7 декабр куни Тинчлик ва миллий бирлик асосчиси-Миллат пешвоси, Тожикистон Республикаси Президенти муҳтарам Эмомали Раҳмон Миллат қасрида Жаҳон банкининг Марказий Осиё мамлакатлари бўйича минтақавий директори Лилия Бурунчук ва Вулфенсон тараққиёт маркази ижрочи директори Йоҳаннес Линнларни қабул қилди.

Мулоқот жараёнида бугунги дунё вазияти, молиявий инқирознинг дунё мамлакатлари иқтисодиётига таъсири ва бу муаммони ҳал қилишнинг самарали йўлларини топиш масалалари кўриб чиқилди. 

Давлат бошлиғи муҳтарам Эмомали Раҳмон миллий иқтисодиёт тараққиёти йўналишида молиявий институтлар ўрнини юқори баҳолаб, иқтисодий тараққиёт учун улар тажрибасидан фойдаланишликни самарали, дея таъкидлади.

Келажакда ҳам тараққиёт шериклари Тожикистон тараққиёт стратегияси устувор йўналишлари доирасида миллий иқтисодиётга ташқи омиллар салбий таъсирини камайтириш учун давлат бюджети, ижтимоий ва энергетик, транспорт инфратузилмаси тармоқларини қўллаб-қуватлаш орқали ёрдам беришларига ишонч билдирилди.

Томонлар, шунингдек, миллий иқтисодиётнинг рақобатбардошлигини кучайтириш, янада ривожлантириш учун қулай шарт-шароит яратиш, миллий устуворликни таъминлаш ва халқ фаровонлигини ошириш ҳамда Тожикистон Республикаси Ҳукуматининг "2016-2020 йиллар учун Тожикистон Республикаси ўрта муҳлатли тараққиёт дастури" ва "2030 йилгача бўлган Тожикистон Республикаси миллий тараққиёт стратегияси"ни мақсадли амалга татбиқ этишни қамраб оладиган инқирозга қарши тадбирлари хусусида фикр алмашдилар.

"Ховар" ТМАА.