат қилмай – роҳат бўлмас, уруғ сепмай – экин ўрмас», - деб бежиз айтишмаган. Айни пайтда биз супурги уруғини янги усулда, яъни чигит экиш сеялкасида йўлга қўйганмиз. Бу ўсимлик уруғи майда бўлганлиги боис, унга элликка-эллик шоли қипиғини ёки опилка - ёғоч қипиғи аралаштирган ҳолда, гектар бошига 40 килограммдан экилади.

supurgi 2017 1Текис униб чиққан ниҳолларни вақтида яганалаб, тагига тупроқ бостириб чопиқдан чиқарилгач, трактор воситасида жўякларга озиқа берилади. Март ойининг охирларида экилган уруғ, июл ойининг бошларида пишиб етилади. Қип-қизил бўлиб етилган супургининг юқори дон қисмини 1,5 метр узунликда ўриб олинади. Пастки қисмини зудлик билан «КИР-1,5» комбайни орқали ўриб, силос тайёрланади. Янчилган супурги қолдиқлари чорва учун тўйимли озиқа ҳисобланади.

Ҳосилдан бўшаган ерни култивация қилиб, минерал озиқа берилса ва сув қўйилса, ерда мустаҳкам турган супурги илдизларидан янги новдалар ўсиб чиқади. Бу новдалар октябр ойида қайтадан ҳосил беради.

Супурги етиштириш замирида машаққатли меҳнат ётади. Супургининг донини сидириб олиш – жуда мушкул иш. Супурги донини сидириш пайтидаги чангдан бир марта «баҳраманд» одам, бу ишга бошқа қўл уришга журъати етишмаса керак.

Бир гектар супурги экилган майдондан 20-25 центнердан уруғ ва 3 минг донагача ойим супурги боғлаб олинади. Албатта, бу ишни бир киши уддалай олмайди. Унга кўп қўл кучи талаб қилинади. Шунинг учун ҳам, супурги етиштиришни оилавий ҳамжиҳатликда йўлга қўйиш мақсадга мувофиқдир. Айни пайтда ўғилларим - Пўлатжон, Собиржон, Толибжон, Содиқжон ва келинларим – Хуморой, Наргизалар, аллақачон, бу касбда шогирдлик чегарасидан ўтиб кетишган.

Бир сўз билан айтганда, супурги етиштириш яхши даромад, тозалик воситаси бўлибгина қолмай, балки рўзғор фаровонлиги омили, чорва учун беминнат озиқа ва ерни алмашлаб экиш маданиятида ҳам муҳим рол ўйнайди.

Султонали Тўхтаев узоқ йиллар давомида Қайтмас қишлоқ ҳудудидаги қўриқ ерларни ўзлаштирилишининг дастлабки 70 гектаридан бошлаб, унинг 800 гектарга етказилишида катта ҳисса қўшган деҳқонлар сирасига киради. У киши бригада бошлиғидан участка агрономи лавозимларигача ишлаб, элу юрт орасида обрў-эътибор қозонди. Миришкор деҳқоннинг меҳнатларини инобатга олган хўжалик маъмурияти у кишини «Меҳнат Қизил Байроқ» ва «Ҳурмат белгиси»  орденларига сазовор, деб топди. С. Тўхтаев уч марта Социалистик мусобақа ғолиби бўлган. Халқ хўжалиги ютуқлари кўргазмасининг олтин ва кумуш медалларига сазовор, деб топилган. У киши бир неча марта ноҳия халқ вакиллари мажлиси депутатлигига сайланган.

Султонали ака Тўхтаев бугун кексалик гаштини сураётган бўлишига қарамай, масъулиятдан ўзини олиб қочмайди. Қишлоқ хўжалиги ишларида ҳамиша шогирдларига раҳнамо ва дуогўй…

 

Давронбек КАРИМОВ, Хуросон ноҳияси.

