2017 йилнинг 5 июл куни Покистон Ислом Республикаси Бош вазири Муҳаммад Навоз Шарифнинг Тожикистонга расмий ташрифи Миллат қасри ёнида тантанали кутиб олишдан бошланди.

Тинчлик ва миллий бирлик асосчиси - Миллат пешвоси, Тожикистон Республикаси Президенти муҳтарам Эмомали Раҳмон олиймақом меҳмон - Покистон Ислом Республикаси Бош вазири Муҳаммад Навоз Шарифни илиқ

ва самимий қарши олиб, фахрий минбарга таклиф қилди.

Олиймақом меҳмонни расмий кутиб олиш маросимида Фахрий гвардия қисм ва бўлинмалари, нафас асбоблари оркестри саф  тортган бўлиб, икки мамлакат делегациялари иштирок этди.

Истиқбол олиш маросимида икки давлат мадҳиялари янгради. Тантанали марш остида Тожикистон ва Покистон раҳбарлари Фахрий гвардия сафи ёнидан ўтишди. Покистон Ислом Республикаси Бош вазири ҳарбий парад иштирокчилари билан саломлашиб, Тожикистон давлат байроғига эҳтиром кўрсатди.

Олиймақом меҳмонни кутиб олишнинг тантанали маросими Давлат бошлиқларининг иккала давлат расмий делегациялари билан танишуви орқали ниҳоясига етди. 

"Ховар" ТМАА.