Тожикистон Миллий бирлик ва тикланиш ҳаракати Тинчлик ва миллий бирлик асосчиси – Миллат пешвоси, Тожикистон Президенти муҳтарам Эмомали Раҳмоннинг халқ ҳаракатлари аввалида туриб, ўз ишончини мамлакат бунёдкор халқи иродаси билан ифодалайдиган  донолиги ва узоқни кўра олишлигидан яна бир марта дарак берди. Миллий бирликка эришилган сана Тожикистон учун улкан тарихий аҳамиятга эга.

Чунки фуқаролик урушидан азият чеккан ва бир-биридан ажралган халқ бугун яна жипслашиб, бирликка эришди. Биз миллий бирликни осон қўлга киритмадик. Шунинг учун ҳам, ҳар доим одамларни бундай буюк неъматнинг қадрига етиш ва уни такомиллаштиришга ундашимиз керак.

Ўтган йиллар давомида  реал бирликка эришиш, Ватан, давлат ва миллат манфаатларини барча нарсадан устун қўйишимиз бизнинг улкан ютуғимиз эди ва шундай бўлиб қолади. Халқлар бирдамлиги ва дўстлик ғояси халқимиз тарихида ўзига хос мавқега эга.

Миллий бирлик фақат тожикларнинг бирдамлиги эмас, балки республикамизнинг барча фуқаролари – тожик, рус, ўзбек, туркман ва бошқа миллату элатлар бирлигидир. Эндиликда биз мамлакат тараққиёти ва осойишталиги йўлида садоқат билан хизмат қилиб, Давлат бошлиғи атрофида жипслашган ҳолда, азиз Тожикистонимиз нуфузини халқаро майдонда баланд чўққиларга олиб чиқишимиз керак.

Ҳар бир мамлакат мустақиллигини, асосан, уч муқаддас қадрият – истиқлолият, тинчлигу барқарорлик ва жамият бирлиги-ю мувофиқлиги аниқлаб беради. Бу уч омил жамият тараққиётининг муҳим шарти ҳисобланади. Миллатнинг  фидойи    фарзанди Эмомали Раҳмон қудрат тепасига келган пайт Тожикистон курашлар ёқасида турганди. Мамлакат ичкарисидаги уруш ва қарама-қаршиликлар улкан моддий ва жон талафотларига сабаб бўлиб, давлат яхлитлиги ва тожик миллатининг боқийлигига таҳдид соларди. 

Давлат бошлиғи дастлабки кунларданоқ мамлакатни ҳалокат ёқасидан сақлаб қолиш, минглаб қочқинларни бирлаштириш йўлида доно андиша ва чора-тадбирларнинг мукаммал режасини йўлга қўйди. Мухолифлар бошлиғи билан бўлган сўзлашув ва музокараларда, хоҳ ичкарида бўлсин ва хоҳ ташқарида ёш жонига бўлган хатарлардан кўрқмасдан, сўзлашувлар столига ўтирарди. Биз халқнинг мамлакат Олий Кенгаши ХVI  сессиясининг биринчи кунларидан тинчлигу барқарорлик, миллат бирлиги ва азиз Ватанимиз яхлитлигини таъминлайдиган муаззам раҳбарни қўллаб-қувватлаётганлигини ҳис этардик. Ўша нотинч шароитда янги ташкил этилган мустақил давлатнинг ҳуқуқий заминаларини вужудга келтириш учун барчанинг баравар ҳаракат қилаётганлигини сезардик. Тожик миллати давлат мустақиллиги қаторида  ХХ асрнинг ноёб ҳодисаси ва буюк неъмати бўлган Миллий бирликни эҳтиром этмоғи лозим.  Миллат душманларининг турли алдов ва найрангларига учмасдан, шу Ватан ва қадимий замин ободлиги фикрида бўлиши керак. Миллий бирликни бошқа миллий қадриятлар қаторида эҳтиром этиш ҳар бир ватанпарвар шахснинг вазифасидир.

Мухтор ИСОЗОДА,

Душанбе шаҳар суди судяси.