Иқтисодиётимиз учун Роғун ГЭСининг аҳамияти?

Жуда катта - 57.1%
Катта - 0%
Унчалик аҳамияти йук - 0%
Аҳамиятсиз - 28.6%
Билмайман - 14.3%

Проголосовали: 7

КАЛЕНДАР

« Январ 2020 »
Дш Сш Чш Пш Жм Шб Яб
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

МАҚОЛАЛАР

Насрдаги туйғулар

 

МУАЛЛИМА

Яқинда сизни учратиб қолдим. Ўқувчиларингиз орасида ёшариб кетгандайсиз. Сизни кўрдим-у болалигим ёдимга тушди. Дарсни:

-Болажонларим, деб бошлардингиз. Ўйинқароқ  эдик, сизни кўпинча койитиб қўйсак-да, кенг феъл, меҳрибон нигоҳ билан бизга сабоқ беришни давом эттирардингиз. Мулойим овозингиз ҳали-ҳануз қалбимда акс-адо бериб турибди. Биринчи ўқитувчимга, деб олиб борган даста гулларим  кўз ўнгимда.

Кейин йиллар ўтди. Сўнгги қўнғироқнинг жарангдор садоси юрагимизга жо бўлди. Беғубор болалик, ўсмирлик даври ортда қолди. Сиз каби устозлар дуоси билан мустақил ҳаётга дадил қадамлар қўйдик, муаллима.

Мана кеча сизни учратиб қолдим.  Ширинтой болажонларингиз атрофингизда парвона.

...Мен шу лаҳза ўз болалигим билан учрашгандай бўлдим.

 

ШАМОЛ ВА МУСИЧА

Шамолнинг қаҳри – қаттиқ. Бунча ҳам қаттиқ эсмасанг, деб ёлборарди мусича, ахир инимни бузиб, полапонларимни…

Мусичанинг илтижолари зое кетди. У бузилган уяси атрофида бир-икки айланди-да, ерга қўнди. Ўлиб ётган полапонларига боқаркан, яна гир айланди. Шамол ҳамон қутурар, хас-чўпларни турли томонларга  учирарди.

Орадан вақт ўтиб, мусича яна жўжа очди. Шамол эсарди. Энди мусича унга парво қилмайди – шамолдан панада полапонларига меҳр билан емиш улашади. Шамол қанча ғазаб отига минмасин, мусича хотиржам болаларига андармон бўлади. Тоза ҳаводан тўйиб-тўйиб нафас оларкан, мусича: -Бир вақтлар сизлардай полапонларим, акаларинг бор эди, бу шамол…- деб қўяди ғу-ғулаб. Ва панароқда ин қурганидан хурсанд бўлади. 

 

Раҳмат БЕК.

Эл нетиб топғай мениким…

 

1987 йилнинг кузаги. Тонг маҳали Матбуот уйи, деб аталадиган қутлуғ даргоҳга йўл олдим. Осмон мусаффо, офтоб чарақлаб турибди. Бу ерда республика ўзбекларининг отахон газетаси ҳисобланган "Совет Тожикистони" (ҳозирги "Халқ овози")нинг идораси жойлашган бўлиб, кираверишда узун коридор, кенг ёруғ хоналардан иборат эди. Азизу мўътабар, меҳрибон, дилкаш инсонлар қалам тебратардилар. Тилларида ширин сўз, юзларида табассум

Муфассал...

СТАТИСТИКА

Сайтга кирганлар
1
Мақолалар
835
Мақолаларни кӯрганлар сони
602101

ӮҚУВЧИЛАР СОНИ

2608016
Бугун
Кеча
Шу ҳафта
Ӯтган ҳафта
Шу ой
Ӯтган ой
Ҳаммаси
1354
2096
1354
2588987
76112
86682
2608016

Сизнинг IPнгиз: 3.227.240.143
Бугун: 27-01-2020 18:32:44

ҲАМКОРЛАР

 

 

   

2015